Biblia Todo Logo
Biblia ya mtandaoni

- Matangazo -




Jelemiya 32:18 - Baibo Busansulushi Bwa Libuku Ili

18 Mulatondesha lusuno lwanu kushuulu sha bantu, sombi mulapa milandu baana ceebo cakubisha kwa bamashali babo. Mwebo ndimwe baLesa bacite nkusu shinene abuumbi. Liina lyanu ndimwe Baami baLesa Beshinkusu shoonse.

Tazama sura Nakili




Jelemiya 32:18
33 Marejeleo ya Msalaba  

Nakubi boobo buta bwakwe lakwe tabutenkaani. Lyaansa lyakwe lyayuma ceebo ca nkusu shakwe Lesa Shinkusu shoonse, Lesa wakwe Jakobo, Mweembeshi alimwi Mukwabilishi wa bene Isilaeli.


‘Ndakabona Naboti mbwaakacaikwa abana bakwe ciilo. Ndamushomesha ayi ndaakukupa mulandu muno mweenka mumuunda.’ Ono tola mubili wakwe Jolamu akuusowa mumuunda wakwe Naboti kwaamba ayi kushomesha kwa Mwaami Lesa kucitike cancinencine.”


Ndakapaila ayi, “NoBaami baLesa, baLesa ba kwiculu, nobaLesa banene, nomulemekwa, mulalama cipangano ca lusuno kuli baabo bamusuni alimwi bakonkela milawo yanu.


Lesa Shinkusu shoonse, Mwaami Lesa utokwiita cishi coonse. Utokwiita bantu kuswa kooko lisuba nkoliswita kuya mukushika ankolipilila.


Ndimwe mweendelesha lweenge luyoosha, muloomusha maaba na kaapabooka.


Lyalo Mwaami Lesa wakeenda kunembo lyakwe Mose, akoolobesha ayi, “Nebo neMwaami Lesa ndime Lesa uswite lulekelelo ankuumbu, utafwambaani kukalala, ubonesha lusuno lunene alimwi ushomeka.


Ndalama cipangano cangu kumashalane ali shuulu ashuulu, alimwi akulekelela bantu pabubi ashibiibi shabo. Sombi teshi nkaalilwe kupa mulandu baana alimwi abameeshikulu babo, kushikila akulishalane lyatatu alyane, ceebo ca shibiibi sha bamashali babo.”


Bene Isilaeli baniini beshi bakacaaleewo, balaakusandukila kuli Lesa wabo Shinkusu shoonse.


Usumpukite Lesa wakwiculu uyo, Lesa walyoonse alyoonse ucite liina lisalalite waamba ayi, “Nebo ndekala kwiculu kumusena usalalite, sombi ndekala abaabo balibombya alimwi basanduka kuswa kushibiibi shabo kwaamba ayi mbabooshelemo lushomo lwabo akulangila.


Ceebo mwaana washalwa pakati kesu, ee, twapekwa mwaana musankwa. Bweendeleshi boonse bulaakuba mumaansaakwe. Liina lyakwe unanokwiitwa ayi, “Shikupanda maano Mubotu,” “Lesa Shinkusu shoonse,” “Mushali musankwa wamuyayaya,” alimwi ayi, “Mwaami wa Luumuno.”


Lesa wa bamulunyungu lwakwe Jakobo taaeleneewo ambabo ceebo lakwe ngowakalenga shintu shoonse. Wakasala bene Isilaeli ayi babe bantu bakwe. Mwaami Lesa Shinkusu shoonse ndyeliina lyakwe.


Taakuuwo muntu nabi womwi weelene andimwe noBaami baLesa. Mwebo mulicite nkusu. Ncakwiila liina lyanu lilicite nkusu shiindaawo.


Sombi mwebo noBaami baLesa muli kulubasu lwangu anga ngushilumamba wa nkusu ucibwene kulwana. Aboobo bantu aba batoompensha balaakulisuntula, teshi bakankomeewo, sobwe. Balaakwaalilwa akulenshekwa nsoni cakwaamba ayi nsoni shabo teshi shikalubweewo.


Mwaami Lesa wakalenga lisuba ayi kalipa mumuni malumwi. Wakalenga mweenshi anyenyeenshi ayi kashipa mumuni mashiku. Lakwe ulafundoola lweenge akulengesha maaba kuyooma. Liina lyakwe nguMwaami Lesa Shinkusu shoonse. Mwaami Lesa uyo waamba ayi,


Mwaami Lesa, uyo wakalenga cishi ca panshi, uyo wakacibumba alimwi akucibika pamusena wa ncico, ee, uyo ucite liina lya Mwaami Lesa wakaamba kuli ndime ayi,


Nakubi boobo nebo neShikubalubula ndicite nkusu. Mwaami Lesa Shinkusu shoonse ndyeliina lyangu. Ndushinisho ndaakubafuna akuleta luumuno mucishi cabo. Sombi ndaakumana luumuno pabaabo bekala muBabiloni.”


Mwakabona libwe mbolyakakomoka kuswa pakalundu lyeenkabo kwakubula amuntu wakalikomona ambolyakapwayoola cibumbwabumbwa cakabumbwa cakapangwa anshimbi, bulonse, bulongo bwakutenta, silifa alimwi agolodi. Nobaami, Lesa wiindaawo bulemu utoomulwiita sheshi shikacitike kunembo. Ndamulwiita bweenka mbomwakalota alimwi akumulwiita mbocaamba cakutashiyaawo nabi comwi.”


NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.


‘Nebo neMwaami Lesa nshifwambaani kukalala, ndabonesha lusuno lunene alimwi ndalekelela shibiibi abwaashu bwa bantu. Nacibi boobo, teshi nkaalilwe kupa mulandu baana kushikila akulishalane lyatatu alyane ceebo ca shibiibi sha bamashali babo bakulukulu.’


Mpeeke bantu boonse bakakumbula ayi, “Mulandu wa lufu lwakwe aube pali ndiswe abana besu.”


Amupe babyaanu shintu nshibatacite, Lesa alakwe ndyeshi akamupe nshemutacite. Lesa ulaakumupa mucipimo cibotu cishindailitwe kashisempooka. Cipimo ncemupiminaamo bamwi alakwe Lesa nceshi akamupimineemo.”


Mwaami Lesa, Lesa wanu nguLesa wa balesa, Mwaami wa baami, uleendaawo alimwi ngushinkusu, weelete kuloondwa. Taasalululi alimwi taatambuli makulo.


Aboobo mutabaloondi, Mwaami Lesa, Lesa wanu uli amwebo. NguLesa wiindaawo alimwi weelete kuloondwa.


Tufuate:

Matangazo


Matangazo