Jelemiya 31:10 - Baibo Busansulushi Bwa Libuku Ili

¹⁰ “Amunyumfwe maswi angu neMwaami Lesa, mwebo nomishobo ya bantu. Amwaambilishe maswi aya kushishi sha muloombe lwa lweenge ayi, ‘Ndakapalanganya bantu bangu, sombi ndaakubabunganya alimwi. Ndaakubalama bweenka mweembeshi mbwaalama litanga lyakwe lya mbelele.’

Jelemiya 31:10 Marejeleo ya Msalaba

Matalikilo 10:5

Aba bakalinga mbobamashali bakulukulu ba bantu abo bekala muya loombe lwa lweenge apansumbu. Mbobantu bomwi bamulunyungu lwakwe Jafeti bekala mumishobo ipusenepusene ashishi. Bamwi abamwi balaamba mumulaka wabo.

Kulumbaisha 147:2

Mwaami Lesa utooboosha Jelusalemu mbwaakalinga. Utooyobolola bene Isilaeli bakalinga mushishi shabusha.

Kulumbaisha 23:1

Mwaami Lesa ngomweembeshi wangu, teshi nkapengeewo sobwe.

Kulumbaisha 72:10

Bamaami bene Sipeeni aba kunsumbu abakamuletele shipo, Bamaami bene Sheba abene Seba abalo abakamuletele shipo mukumupa bulemu.

Tushimpi 27:23

Ulyeelete kwishiba kabotu shifubwa shako mboshibete, ncakwiila ulyeelete kubika maano kumatanga ako.

Isaya 24:14

Bantu beshi bakacaaleewo, balaakwiimba cakusangalala. Bakumbo balaakulumba bulemu bwa Mwaami Lesa.

Isaya 27:12

Pabushiku ubo, Mwaami Lesa ulaakubunganya bantu bakwe womwi awomwi kuswa kuMulonga wa Yufuletisi tibili akunyinsa ya Ijipiti bweenka muntu mbwaapupulusha witi ayi upansaane abuungu.

Isaya 40:1

Lesa wanu waamba ayi, “Amuumbulushe bantu bangu.

Isaya 40:11

Ulaakunoolama litanga lyakwe lya mbelele anga ngumweembeshi. Ulafukatisha twana twa mbelele mumaansaakwe. Ulatunyamwita pacaamba kufwaafwi amoyo. Ashalo mbelele shine twaana uto ulashibinga cakabotu kabotu.

Isaya 41:1

Lesa waamba ayi, “Amukutumane mukutike kuli ndime mwebo nobamushishi sha muloombe lwa lweenge! Amulibambile kuleta makani anu kunkuta. Amwise mwaambe nobeene shili kumyoyo. Ee, mwise tubandike akubona ululeme.

Isaya 42:10

Amwiimbile Mwaami Lesa lwiimbo lupya, Amumwiimbile nyimbo shakulumbaisha nomuli kweela lya cishi ca panshi. Amumulumbaishe nomweendela palweenge, amwebo noshilengwa sha mumo amumulumbaishe. Amumwiimbile nobamushishi sha muloombe lwa lweenge!

Isaya 42:4

Teshi akatonsheewo nabi kutyongola kushikila akalengeshe koombolosha cakutanyengelela kwikalilila pacishi ca panshi. Ncakwiila bamushishi sha muloombe lwa lweenge boonse batoolangila kwiisha kwakwe.”

Isaya 48:20

Amuswe mundabala ya Babiloni, Amubashiiye bene Babiloni! Amwaambilishe cikani ici cakusangalala, ee, amucaambilishe. Amushibishe bantu boonse kuswa kweela cishi ankoceela ayi, “Mwaami Lesa wapulusha basebenshi bakwe bamulunyungu lwakwe Jakobo.”

Isaya 54:7

“Ee, kwaciindi ciniini ndakalinga ndamusuula, sombi ndaakumuboosha ankuumbu shiinji abuumbi.

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Isaya 66:19

alimwi balaakwishiba kwaamba ayi ndime mbapa milandu. “Sombi bamwi ndaakubashiyaawo akubatuma kumishobo imwi akumisena yakulaale uko nkobatana kunyumfwaawo kale mpuwo yangu nabi kubonawo kale nkusu shangu shinene. Nkokwaamba ayi kuTashishi, kuLibya, Lidiya cishi ico cicite basankwa bacibwene kulwana amata, kuTubali alimwi akuGilisi.

Jelemiya 23:4

Kuswawaawo ndaakubikawo beembeshi pakati ka nshisho abo beshi bakanooshilama cakwaamba ayi teshi shikaloondewo tubili nabi kuba aboowa alimwi taaku nabi yomwi yeshi ikasowekeewo. Nebo neMwaami Lesa ndaamba.”

Jelemiya 25:22

bamaami boonse ba kuTaya akuSidoni, bamaami ba kumandabala ali kwitala lya Lweenge lwa Mediteleniyani.

Jelemiya 3:15

Lyalo ndaakumupa bamatanjilili bapa moyo wangu abo beshi bakanoomweendelesha cabusongo alimwi amaano akunyumfwisha shintu.

Jelemiya 50:17

Mwaami Lesa waamba ayi, “Bene Isilaeli balipalangenebo anga nimbelele shatandaanishikwa kunkalamu. Mutaanshi kubanyonyoola ngumwaami wa bene Asilya. Pesule wakapwayoola mafuwa abo nguNebukadinesa mwaami wa bene Babiloni.

Jelemiya 50:19

Sombi ndaakuboosha bene Isilaeli kucishi cabo. Lyalo balaakunoolya sha paKalundu ka Kamelo asha mucishi ca Bashani. Balaakunoolya kweelana ambobasuni shakulya isho sheshi shikanooswa patulundu twa Efuleemu alimwi aGilyadi.

