Jelemiya 31:16 - Baibo Busansulushi Bwa Libuku Ili

¹⁶ Ono Mwaami Lesa waamba ayi, “Cileke kulila akukunkumuna minsonshi yako. Mulimo ngowakacita pabana bako ulaakulambulwa. Boonse balaakuboola kuswa kucishi ca balwani bako.

Jelemiya 31:16 Marejeleo ya Msalaba

Matalikilo 43:31

Ndyaakamana kusamba kumeenso, wakaboola akulicata. Mpeeke wakaamba ayi shakulya ashiletwe.

Matalikilo 45:1

Mpeeke Josefu wakashika pakwaalilwa kulicata pameenso a basebenshi bakwe. Aboobo wakabaambila ayi basweemo mucipinda umo mobakalinga. Taaku umbi wakalingaamo Josefu ndyaakalinga kulisansulula kubamakwabo.

2 Makani 15:7

Sombi mwebo amuyume mutatyongoli. Mulaakulambulwa pancito iyi njemutoocita.”

Kulumbaisha 126:5

Bantu abo bashanga kabalila, abatebule kabasangalete abuumbi.

Kulumbaisha 30:5

Bukali bwakwe mbwa ciindi ciniinibo, sombi luse lwakwe ndwa lyoonse alyoonse. Ee, kulila inga kwaba mashiku oonse, sombi kukondwa kulesa macuunsa na bwaca.

Shikushimikila 9:7

Kolya shakulya shako akusangalala, konwa waini wako amoyo wakusangalala mukwiinga cino nceciindi Lesa ndyaakondwa amicito yako.

Isaya 25:8

Ncakwiila Mwaami Lesa, ee, Mwaami Lesa Shinkusu shoonse ulaakulobya lufu kwamuyayaya! Ulaakukunkumuna minsonshi mumeenso a muntu woonse akumukusha musebaanyo uyo bantu bakwe ngobakalingaawo mucishi. Mwaami Lesa waamba!

Isaya 30:19

Mwebo nobantu ba muSiyoni, ee, mwebo nomwikala muJelusalemu, teshi mukalilewo tubili sobwe. Mwaami Lesa ulaakumunyumfwila luse bushiku mbweshi mukamulilile ayi amucaafwe. Ncakwiila aakunyumfwabo kusenga kwanu, ulaakumukumbula.

Isaya 40:10

Amubone Mwaami Lesa Shinkusu shoonse utoosa ankusu alimwi lyaansa lyakwe ndyelilela. Ulicite ashilambu mulyaansa lyakwe ayi ese alambule bantu bakwe.

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 33:11

ciyobeyobe cakusangalala akukondwa kwabo aciyobeyobe cakusangalalila bwiinga. Lyalo mulaakunyumfwa bantu kabeemba pakunooleta shipo shakulumba kuŊanda yangu neLesa. Balaakunokwaamba ayi, ‘Amulumbe Mwaami Lesa, Shinkusu shoonse mukwiinga uli kabotu ee, mukwiinga lusuno lwakwe ndwamuyayaya.’ Ncakwiila ndaakulengesha cishi ici kuswitilila bweenka mbocakalinga kale kale. Nebo neMwaami Lesa ndaamba.”

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Esekelo 37:21

akubaambila ayi nebo neMwaami Lesa Shinkusu shoonse ndaamba ayi, Ndaakukusha bene Isilaeli kuswa mumishobo iyo njebakaya mukwikalaako mumbasu shone shoonse sha cishi ca panshi akubaboosha mucishi cine mishaabo.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

1 Bene Tesalonika 4:14

Tulashoma ayi Jesu wakafwa akubuka kuswa kubafu alimwi ayi abo bakafwa kabashoma muli Jesu, Lesa ulaakubabusha kuswa kubafu akubatola kwiculu pantu pomwi aJesu.

Bene Ebulu 11:6

Taaku muntu weenga wakondelesha Lesa kaatacite lushomo. Mukwiinga uyo woonse usuni kusena kuli Lesa ulyeelete kushoma ayi Lesa mpwaali alimwi ayi ulapa shilambu kubantu abo bamuyandoola.

Bene Ebulu 6:10

Lesa uliluleme, aboobo teshi akalube ncito njemwakacita, alimwi alusuno ndomwakamubonesha kwiinda mulucafwo ndomwakacita aloolo ndomucicita kubashominyinaanu.

Lute 2:12

Mwaami Lesa aakupe coolwe pasheesho shoonse nshewakacita. Mwaami Lesa, Lesa wa bene Isilaeli uyo ngowesa mukulishisaako aakupe cilambu cinene!”