Jelemiya 32:25 - Baibo Busansulushi Bwa Libuku Ili

²⁵ Nakubi boobo noBaami baLesa ndimwe mwakantuma ayi ngule muunda amaali a silifa pameenso abakamboni nakubi kwaamba ayi ndabala inene iyi itooyanda kunyonyoolwa kubene Babiloni.”

Jelemiya 32:25 Marejeleo ya Msalaba

Kulumbaisha 77:19

Nshila yanu yakeenda mumaanshi, mukwakwa wanu wakapula pakati ka Lweenge, nakubi kwaamba ayi momwakalyata tamukwe kuboneka.

Kulumbaisha 97:2

Makumbi amunshinshe ushiya mbi shilimushingulukite. Bululami akoombolosha kwakutanyengelela shili anga ndwiimbi lwa cuuna ca bwaami bwanu.

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Jelemiya 32:24

“Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Jelemiya 32:26

Mpomunyaawo Mwaami Lesa wakandwiita ayi,

Jelemiya 32:43

Bantu batokwaamba ayi cishi cino cilaakubabo anga nduyanga umo mutekaali bantu nabi banyama alimwi ayi cilaakupekwa kubene Babiloni. Sombi bantu balaakunokuula myuunda mucishi cino alimwi.

Jelemiya 32:8

Ono bweenka bwakaamba Mwaami Lesa, Anamelo wakesa mukumbona kulubansa lwa ŋanda ya bwaami akunsenga ayi ngule muunda wakwe. Paceebo ceeco ndakeshiba ayi maswi alya ncakwiila akaswa kuMwaami Lesa.

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Joni 13:7

Jesu wakakumbula ayi, “Inga tooshibi ncentoocita bulya, sombi ulaakucishiba kunembo.”