Jelemiya 33:11 - Baibo Busansulushi Bwa Libuku Ili

¹¹ ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Jelemiya 33:11 Marejeleo ya Msalaba

1 Makani 16:34

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

1 Makani 16:8

Amulumbe Mwaami Lesa, amumulambile mukwiita liina lyakwe. Amupukishe nshaakacita kumishobo yoonse.

2 Makani 20:21

Jeoshafati ndyaakamana kwiipusha bantu, wakasala beshikwiimba akubaambila ayi bafwale shakufwala shisalalite sha bwiimbi alimwi akunooya ceendela kunembo lya bashilumamba kabaya ciimba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

2 Makani 29:31

Kuswawaawo Esekiya wakaamba ayi, “Ono bulya mwalisalasha kweelana aMilawo. Anu amulete milambu ashipo shakulumba Mwaami Lesa.” Mpeeke bantu boonse bakaleta milambu ashipo shakulumba Lesa. Bamwi bakaleta amilambu yakutenta cakulyaaba beene.

2 Makani 5:13

Beshikulisha mapeenga abeshikwiimba bakalinga kwiimba cakucatana pantu pomwi anga ngumuntu womwi kabalumbaisha Mwaami Lesa. Uku mapeenga, tusenke ashimwi shakulisha kashilishikwa, bakeemba amaswi apeculu mukulumbaisha Mwaami Lesa ayi, “Amulumbaishe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.” Lyalo Ŋanda ya Mwaami Lesa yakesula likumbi lya bulemu bwakwe Lesa.

2 Makani 7:3

Bene Isilaeli ndibakabona mulilo koosa panshi abulemu bwa Mwaami Lesa peculu lya Ŋanda yakwe Lesa, bakafukama cakushisha shiwa panshi akulambila alimwi akulumbaisha Mwaami Lesa mukwaamba ayi, “Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.”

Esila 6:22

Lyalo bakaba akusekelela kwakulya cimaande. Bakacita boobo kabasangalete kwanshiku shosanwe ashobilo. Bakasangalala mukwiinga Mwaami Lesa wakasandula moyo wa mwaami wa kuAsilya ayi abacaafwe kuyaka alimwi Ŋanda yakwe Lesa, Lesa wa bene Isilaeli.

Neyemiya 12:43

Pabushiku ubu bakaleta milambu iinji, abantu bakasekelela cakusangalala ceebo Lesa wakabasangalasha abuumbi. Banakashi abaana abalo bakasekelela, aboobo ciyobeyobe cakusangalala kwabo muJelusalemu cakalinga kunyumfwikilabo kulaale.

Neyemiya 8:12

Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.

Kulumbaisha 106:1

Amulumbaishe Mwaami Lesa! Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:1

Amulumbe Mwaami Lesa mukwiinga uli kabotu, ee, mukwiinga lusuno lwakwe ndwamuyayaya.

Kulumbaisha 107:22

Abamuluumbe amilambu yakulumba, akwaambilisha milimo yakwe munyimbo shakusangalala.

Kulumbaisha 116:17

Ndaakubenga mulambu wakulumba kuli ndimwe alimwi akupaila muliina lyanu noBaami baLesa.

Kulumbaisha 147:13

Lakwe ngooyumya mpingilo sha kuminjililo yako, akupa coolwe bantu bekala mumo.

Kulumbaisha 85:7

NoBaami baLesa, amutuboneshe lusuno lwanu lutamaani, alimwi amutupe lucafwo lwa lupulusho lwanu.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 52:8

Amukutike, beshikulindilila banu bayobela. Boonse batokoolobesha cakusangalala. Mwaami Lesa akuboola muSiyoni boonse balaakulibonena ameenso abo.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Jelemiya 17:26

Mpeeke bantu balaakuswa mumandabala a kuJuda amishi ishingulukite Jelusalemu, mucishi cakwe Benjameni, tulundu tuniini twa kumbo akucishi ca tulundu ca Negefu. Balaakuleta milambu yakutenta, shipo sha fulaulo, tununkila kabotu alimwi amilambu yakulumba kuŊanda yangu neMwaami Lesa.

Jelemiya 25:10

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 30:19

Lyalo bantu beshi bakekaleemo balaakunokwiimba nyimbo shakulumbaisha, akupanga ciyobeyobe cakusangalala. Ndaakubafusha cakwaamba ayi teshi bakaceyeewo, sobwe. Ndaakubalemeka cakutanyanshikwawo tubili.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 32:44

Ndushinisho bantu balaakuula myuunda iyo amaali asilifa. Balaakulemba meenaabo pamakalata atondesha bwiine akubikawo kalamatila wakeshibilo pameenso a bakamboni. Ici cilaakucitika mucishi cakwe Benjameni, mumishi ishingulukite Jelusalemu, mumandabala a mucishi ca Juda, mumandabala ali kutulundu, mishi ili mutulundu tuniini aya muNegefu. Ndaakuboosha bantu aba mucishi cabo. Nebo neMwaami Lesa ndaamba.”

Jelemiya 33:26

Ono mbocibete lushinisho ayi ndakacita boobo, mbweeke ubo mbweshi nkacite kweelana acipangano cangu abamulunyungu lwakwe Jakobo alimwi amusebenshi wangu Defedi. Ndaakusalawo muntu womwi pabamulunyungu lwakwe Defedi ayi alele bamulunyungu lwakwe Abulaamu, Isaki aJakobo. Ndaakufwita nkumbu bantu bangu akubalengesha kuswitilila alimwi.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Jona 2:9

Sombi ndaakubenga mulambu, akwiimba lwiimbo lwakulumba. Ico ncendakamushomesha cakulumbila, ndaakucicita. Ncakwiila lupulusho lulaswabo kuli ndimwe noBaami baLesa.”

Naamu 1:7

Mwaami Lesa ngumubotu. Uli anga nciyubilo mushiindi sha mapensho. Ulafuna baabo bacinkite manungo muli nguwe.

Sefaniya 3:14

Koimba ondabala ya Siyoni! Koolobesha webo oIsilaeli! Kosangalala akusekelela amoyo wako woonse webo ondabala ya Jelusalemu!

Sekaliya 10:7

Bene Isilaeli balaakuba ankusu anga mbashilumamba. Balaakukondwabo anga ngumuntu walinga kunwa waini. Bamulunyungu balaakwiibaluka kukoma uko akusangalala ceebo ca sheesho Mwaami Lesa nshaakacita.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Sekaliya 9:17

Cabota cishi nceeci mwebo! Basankwa bacikula bwangu balaakushimpa kushili anga ngamaila abalo bamyooye balaakunooboneka kabotu kuwaini upya.

Joni 3:29

Uyo ucite nabwiinga ngushibwiinga. Nakubi boobo mubye shibwiinga uleemikana pafwaafwi akumukutika. Na wanyumfwa liswi lyakwe ulasangalala abuumbi. Mbweeke ubo anebo ndasangalala abuumbi.

Bene Ebulu 13:15

Paceebo ceeco kwiinda muli Jesu, atulumbaishe Lesa lyoonse kwaamba ayi kube mulambu wesu, nditulyaambilila ayi nguMwaami wesu.

Ciyubululo 18:23

Muli ndiwe teshi mukabonekeewo lilampi litoonyaka alimwi teshi mukanyumfwikeewo liswi lyakwe shibwiinga alyakwe nabwiinga. Beshimakwebo bako bakalinga mbobantu beendaawo nkusu mucishi coonse ca panshi. Ono kwiinda mumampelampela ako, wakacenjeeka bantu ba mishobo yoonse mucishi coonse ca panshi!”