Jelemiya 31:21 - Baibo Busansulushi Bwa Libuku Ili

²¹ “Amushimpike twishibilo munshila, mulabilile nshila njemutokwiindaamo. Amupiluke mwebo nobene Isilaeli, amupiluke kumandabalaanu ngomwakashiya.

Jelemiya 31:21 Marejeleo ya Msalaba

1 Makani 29:3

Ono kwiilika pashintu shoonse nshindaamba, ndabenga silifa agolodi kuswa pabuboni bwangu mukwiinga walusuno ndooncite paŊanda yakwe Lesa, Lesa wangu.

2 Makani 11:16

Kuswawaawo bene Isilaeli boonse bakalinga kusuni kulambila Mwaami Lesa, Lesa wa bene Isilaeli, bakakonkela bene Lefi kuya kuJelusalemu kwaamba ayi bakabenge milambu kuMwaami Lesa, Lesa wa bamashali babo bakulukulu.

2 Makani 20:3

Mpeeke Jeoshafati wakafwa boowa akutalika kupaila kuMwaami Lesa kwaamba ayi amutanjilile. Lyalo wakaambila bantu boonse mucishi ayi balikaashe kulya.

Kulumbaisha 62:10

Mutanooyeeya ayi kukonga kulacafwa, nabi kulisumpwita mushintu shakwiipa. Nabi bubile bwanu bwafula mutaciinki manungo muli mbubo.

Kulumbaisha 84:5

Balicite coolwe abo bapekwa nkusu kuswa kuli ndimwe, ababo batooyanda kuya mukushika kuKalundu ka Siyoni.

Tushimpi 24:32

Ono ndindakabona boobo ndakakutumana akuyeeya, lyalo pasheesho nshendakabona ndakakushawo ciiyo.

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 57:14

Mwaami Lesa waamba ayi, “Amubaleeke bantu baboolele. Amukushe cili coonse ceenga cashinkila bantu bangu munshila yabo.”

Isaya 62:10

Nobene Jelusalemu, amuswe mundabala muye mukabambe mukwakwa wa bene mishaanu batoopiluka. Amubambe mukwakwa unene akukushaamo mabwe. Mishobo imwi amwiinyamwite mbembela kwaamba ayi banooibona.

Jelemiya 3:12

Koya ukaambilishe makani aya kumatwa ayi, ‘Piluka Isilaeli webo nootashomeki, Teshi nkakulangewo tubili cakukushibuluka ceebo ndi muntu ucite nkumbu. Teshi nkakubikilewo mfundilishi kwamuyayaya, sobwe.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Jelemiya 46:11

“Kamuya kuGilyadi mukalete musamu, mwebo nobene Ijipiti Mutoobunjikabo misamu itacite ncito ceebo taaku ceshi cikamushilikeewo, sobwe.

Jelemiya 50:5

Balaakwiipusha nshila iya kuSiyoni akululama nkuko. Lyalo balaakupanga cipangano anebo neMwaami Lesa camuyayaya ico ceshi cikabule kulubwaawo.

Jelemiya 51:50

Mwaami Lesa wakatuma nkombe kubantu bakwe muBabiloni yakwaamba ayi, “Mwebo nomwapuluka munkondo, amunyamuke, mutashingooki! Nabi muli mucishi cakulaale kamuyeeya ndime neMwaami Lesa alimwi kamuyeeya andabala ya Jelusalemu.

Jelemiya 51:6

“Amucice kuswa kuBabiloni! Mucice kufuna buumi bwanu! Mutanyonyooki ceebo ca shibiibi sha bene Babiloni. Cashikila ciindi cakwaamba ayi nebo neMwaami Lesa mbooshe cishole kundabala iyo. Ndaakwiipa mulandu kweelana amicito ya njiyo.

Jelemiya 6:16

Ono Mwaami Lesa waamba ayi, “Amwiimikane pamampambaanwa amikwakwa mulangelange akwiipusha tushila tukulukulu akubete nshila ibotu. Mweende muli njiyo, lyalo mulaakucana luumuno. Sombi mwakakumbula ayi, ‘Sobwe, teshi tukeendeemo.’

Esekelo 40:4

Mpomunyaawo muntu uyo wakandwiita ayi, “Webo omuntu, langilisha kabotu, ukutike akubikaako maano kushoonse nsheshi nkutondeshe ceebo ncewaletelwa kokuno. Wamana uye ulwiite bene Isilaeli shoonse nsheshi ubone.”

Agayi 1:5

“Sa tamutoobona shitoocitika kuli ndimwe?

Sekaliya 10:9

Nakubi kwaamba ayi ndakabapalanganishisha pakati ka mishobo imwi, kweenka kushishi shakulaale uko balaakunjibaluka. Balo abana babo balaakunoolibo boomi alimwi balaakuboola kumishaabo.

Dutolonomi 32:46

wakaamba ayi, “Maswi oonse aya ngondamwaambila sunu, abe muli ndimwe kwaamba ayi mukeeishe bana banu ayi bakakonkele milawo iyi kabotu kabotu.