Jelemiya 31:9 - Baibo Busansulushi Bwa Libuku Ili

⁹ Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Jelemiya 31:9 Marejeleo ya Msalaba

1 Makani 29:10

Mpomunyaawo mwaami Defedi wakalumbaisha Mwaami Lesa kunembo lya bantu boonse ayi, “NoBaami baLesa, baLesa ba mushali wesu mukulukulu Jakobo, amulumbaishikwe kwalyoonse alyoonse!

Kulumbaisha 107:7

Ee, wakabatanjilila mumukwakwa ululeme, kuya kundabala iyo njeenga bekalaamo.

Kulumbaisha 23:2

Ulandekela mumafulo acite mweemfu, akuntola kumaanshi abotu atafundeene.

Kulumbaisha 89:27

Anebo ndaakumucita ayi abe mwanaangu mutaanshi, ndaakumusumpula kwiinda baami bamwi ba pacishi ca panshi.

Kulonga 4:22

Anu webo ulyeelete kumulwiita ayi nebo neMwaami Lesa ndaamba ayi, ‘Isilaeli ngomwanaangu musankwa wakwiiya.

Isaya 42:16

“Ndaakutanjilila boofu munshila nshebatana kwiindaawo. Ndaakusandula munshinshe wabo kuba mumuni akubeelanishisha misena ya mankununkunu kunembo lyabo. Anu ishi nsheshintu nsheshi nkacite, teshi nkabalekelesheewo, sobwe.

Isaya 43:20

Banyama bamuluundu, ee, bamwaaba abamwiina balaakumpa bulemu. Balaakumpa bulemu ceebo cakulengesha maanshi kubaamo muluyanga. Ncakwiila ceebo cakulengesha tulonga kukunka mulunjumwa. Balaakumpa bulemu ceebo cakupa maanshi bantu bangu mbondakasala.

Isaya 45:11

Ono Mwaami Lesa, Lesa Usalalite wa bene Isilaeli uyo wakababumba waamba ayi, “Sa inga mwanjipusha shabana bangu nabi kundwiita nceenjelete kucita?

Isaya 57:14

Mwaami Lesa waamba ayi, “Amubaleeke bantu baboolele. Amukushe cili coonse ceenga cashinkila bantu bangu munshila yabo.”

Isaya 63:13

Uli kuli wakabatanjilila panshi lya lweenge payumu?” Bakeendawobo anga ndiaki litokwiinda muliwesa. Ncakwiila bakeenda cakutalisuntulaawo napaceyuubo.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Isaya 64:8

Sombi mwebo noBaami baLesa ndimwe beeshiwesu. Swebo tulibo anga mbulongo, sombi mwebo ndimwe babumbi. Ndimwe mwakatulenga soonse amaansaanu.

Jelemiya 3:19

Mwaami Lesa waamba ayi, “Ndakalinga kukondetwe abuumbi kunoomulama anga mbana bangu. Ndakakondwa kumupa cishi cikondelesha, ee, cishi ciindaawo kubota mucishi coonse ca panshi. Ndakalinga kusuni ayi munoonjita ayi, ‘Ta,’ cakubula kumfutatilawo tubili.

Jelemiya 3:4

Sa teshi ndimwe mwalinga kunjita coonoonobo ayi, ‘Ta,’ akwaamba ayi, ‘Mwebo muli beensuma kuswabo katucili bacikula bwangu.

Jelemiya 31:20

Sa Efuleemu teshi mwanaangu musankwa ngoonsuni abuumbi? Sa teshi ngomwaana unsangalasha? Nakubi kwaamba ayi ndamukalookila, sombi ndamuyeeya. Aboobo moyo wangu ulakumbwa kumubona. Ee, ndamwiibaluka akumufwita nkumbu abuumbi. Nebo neMwaami Lesa ndaamba.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Osiya 12:4

Wakalwana amunjelo akumukoma. Wakalila akusenga ayi amupe coolwe. KuBetelo Lesa wakesa kumushali wesu mukulukulu akubandikaakwe kweenka uko.

