Jelemiya 32:24 - Baibo Busansulushi Bwa Libuku Ili

²⁴ “Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Jelemiya 32:24 Marejeleo ya Msalaba

2 Samwelo 20:15

Mpeeke bashilumamba bakwe Joabu bakanyumfwa kwaamba ayi bakalinga mundabala inene iyo. Mpeeke bakaya beeshinguluka akupanga cakutantilaawo ca bulongo ceelene alilinga. Lyalo bashilumamba bakwe Joabu bakatalika kuuma lilinga kwaamba ayi balimwaaye.

Isaya 37:33

“Aboobo pamwaami wa bene Asilya, Mwaami Lesa waamba ayi, ‘Teshi akenjilewo mundabala inene ino, nabi kuwaala mufwi muno nabi womwi. Teshi akese aliyawo kundabala inene ino nabi kushingulusha mukuti wakutantilaawo kulubumbu.

Jelemiya 16:4

Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.

Jelemiya 20:5

Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 24:10

Ndaakubatumina nkondo, nsala amwaalu kushikila bakanyonyooke mucishi ico ncendakapa mbabo abamashali babo bakulukulu.”

Jelemiya 29:17

Ee, Mwaami Lesa Shinkusu shoonse waamba ayi, ‘Ndaakubatumina nkondo, nsala amwaalu alimwi ndaakubalengesha kuba anga ninkuyu shibiibi cakutalikwa.

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 32:25

Nakubi boobo noBaami baLesa ndimwe mwakantuma ayi ngule muunda amaali a silifa pameenso abakamboni nakubi kwaamba ayi ndabala inene iyi itooyanda kunyonyoolwa kubene Babiloni.”

Jelemiya 32:28

Aboobo ndaakwaaba ndabala inene iyi kuli Nebukadinesa mwaami wa bene Babiloni abashilumamba bakwe abo beshi bakeekoome

Jelemiya 32:3

Mwaami Sedekiya wakambika muntolongo uko ceebo wakampa mulandu. Wakaamba ayi ndakaambilisha ayi, “Mwaami Lesa wakaamba ayi, ‘Ndaakulengesha mwaami wa bene Babiloni kukoma ndabala inene iyo.

Jelemiya 32:36

Mwaami Lesa, Lesa wa bene Isilaeli wakandwiita ayi, “Jelemiya, bantu batokwaamba ayi, ‘Kwiinda munkondo, nsala amwaalu, ndabala inene iyi ilaakwaabwa mumaansa a bene Babiloni.’ Ono kutika ashimwi nsheentooyanda kwaamba.

Jelemiya 32:5

Sedekiya ulaakutolwa kubabiloni uko nkweshi akanooshiite kushikila nkamoomboloshe. Nabi akalwane abene Babiloni, teshi akabakomeewo, sobwe. Nebo neMwaami Lesa ndaamba.’ ”

Jelemiya 33:4

Ono pamaanda a muJelusalemu alimwi amaanda a bwaami a muJuda ayo akapwaikwa ayi bayake lubumbu lwakushinkila bene Babiloni abo bakapanga citunta cakutantaawo pakulwana, nebo neMwaami Lesa, Lesa wa bene Isilaeli ndaamba ayi,

Jelemiya 34:17

Paceebo ceeco nebo neMwaami Lesa ntokwaamba ayi, “Mwebo tamukwe kunyumfwila maswi angu pakukaka kwaangulula bakwabanu baEbulu. Aboobo ntoomwaangulula ayi mukafwe kunkondo, mwaalu alimwi akunsala. Ndaakumulengesha kulensha bunya kubwaami boonse bwa pacishi ca panshi.

Jelemiya 52:4

Mpomunyaawo mumwaaka wasanu ayone wa bwaami bwakwe Sedekiya, pabushiku bwalikumi mumweenshi walikumi, Nebukadinesa mwaami wa bene Babiloni wakanyamuka abashilumamba bakwe kuya mukulwana abene Jelusalemu. Bakayaka misumba yabo pansengwe lya ndabala iyo akuyaka mukuti wakutantilaawo kushingulusha lubumbu lwa njiyo.

