Jelemiya 32:34 - Baibo Busansulushi Bwa Libuku Ili

³⁴ Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 32:34 Marejeleo ya Msalaba

2 Baami 21:1

Manase wakaba mwaami wa bene Juda kaacite myaaka likumi ayobilo. Wakalela muJelusalemu kwamyaaka makumi osanwe amyaaka yosanwe. Banyina bakalinga mbaEfusiba.

2 Baami 23:6

Mpeeke muŊanda yakwe Lesa wakakushaamo cikoshanyo cakwe Ashela lesa mwanakashi, wacikusha mundabala akucitola kuCinyika ca Kidiloni kuya mukucitenta uko. Lyalo wakacipelapela kushikila caba busu akusanseela busu ubo pashuumbwe sha bantubo.

2 Makani 33:15

Wakakusha balesa beensu akukusha cikoshanyo cakubesa muŊanda yakwe Lesa kubikaawo ashipaililo isho nshaakalinga wayaka pakalundu ka Ŋanda yakwe Lesa muJelusalemu. Lyalo shoonse wakashisowa kunsengwe lya ndabala.

2 Makani 36:14

Kwiilika waawo, bamatanjilili boonse ba bapailishi abene Juda bakalinga kuya ciindaawo kutashomeka ceebo cakukonkela micito ilensha bunya ya mishobo imwi. Mukucita boobo, bakalengesha Ŋanda yakwe Lesa, iyo njaakasalasha muJelusalemu, kuba itasalalite kweelana aMilawo.

Jelemiya 19:4

Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 23:11

Mwaami Lesa waamba ayi, “Balaluki alimwi abapailishi tabakonkeli nebo neLesa. Ncakwiila nabibo muŊanda yangu ndabacanikisha kabacita bubi.

Jelemiya 30:14

Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 34:15

Amwebo nshiku shiniini sheenda, mwakasandula miyeeyo yanu akucita cakansangalasha. Noonse mwakasuminishanya kwaangulula basha bene Isilaelinyinaanu akupanga cipangano kunembo lyangu muŊanda yangu umo moonambililwa.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 7:10

Mwamana kucita shintu ishi shilensha bunya, mulesa mukwiimikana pameenso angu muŊanda yangu ino akwaamba ayi, ‘Swebo tatucite cakulisukama.’

Jelemiya 7:30

Mwaami Lesa waamba ayi, “Bene Juda bacita shintu shibiibi pameenso angu. Bakabika shibumbwabumbwa shabo shilensha bunya muŊanda yangu akwiibisha.

Jelemiya 7:31

Bakayaka shipaililo kuTofeti muCinyika ca Inomu pakunootentela bana babo basankwa abanakashi. Ico ncintu nceentakwe kubaambila nabi kuciyeeyaawo.