Jelemiya 31:18 - Baibo Busansulushi Bwa Libuku Ili

¹⁸ “Ndushinisho ndakanyumfwa kulila kwa bene Efuleemu ayi, ‘Mwakatutambisha anga ngumucongoshi mucende aswebo twakabomba. Amutubooshe, aswebo tulilibambite kuboola kuli ndimwe ceebo ndimwe Baami baLesa, baLesa besu.

Jelemiya 31:18 Marejeleo ya Msalaba

Jobo 5:17

“Ulicite coolwe muntu uyo Lesa ngwaalulamika. Aboobo utanyanshi kukalalila kwa Shinkusu shoonse.

Kulumbaisha 118:18

Amubone! Mwaami Lesa wakanyinsha mumapensho aanji, sombi taakwe kunsuminisha ayi mfwe.

Kulumbaisha 119:67

Kaantana kuba mumapensho ndakalinga kusowekete, sombi cino ciindi ndakonkela maswi anu.

Kulumbaisha 119:75

NoBaami baLesa, ndishi kwaamba ayi milawo yanu ililuleme, alimwi mwakampa mulandu kweelana akushomeka kwanu.

Kulumbaisha 31:15

Nebo lyoonse ndi mumaansaanu. Amumfuune kuswa kubalwani bangu, ee, kuswa kubaabo bampensha.

Kulumbaisha 32:9

Utabuli maano anga ndiaki nabi mbongolo isho shicitabo kuyanda kwa mwinesho na shilyaangitwe ntambo atweela mukanwa. Kwabula boobo shifubwa isho tashinyumfwili.

Kulumbaisha 80:19

NoBaami baLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 80:3

NobaLesa, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 80:7

NobaLesa Beshinkusu shoonse, amutuboosheshe bwikaalo bwesu butaanshi! Amutunyumfwile nkumbu kwaamba ayi tupulushikwe.

Kulumbaisha 85:4

NobaLesa Bapulushi besu, amutubooshele bwikaalo bwesu butaanshi. Bukali bwanu pali ndiswe abumane.

Kulumbaisha 94:12

NoBaami baLesa ulicite coolwe uyo ngomupa milasho, ncakwiila uyo ngomwiisha milawo yanu yoonse.

Tushimpi 26:3

Bweenka maaki ambongolo mbosheelete kucailwa mbweeke ubo alakwe muluya mbwaaelete kucitwa.

Tushimpi 29:1

Muntu utolelela kuba shincimpamya pesule lyakululikwa mankanda aanji aanji, ulaakunyonyoolwa cakuteengashila alimwi cakutashilikikwaawo.

Tushimpi 3:11

Omwanaangu, utanyanshi kululamika kwa Mwaami Lesa, nabi kuba amfundilishi mumoyo na kaakukalalila.

Isaya 1:5

Ceebonshi ucisunibo kunokuumwa? Ino nceebonshi ncoocitolelelabo bwaashu? Bona kumutwi wako kuliswite kale shiloonda awalo moyo wako ulicisitwe kale.

Isaya 51:20

Bana banu basankwa bamana kuwisooka mupetookila mikwakwa. Balibo kampa kampa anga ninsefu shacatwa mposhakateyekwa. Bukali bwa Mwaami Lesa bwabakola. Ncakwiila bacinyumfwa cilemeneshi ca bukali bwakwe.

Isaya 53:7

“Wakalyatililwa akupenshekwa sombi taakwe kwaambaawo nabi liswi lyomwi. Wakatolwabo anga ngumwanaambelele utooya mukucaikwa. Nabi anga ngumwanaambelele utaliili pakuya mukuceswa booya. Ncakwiila taakwe kwaambaawo nabi liswi lyomwi.

Isaya 63:16

Ono Mwebo ndimwe beeshiwesu, nakubi kwaamba ayi Abulaamu taatwishi, ee, nabi Isilaeli taakoonshi kutukumbula mwebo noBaami baLesa ndimwe beeshiwesu. Ndimwe Bapulushi besu alimwi ili ndyeliina lyanu kuswabo kale kale.

Isaya 9:13

Bene Isilaeli tabakwe kusanduka kuswa kushibiibi shabo. Nakubi kwaamba ayi Mwaami Lesa Shinkusu shoonse wakabatondesha bukali bwakwe, tabakwe kupilukila kuli nguwe.

Jelemiya 17:14

Nobaami baLesa, amunshilike, ingaawo nshilikwe cancinencine. Amumpulushe, ingaawo mpuluke cancinencine ceebo mwebo nweenkabo ndimwe numbaisha.

Jelemiya 2:30

Ndakalipenshabo kumupa mulandu nobene Juda. Ncakwiila mwakakaka kusumina kululikwa. Amubone mwakacaya balaluki amipeeni yanu bweenka nkalamu mbweenyonyoola na yaluma.

