Jelemiya 32:22 - Baibo Busansulushi Bwa Libuku Ili

²² Kuswawaawo mwakabapa cishi ici muli bubile abulongo bubotu kweelana ambomwakashomesha bamashali babo bakulukulu.

Jelemiya 32:22 Marejeleo ya Msalaba

Matalikilo 13:15

Cishi coonse ici ncewabona ntookupa abamulunyungu lwako, alimwi cilaakunoolibo caako muyayaya.

Matalikilo 24:7

Mwaami Lesa, Lesa wa kwiculu uyo wakankusha muŋanda ya bata mucishi cine misheesu alimwi uyo wakaamba kuli ndime wakashomesha cakulumbila ayi, ‘Bamulunyungu lwako ndaakubapa cishi ici.’ Ulaakutuma munjelo kootana kushika kulya kwaamba ayi ukakonshe kucanina mwanaangu, mwanakashi wakweeba.

Matalikilo 50:24

Mpeeke wakaambila bamakwabo ayi, “Ndipafwaafwi kufwa, sombi Lesa ulaakumucafwa akumutanjilila kuswa momuno kuya kucishi ico ncaakalasha baAbulaamu, baIsaki alimwi abaJakobo cakulumbila.”

Neyemiya 9:15

“Ndibakafwa nsala mwakabapa cakulya kuswa kwiculu. Ndibakafwa nyotwa mwakabapa maanshi kuswa mumwaandami. Mwakabaambila ayi baye mukubwesa cishi ico ncemwakabashomesha kubapa.

Kulonga 13:5

Mwaami Lesa wakashomesha bamashali banu bakulukulu cakulumbila kumupa cishi ca bene Kenani, bene Iti, bene Amoli, bene Ifi alimwi aca bene Jebusi. Pakumushisha mucishi ico muli bubile abulongo bubotu, mulyeelete kusekelela lyoonse mumweenshi wakutaanguna mumyaaka yoonse.

Kulonga 3:17

Ndayeeya kwaamba ayi nkabakushe muIjipiti, umo mobatoopenshekwa abuumbi, alimwi akubatola kucishi kuli bubile abulongo bubotu. Mucishi umo momuli bene Kenani, bene Iti, bene Amoli, bene Pelisi, bene Ifi alimwi abene Jebusi.

Kulonga 3:8

Aboobo ndesa mukubafuna mumaansa a bene Ijipiti akubakusha mucishi ca Ijipiti, kubatola mucishi cibotu cinene. Mucishi ico muli bubile abulongo bubotu, umo mwikala bene Kenani, bene Iti, bene Amoli, bene Pelisi alimwi abene Jebusi.

Jelemiya 11:5

Lyalo ndaakucita kweelana ambondakashomesha cakulumbila kubamashali banu bakulukulu. Ncakwiila ndaakubapa cishi muli bubile abulongo bubotu, cishi ico ncemushiiteemo bulya.’ ” Mpomunyaawo ndakakumbula ayi, “Akube boobo, Nkambo.”

Esekelo 20:15

Ndakashomesha cakulumbila kuli mbabo kaantambikite lyaansa mwiculu kabali muluyanga kwaamba ayi teshi nkabatole mucishi ico ncendakabashomesha. Nkokwaamba ayi cishi umo muli bubile abulongo bubotu ico ciinda cishi cimwi cili coonse kubota.

Esekelo 20:6

Pabushiku ubo ndakashomesha cakulumbila kuli mbabo ayi ndaakubakusha mucishi ca Ijipiti akubatola kucishi ico ncendakabasalila, cishi umo muli bubile abulongo bubotu ico ciinda cishi cimwi cili coonse kubota.

Shakubelenga 14:16

mwakacaya bantu banu muluyanga mukwiinga tamukwe kukonsha kubashisha mucishi ncemwakabalasha.

Shakubelenga 14:30

Ndakamulasha ayi mulaakwikalaamo, sombi taaku weshi akeekaleemo kukushakobo Kalebu mwanaakwe Jefune alimwi aJoshuwa mwanaakwe Nani.

Dutolonomi 1:35

‘Taaku muntu nabi womwi pakati kanu nobamucita shibi ba cecino ciindi, eshi akenjile mucishi ca bulongo bubotu, ico ncendakashomesha bamashali banu bakulukulu.

Dutolonomi 1:8

Ici coonse ncecishi nebo neMwaami Lesa ncendakashomesha kupa bamashali banu bakulukulu, Abulaamu, Isaki alimwi aJakobo pantu pomwi abamulunyungu lwabo. Kamuya mukekaleemo.’ ”

Dutolonomi 6:10

“Bweenka Mwaami Lesa wanu mbwaakalasha bamashali banu bakulukulu, nkokwaamba ayi Abulaamu, Isaki alimwi aJakobo, ulaakumupa mandabala anene asumpukite ayo mwebo ngomutakwe kuyakaako.

Dutolonomi 6:18

Amucite cintu Mwaami Lesa ncaamba ayi cililuleme alimwi ncibotu. Lyalo shintu shoonse shinanoomweendelabo kabotu. Mulaakukonsha kubwesa cishi ca bulongo bubotu ico Mwaami Lesa ncaakashomesha bamashali banu bakulukulu,

Dutolonomi 6:23

Wakatwaangulula akutuleta kokuno kwaamba ayi atupe cishi cino kweelana ambwaakashomesha bamashali besu bakulukulu.

Dutolonomi 7:13

Ulaakumusuna akumupa coolwe cakwaamba ayi mulaakufula akuba abaana baanji. Ulaakupa coolwe myuunda yanu, cakwaamba ayi mulaakuba ashili anga ngamaila, waini alimwi amafuta a olifi. Ulaakumupa coolwe alimwi kwiinda mukumupa ŋombe alimwi ambelele shiinji. Shoolwe shoonse ishi ulaakumupeta mucishi ico ncaakashomesha bamashali banu bakulukulu ayi ulaakumupa.

Dutolonomi 8:1

“Amukonkele cakushomeka milawo yoonse njendamupa sunu kwaamba ayi munooli boomi, mufule alimwi mukabwese cishi ico Mwaami Lesa ncaakashomesha kubamashali banu bakulukulu.

Joshuwa 1:6

Ulyeelete kuyuma akulishoma ceebo webo ndiwe utootanjilila bantu aba kuya mucishi ico ncendakashomesha bamashali babo bakulukulu.

Joshuwa 21:43

Munshila iyo Mwaami Lesa wakapa bene Isilaeli cishi coonse ico ncaakalinga washomesha cakulumbila kubamashali babo bakulukulu. Mpeeke bakatalika kwikalaamo.