Jelemiya 52:6

Lyalo pabushiku bwasanu ashone, mumweenshi wane wa mwaaka uyo weenka, mundabala iyo nsala yakakomena abuumbi cakwaamba ayi bantu tebakalinga kucitewo cakulya naciceyi.

Jelemiya 6:6

Mwaami Lesa Shinkusu shoonse utokwaamba ayi, “Amuteme shisamu muyake cakutantaawo pakulwana ayi ndabala ya Jelusalemu twiishinguluke. Ndabala iyi ilyeelete kupekwa mulandu ceebo iliswitebo kulyatililana.

Esekelo 14:21

Mwaami Lesa Shinkusu shoonse waamba ayi, “Ino cilaakuba buyani ndaakutuma mapensho one eendaawo kubica pandabala ya Jelusalemu, nkokwaamba ayi ndaakutuma nkondo, nsala, banyama bamuluundu amwaalu kucaya bantu ba mumo alimwi ashifubwa shabo?

Esekelo 21:22

Ono cisolo cilaakuwita kumufwi wa kululyo uyo weshi ukanokwiimikanina ndabala ya Jelusalemu. Mwaami wa bene Babiloni ulaakuya kundabala iyo akuya mukutula minkulwa yakupwaishako lubumbu, kuya mukucitilako ciyobeyobe ca nkondo, kuya mukuyaamika minkulwa yakupwaishaako kuminjililo ya njiyo, kuyakako shitunta shakutantaawo pakulwana alimwi akukabako shilindi sha nkondo.

Esekelo 21:27

Matongo! Matongo! Ee, ndaakulengesha ndabala inene kuba matongo. Ici teshi cikacitike kushikila uyo ngondakasala akese mukupa ndabala iyi mulandu. Lyalo ndaakwiipa kuli nguwe.’

Esekelo 26:8

Ulaakucaya bantu bekala mumishi yako ili kuloombe lwa lweenge kumipeeni. Balaakukaba shilindi akuyaka shitunta shakutantaawo pakulwana. Pakukulwana, balaakunyamuna mayawo abo akulishitilisha kuli ndiwe cakubabo anga ndubumbu.

Esekelo 4:2

Wamanisha ubikeeko shisebensesha balwani pakushinguluka ndabala. Ukabe shilindi, uyakeko citunta cakutantaawo pakulwana, akuyaka misumba ya balwani alimwi akwiishingulusha minkulwa yakupwaishako lubumbu.

Abakuku 1:10

Balanyansha bamaami akuseka bacinenenene babo. Taaku ndabala icite lilinga ndyeenga baalilwa kwiinda. Balayakabo shitunta shakutantaawo pakulwana sha bulongo akukoma ndabala iyo icite lilinga.

Sekaliya 1:6

Ndakapa bamashali banu bakulukulu milawo amilasho kwiinda mubasebenshi bangu balaluki, sombi balo bakeekaka akupekwa mulandu. Kuswawaawo bakasanduka kuswa kushibiibi shabo akusumina ayi nebo neMwaami Lesa Shinkusu shoonse ndakabapa mulandu kweelana akubisha kwabo bweenka mbondakayeeya kucita.’ ”

Mateyo 24:35

Liculu alimwi acishi ca panshi shilaakumana, sombi maswi angu teshi akamaneewo, sobwe.

Dutolonomi 4:26

Ndeeta liculu acishi ca panshi kuba bakamboni sunu, kwaamba ayi na mukabule kunyumfwila, teshi mukekaale ciindi cilaamfu mucishi cili kwitala lya Joodani ico ncemuli pafwaafwi kubwesa. Sombi mulaakunyonyoolwa cakumaninina.