Jelemiya 3:25

Atoone panshi kunsoni akuleka ayi shitucaaye. Twakabishisha Mwaami Lesa, Lesa wesu, swebo pantu pomwi abamashali besu bakulukulu. Kuswa kubwanike bwesu kushika sunu tatunyumfwiliiwo Mwaami Lesa, Lesa wesu, napaceyi.”

Jelemiya 31:6

Bushiku bulaakushikila beshikulindilila ndyeshi bakaliile patulundu twa kuEfuleemu ayi, ‘Kamwisa tuye kuSiyoni, ee, tuye kuMwaami Lesa, Lesa wesu.’ ”

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Jelemiya 5:3

NoBaami baLesa sa te mulisuni bantu bashomeka? Mwakabooma, sombi balo tabakwe kushinyufwawo kucisa. Mwakabapwayoola, sombi bakakaka kululikwa. Ncakwiila bakayumya myoyo yabo anga ngamabwe akukaka kusanduka kuswa kushibiibi shabo.

Malilo 5:21

NoBaami baLesa amutubooshe kuli ndimwe atupilukile kuli ndimwe. Amulengeshe nshiku shesu shibe shabulemu mbuli shikulukulu.

Esekelo 20:43

Mpeeke mulaakuyeeya bwikaalo bwanu amicito iyo njemwakalibishishaamo akunyumfwa bunya ceebo ca bubi boonse ubo mbomwakacita.

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.

Osiya 10:11

Bene Efuleemu bakalinga anga nimpwishi itambite iyo isunishi kulupula shili anga ngamaila. Sombi bulya ndaakubakobeka lijoko munshingo shabo shibotu kwaamba ayi basebense ncito iyumu. Bene Juda balyeelete kushaba abalo bene Isilaeli balyeelete kulima.

Osiya 4:16

Bene Isilaeli mbeshicimpamya anga ngumucongoshi, ino ono bantu ba mushobo uyo inga ndabasanina buyani anga mbana ba mbelele?

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Jona 3:10

Ono Lesa ndyaakabona ayi basanduka kunshila shabo shabubi, wakabanyumfwila nkumbu. Aboobo taakwe kubanyonyoola kweelana ambwaakalinga aamba.

Sefaniya 3:2

Teenyumfwi maswi akwiicenjesha. Teenyumfwi maswi akwiilulika. Teecinkite manungo muMwaami Lesa nabi kusenga lucafwo kuli nguwe.

Malaki 3:16

Kuswawaawo bantu abo balemeka Mwaami Lesa bakalyaamboosha, mpeeke Mwaami wakakutika akunyumfwa kulila kwabo. Muliimfwa lyakwe mwakalinga libuku umo mwakalinga kulembetwe micito ya baabo bakalinga kuloonda akulemeka Mwaami Lesa.

Malaki 4:6

Lakwe ulaakulengesha bamashali basankwa ayi batalike alimwi kunyumfwana abana babo. Na bakabule kucita boobo, ndaakwisa mukunyonyoola cishi canu.”

Shakubelenga 2:18

Kulubasu lwa kumbo kulaakuyakila makoto a mumukowa wakwe Efuleemu, pafwaafwi ambembela yabo. Mutanjilili wa mukowa uyu nguElishama mwanaakwe Amiyudi.

Luka 1:17

Joni ulaakuya kunembo lya Mwaami alimwi ulaakunoocite nkusu mbuli shakalinga kucite mulaluki mukulukulu Elija. Ulaakuleta lunyumfwano pakati ka baana abamaishiwabo alimwi. Ulaakusandula bantu batanyumfwi kwaamba ayi babe amiyeeyo mbuli ya baluleme. Ulaakubamba bantu bakwe Lesa ayi banoolibambite kumusebensela.”

Luka 15:20

Mpomunyaawo wakanyamuka akuboolela kuli baishi. Kaacilibo palaale baishi bakamubona, mpeeke bakamunyumfwila nkumbu akumucicilila bamukumbata akumufyonta.

Milimo ya Batumwi 3:26

Aboobo Lesa wakasala musebenshi wakwe akutaanguna kumutuma kuli ndimwe kwaamba ayi amupe coolwe mukulengesha ayi noonse womwi awomwi musanduke kuswa kushibiibi shanu.”

Bene Filipi 2:13

Mukwiinga Lesa ngoosebensa muli ndimwe ayi muyande akucita shintu kweelana amuyeeyo wakwe.

Bene Ebulu 12:5

Sa mwalubako maswi alya akumuyumya Lesa ngaakamwaambila anga mbana bakwe basankwa? Wakaamba ayi, “Mwanaangu, konyumfwila Mwaami na kaakulwiita alimwi utanootyongola na wakulwiita cilubo cako.

Ciyubululo 3:19

Abo mboonsuni ndabakalalila akubapa mulandu. Aboobo yuminina abuumbi, usanduke kuswa kushibiibi shako.