Osiya 3:5

Pesule bene Isilaeli balaakusandukila kuli ndime neMwaami Lesa, Lesa wabo akuwamulunyungu lwakwe Defedi ayi abe mwaami wabo. Lyalo balaakutalika kulemeka Mwaami Lesa akutambula shipo shakwe shibotu.

Sekaliya 12:10

“Ndaakutila mushimu wa luse akupaila pabamulunyungu lwakwe Defedi alimwi apabene Jelusalemu. Lyalo balaakulanga kuli ndime ngobakayasa akundila bweenka muntu mbwaalila mwanaakwe womwibo na wafwa, ee, kundila bweenka muntu mbwaalila mwanaakwe wakwiiya.

Malaki 2:10

Te swebo soonse tulicitebo Ishiwesu womwi? Sa te Lesa womwi wakatulenga soonse? Ino ceebonshi tulapwaya cipangano ico Lesa ncaakabika pakati ka bameeshiwesu bakulukulu kwiinda mukutacita kweelana ambotulashanya?

Shakubelenga 2:18

Kulubasu lwa kumbo kulaakuyakila makoto a mumukowa wakwe Efuleemu, pafwaafwi ambembela yabo. Mutanjilili wa mukowa uyu nguElishama mwanaakwe Amiyudi.

Mateyo 3:3

Isaya mulaluki mukulukulu wakalinga kwaamba Joni, ndyaakaamba ayi, “Muntu umwi utokoolobesha muluyanga ayi, ‘Amubambe nshila ya Mwaami. Amumululikile nshila.’ ”

Mateyo 5:4

“Balicite coolwe abo balila, mukwiinga Lesa ulaakubasangalasha.

Mateyo 6:9

Anu mbulya mbomweelete kupaila, ‘NoBeeshiwesu nomuli kwiculu, alilemekwe liina lyanu.

Luka 6:21

“Mulicite coolwe mwebo nomufwa nsala bulya mukwiinga mulaakukuta! “Mulicite coolwe mwebo nomutoolila mukwiinga mulaakusekelela!

Bene Loma 8:26

Awalo Mushimu Usalashi ulatucafwa mukwiinga tatucite nkusu. Tatwishi mbotweelete kupaila, sombi Mushimu Usalashi ulatusengelaako kuli Lesa mumaswi ataambiki.

2 Bene Kolinto 6:18

Ndaakuba ishiwanu, amwebo mulaakuba bana bangu, basankwa abanakashi, Nebo neMwaami Lesa Shinkusu shoonse ndaamba.”

Dutolonomi 14:1

“Mwebo muli bantu ba Mwaami Lesa, Lesa wanu. Paceebo ceeci, na mulicite cililo, tamweelete kulinengoola nabi kucesa misusu palumbwiishi.

Dutolonomi 32:6

Mwebo nobantu baluya, batacite maano, Sa mbomweelete kucita kuMwaami Lesa bulya? Sa teshi ngoIshiwanu, Mulengi wanu, uyo wakamulengesha kuba mushobo unene?

Bene Ebulu 12:13

Amutolelele kweenda munshila shiluleme kwaamba ayi mweendo wanu ulema utashonkomoki, sombi ushilikwe.

Bene Ebulu 12:23

Mwesa kulibungano lyakusangalala lya baana basankwa bakwiiya bakwe Lesa, abo bacite meena alembetwe kwiculu. Mwebo mwesa kuli Lesa, moomboloshi wa bantu boonse, kumyuuya ya bantu baluleme abo bakasalashikwa cancinencine.

Bene Ebulu 5:7

Jesu ndyaakalinga muntu mucishi ca panshi, wakalinga kupaila alimwi akusenga cakoolobesha alimwi aminsonshi kuli Lesa, uyo wakalinga kukonsha kumupulusha kulufu. Mukwiinga Jesu wakalinga kuliceesha akulibenga, Lesa wakamukumbula.

Ciyubululo 7:17

Ceebo Mwanaambelele uyo uli pakati lya cuuna ca bwaami ulaakubeembela akubatanjilila kutuntupu twa maanshi apa buumi. Lesa ulaakubakunkumuna minsonshi yabo yoonse.”