Esekelo 11:16

“Paceebo ceeco ubalwiite ayi nebo neMwaami Lesa Shinkusu shoonse ndaamba ayi, ‘Nakubi kwaamba ayi ndakamutandila pakati ka mishobo imwi kulaale akumupalanganishisha mushishi shimwi, kwaciindi ciniini ndalinga kumufunaako mushishi umo momwakaya.’

Esekelo 20:34

Ndaakumuboosha kuswa kumishobo imwi alimwi amushishi umo momwakapalanganina alyaansa lyangu lyankusu, lyaansa litambitwe alimwi abukali buyoosha.

Esekelo 34:12

Bweenka mbuli mweembeshi mbwaalangoola mbelele shakwe na shapalangana, mbweeke ubo anebo mbweshi nkalangoole mbelele shangu. Ndaakushifuna kuswa mumisena yoonse moshakalinga shapalanganina bushiku buyoosha bwa munshinshe ushiya mbi.

Esekelo 37:24

“ ‘Wamulunyungu lwakwe Defedi musebenshi wangu ngweshi akabe mwaami wabo. Lyalo boonse balaakubabo amweembeshi womwi. Balaakunookonkela milawo amilasho yangu cakushomeka.

Esekelo 5:10

Paceebo ceeco bamashali pakati kanu balaakutalika kulya bana babo, abalo baana balaakunoolya bamashali babo. Ndaakumupa mulandu akupalanganya baabo beshi bakacaaleewo mumbasu shoonse.’

Esekelo 5:2

Nshiku shako shakulwana ndabala ya Jelusalemu shaakwiinda, ukateente cipansha comwi mumulilo mundabala. Kuswawaawo ukabwese cipansha cimwi akucitimboola amupeeni kushinguluka ndabala yoonse. Cipansha cakweelaako ukacuululushe amuuwo ceebo ndaakubatandaanya amupeeni.

Danyelo 11:18

Pesule ulaakulwana mishobo ili muloombe lwa lweenge akukoma iinji pakati ka njiyo. Sombi mutanjilili wa bashilumamba muswamashi ulaakumukoma akumanisha kulisumpula kwakwe. Munshila iyo musebaanyo uyo ulaakuboola pamubili wakwe mwiine.

Bene Lefi 26:33

Ndaakumuletela nkondo akumupalanganishisha mushishi shimwi. Cishi canu cilaakubula bantu, alimwi mandabalaanu anene alaakucaalabo ngamatongo.

Mika 2:12

“Nobamulunyungu lwakwe Jakobo ncakwiila ndaakumuyobolola noonse. Ndaakuyobolola bene Isilaeli bakacaala boonse. Ndaakubabunganya anga nimbelele mucimpati, ee, anga nditanga kumafulo a ndilyo. Musena uyo ulaakwisula bantu.”

Mika 4:6

Mwaami Lesa wakaamba ayi, “Pabushiku bweenka ubo, ndaakubunganya balema. Ndaakubunganya bali mubusha ee, bantu abo mbondakalengesha kuba mubuumba.

Mika 5:4

Aakwisa, ulaakwiimikana akweembela litanga lyakwe lya mbelele munkusu sha Mwaami Lesa amubwaami bwa Mwaami Lesa, Lesa wakwe. Bantu bakwe balaakwikala kwakubula cakulisukama mukwiinga bulemu bwakwe kulaakunyumfwika pacishi coonse ca panshi.

Sefaniya 2:11

Mwaami Lesa ulaakubaloondesha ndyeshi akanyonyoole balesa boonse ba mucishi ca panshi. Bantu bamumishobo yoonse balaakumulambila, mushobo womwi awomwi mucishi ca nguwo.

Sefaniya 3:19

Paciindi ico ndaakupa mulandu abo bakalinga kukulyatilila. Ndaakufuna balema boonse akubunjika boonse bakapalanganishilwa mubusha. Ndaakulengesha bantu kubalumbaisha akubalemeka mushishi shoonse umo mobakasebaanishikwa.

Sekaliya 10:8

“Ndaakwiita bantu bangu akubabunganya mucishi cabo. Ncakwiila ndaakubapulusha. Balaakufula bweenka mbobakalinga kataanshi.

Sekaliya 2:6

Ono Mwaami Lesa waamba ayi, “Kamwisa! Kamwisa! Amuciceeko kucishi cakumatwa mukwiinga ndakamupalanganishisha kumbasu shone sha cishi.

Sekaliya 9:16

Bushiku ubo bwaakushikila, Mwaami Lesa ulaakupulusha bantu bakwe bweenka mweembeshi mbwaafuna litanga lyakwe kubulwani. Bantu bakwe abo balaakunoobekabeka mucishi cakwe bweenka bubeka mabwe amakwebo kumushini.

Luka 12:32

“Mwebo nolitanga liniini, mutaloondi mukwiinga Ishiwanu camukonda kumupa bwaami.

Joni 10:27

Mbelele shangu shilanyumfwa liswi lyangu, ndishishi ashalo shilankonkela.

Joni 11:52

Ncakwiila teeshibo mushobo wabo weenka, sombi akuleta pantu pomwi bana bakwe Lesa abo bakalinga kupalangene mucishi coonse.

Dutolonomi 30:4

Nacibi kwaamba ayi mukapalanganishikwe cakuya mukushika kweela cishi ca panshi, Mwaami Lesa, Lesa wanu ulaakumubunganya akumuboosha,

Dutolonomi 32:26

Ndakalinga kusuni kubanyonyoola boonse ayi bantu bamwi batakabeebalukiwo tubili.