Jelemiya 32:19 - Baibo Busansulushi Bwa Libuku Ili

¹⁹ Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 32:19 Marejeleo ya Msalaba

1 Baami 8:32

noBaami baLesa, amunyumfwe kwiculu uko akoombolosha basebenshi banu. Amupe mulandu uyo ulubite kweelana ambwaaelete akuleka wooyo utacite mulandu.

2 Makani 16:9

Mwaami Lesa ulalama cishi coonse akupa nkusu kubaabo bashomeka kuli nguwe. Ono mwebo mwaciita cintu cabuluya, paceebo ceeco kuswa sunu munanoolwanabo lyoonse.”

Jobo 34:11

Lesa ulalambula muntu kweelana amilimo yakwe alimwi ulacitila muntu ico cimweelete.

Jobo 34:21

“Meenso akwe alabona nshila sha muntu shoonse. Ndushinisho lakwe ulabona moonse mobalyata.

Kulumbaisha 111:2

Milimo ya Mwaami Lesa njinene abuumbi, ilayeeyekwa abantu boonse abo basangalala muli njiyo.

Kulumbaisha 34:15

Mwaami Lesa ulalama baluleme alimwi ulakumbula mipailo yabo,

Kulumbaisha 62:12

Cimwi ncakwaamba ayi noBaami baLesa mulicite lusuno. Ncakwiila mulaakulambula muntu womwi awomwi kweelana asheesho nshaakacita.

Kulumbaisha 92:6

Utabete musongo taakoonshi kwishiba, ee, muluya taakoonshi kunyumfwishisha

Kulonga 15:11

“NoBaami baLesa, ngani uli anga ndimwe pabalesa boonse? Ino ngani uli anga ndimwe nomusalalite abuumbi? Ino ngani uli anga ndimwe nomucite bulemu bukankamika? Ino ngani uli anga ndimwe nomucita shitondesho sha nkusu shakwiculu?

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Tushimpi 8:14

Ndapa maano bantu akupansaanya bubi abubotu. Ndicite maano akunyumfwisha shintu alimwi ndi muyumu.

Shikushimikila 12:14

Ceebo Lesa ulaakoombolosha micito yoonse, kubikaawo ashintu shicitwa mubushishi, ncakwiila micito ibotu nabi ibiibi.

Isaya 28:29

Busongo boonse ubo bulaswa kuMwaami Lesa Shinkusu shoonse, ee, kuli Lesa uyo ukankamanisha mukupanda maano amubusongo bwakwe.

Isaya 40:13

Anu ngani wakaambilawo Mwaami Lesa cakucita? Ngani weenga wapanda maano Mwaami Lesa?

Isaya 59:18

Ono balwani bakwe abo ulaakubalambula kweelana asheesho nshebakacita. Ulaakunyumfwisha balwani abo cilemeneshi ca bukali bwakwe, ee, ulaakubooshela cishole abo bamupatite. Ulaakupa bantu beenka abo bekala kulaale, isho nshebeelete.

Isaya 9:6

Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 21:14

Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Jelemiya 23:24

Sa kuli muntu weenga wayuba cakwaamba ayi nebo ndabula kumubona? Sa tamwishi kwaamba ayi nebo ndibo poonse poonse, kwiculu amucishi ca panshi. Nebo neMwaami Lesa ndaamba.

Jelemiya 25:14

Balo beene balaakucatwa busha kumishobo iinji akubamaami banene. Ndaakubalambula kweelana amicito yabo alimwi amilimo njebacita amaansaabo.’ ”

Danyelo 2:45

Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”

Danyelo 4:35

Kuli nguwe bantu boonse ba mucishi balabonekabo anga taaku mbobabete. Lakwe uleendelesha baanjelo ba kwiculu pantu pomwi abantu ba mucishi ca panshi. Taaku muntu weenga wamukasha kucita cintu, nabi kumwiipusha ayi, ‘Wacitilanshi bobulya?’

Sekaliya 9:1

Aya ngamakani abulaluki akaambwa aMwaami Lesa. Mwaami Lesa washinisha kupa mulandu cishi ca Adilaki. Bukali bwakwe bulaakushikila pandabala ya Damasikasi. Meenso a Mwaami Lesa ali pabantu boonse bweenka mbwaabete pabene Isilaeli.

Mateyo 16:27

Ceebo MwanaaMuntu ulaakwisa abaanjelo bakwe mubulemu bwa baIshi, lyalo ndyeshi akalambule muntu womwi awomwi kweelana amilimo yakwe.

Joni 5:29

akuswa mushuumbwe. Lyalo abo bakalinga kucita buyanda Lesa balaakubuka akuba abuumi butamaani, abalo abo bakalinga kucita shibiibi balaakubuka akoomboloshekwa.

2 Bene Kolinto 5:10

Ceebo soonse tulyeelete kuya mukwiimikana pameenso akwe Klistu ayi atoomboloshe. Muntu woonse ulaakutambula ncaaelete kweelana ashoonse nshaakacita, shibotu nabi shibiibi mubuumi bwa buntu buno.

Bene Efeso 1:11

Shoonse shintu shilacitwa kweelana amiyeeyo yakabamba Lesa alimwi akuyanda kwakwe. Aboobo Lesa wakatusala ayi tube bantu bakwe muli Klistu, nkokwaamba ayi ncaakatusalila kweelana ambwaakabamba kuswa kumatalikilo.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Ciyubululo 2:23

alimwi ndaakucaya bana bakwe boonse. Lyalo shoonde shoonse shilaakwishiba ayi ndimeenshi shili mumyoyo alimwi amiyeeyo ya bantu boonse. Ndaakupa muntu woonse mulikoto lyanu kweelana amilimo yakwe.

Ciyubululo 22:12

Jesu utokwaamba ayi, “Amubone, ntoofwambaana kuboola! Ndaakuletelela ashilambu shangu shakwisa mukupa muntu womwi awomwi kweelana anshaakacita.