Jelemiya 31:5 - Baibo Busansulushi Bwa Libuku Ili

⁵ Mulaakushanga alimwi myuunda ya minyansa patulundu twa Samaliya. Balimi balaakwiishanga akulya shisepo sha njiyo.

Jelemiya 31:5 Marejeleo ya Msalaba

Kulumbaisha 107:37

Bakashanga mbuto mumyuunda, akushamika minyansa, lyalo bakatebula shakulya shiinji.

Jelemiya 32:15

Ncakwiila Mwaami Lesa Shinkusu shoonse, Lesa wa bene Isilaeli waamba ayi, ‘Maanda, myuunda imwi amyuunda ya minyansa ilaakuulwa alimwi mucishi cino.’ ”

Esekelo 28:26

Balaakunookala mucishi ico kwakubula cakulisukama. Balaakuyaka maanda akushanga myuunda ya minyansa. Balaakunookala kwakubula cakulisukama bushiku ndaakupa mulandu beshikamukobonyinaabo boonse balya bakalinga kubacobola. Lyalo ndyeshi bakeshibe ayi nebo ndi Mwaami Lesa, Lesa wabo.”

Esekelo 36:8

“ ‘Sombi pali ndimwe notulundu twa Isilaeli, shisamu shilaakuba amisampi akucatila shisepo bantu bangu bene Isilaeli. Bene Isilaeli bali pafwaafwi kuboola kumishaabo.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Obadiya 1:19

“Bantu ba kumalenge a cishi ca Juda, balaakwikala mumalundu a Esau, alimwi abo baswa mutulundu tuniini, balaakubwesa cishi ca Filisiti. Balaakwikala mucishi ca Efuleemu aSamaliya, Benjameni ulaakubwesa cishi ca Gilyadi.

Mika 1:6

Paceebo ceeco Mwaami Lesa wakaamba ayi, “Samaliya iyo ndaakwiisandula kuba matongo, musena wakulimaamo minyansa. Mabwe a njiyo ndaakwaasowela mucinyika. Lwiimbi lwa njiyo lulaakucaalabo patuba.

Mika 4:4

Muntu womwi awomwi ulaakunookala muluumuno pakati ka minyansa yakwe ashisamu shakwe sha nkuyu. Ncakwiila taaku eshi akamuloondeshe. Mwaami Lesa Shinkusu shoonse mbwaakashomesha ubo.

Sekaliya 3:10

Pabushiku ubo womwi awomwi pakati kanu ulaakutamba mubye kwisa mukwikala munshaashisamu sha minyansa asha nkuyu. Nebo neMwaami Lesa Shinkusu shoonse ndaamba.’ ”

Dutolonomi 20:6

Sa pano pali umwi wakaswabo mukushanga minyansa sombi taana kutalika kwiiyapa? Na mpwaali, aye kumushi mukwiinga na wacaikwa munkondo, minyansa iyo inga yalikwa amuntu umwi.

Dutolonomi 28:30

“Mulaakumamikila mwanakashi, sombi umwi ulaakumweeba. Mulaakuyaka ŋanda, sombi teshi mukekaleemo. Mulaakulima muunda wa minyansa, sombi teshi mukaikankeewo amukanwa.

1 Samwelo 21:5

Defedi wakakumbula ayi, “Ee, tulalitalamusha kubalutundu lyoonsebo na tulicite lweendo naluceyi. Ono inga twabulilaanshi kulicata bulya mulweendo lusalalite mbuli loolu!”