Jelemiya 32:32 - Baibo Busansulushi Bwa Libuku Ili

³² ceebo ca shibiibi shoonse isho shakacita bene Juda abene Jelusalemu pantu pomwi abamaami babo alimwi abamatanjilili babo, bapailishi babo alimwi abalaluki.

Jelemiya 32:32 Marejeleo ya Msalaba

Esila 9:7

Kuswa muciindi ca bamashali besu bakulukulu kushikila sunu, shibiibi shesu shafula abuumbi. Ceebo ca shibiibi shesu, swebo, bamaami abapailishi besu twakakomwa kubamaami ba mushishi shimwi, tulacaikwa, kwipilwa akutolwa busha. Ncakwiila twasebaana abuumbi bweenka mbotubete asunu.

Isaya 1:23

Batanjilili bako mbaashu alimwi baleendelana abeepi. Ncakwiila mbantu basunishi makulo akutambula shipo. Tabeemikaniniwo banabanshiwa munkuta nabi kukutika na bamukalubinje banakashi baleta makani kuli mbabo.

Isaya 22:1

Aya ngamaswi aamba paCinyika ca cili anga Nciloto. Ono nciinshi cacitika calenga ayi noonse mutante peculu pashiluli shanu?

Jelemiya 2:26

Mwaami Lesa waamba ayi, “Bweenka mwiipi mbwaasebaanishikwa na wacatwa, mbweeke ubo amwebo nobene Isilaeli mbweshi mukasebaanishikwe. Nkokwaamba ayi mwebo nobeene, bamaami banu abacinenenene, bapailishi babo pantu pomwi abalaluki.

Jelemiya 44:17

Sombi ndushinisho swebo tunanoocita shoonse nshetwakaamba. Tunanootentela Mwaami mwanakashi Wakwiculu tununkila kabotu akumupa shipo sha shakunwa bweenka swebo abamashali besu bakulukulu, bamaami abacinenenene besu mbobakalinga kunoocita mumandabala a kuJuda amumikwakwa ya muJelusalemu. Paciindi ico twakalinga kucite shakulya shiinji alimwi katushiite kabotu. Taaku acakalinga kutupensha.

Jelemiya 44:21

“Sa Mwaami Lesa taakwe kwiibaluka akuyeeya tununkila kabotu uto ntomwakalinga kutenta mumandabala a kuJuda amumikwakwa ya muJelusalemu, ee, mwebo, bamashali banu bakulukulu, bamaami, bacinenenene banu alimwi abantu ba mucishi?

Jelemiya 7:17

Sa shintu nshebatoocita mumandabala a mucishi ca Juda amumikwakwa ya ndabala inene ya Jelusalemu tooshibwene?

Esekelo 22:6

“ ‘Mutanjilili womwi awomwi wa bene Isilaeli uli muli ndiwe ulasebensesha nkusu shakwe kutila bulowa.

Danyelo 9:16

NoBaami baLesa kweelana amicito yanu iluleme amukushe bukali bwanu buyoosha pandabala ya Jelusalemu, ndabala yanu inene, ee, pakalundu kanu kasalalite. Shibiibi shesu ashilubo sha bamashali besu bakulukulu shakalengesha ndabala ya Jelusalemu abantu banu kuba cintu ceelete kushibulukwa kubantu boonse batushingulukite.

Danyelo 9:6

Tatukwe kunyumfwilawo basebenshi banu balaluki abo bakalinga kwaambila muliina lyanu kubamaami besu, baleli besu, bamashali besu bakulukulu alimwi akubantu boonse ba mucishi cesu.

Danyelo 9:7

“Mwebo noBaami baLesa muliluleme, sombi swebo tulaliletela musebaanyo, nkokwaamba ayi bene Juda, bene Jelusalemu alimwi abene Isilaeli boonse, bali pafwaafwi abali kulaale, ncakwiila kulilabo mucishi cili coonse motwakapalanganishilwa ceebo cakutashomeka kwesu kuli ndimwe.

Danyelo 9:8

NoBaami baLesa, swebo, bamaami besu, baleli besu alimwi abamashali besu bakulukulu tulaliletela musebaanyo ceebo twakamubishisha.