Jelemiya 31:1 - Baibo Busansulushi Bwa Libuku Ili

¹ Mwaami Lesa waamba ayi, “Ndaakuba Lesa wa shipani shoonse sha mumikowa ya bene Isilaeli, abalo balaakuba bantu bangu.

Jelemiya 31:1 Marejeleo ya Msalaba

2 Samwelo 7:24

Ncakwiila mwakalisalila bene Isilaeli ayi babe bantu banu kwalyoonse, alimwi mwebo noBaami baLesa mwaba Lesa wabo.

Kulumbaisha 144:15

Balicite coolwe bantu bacitikilwa shintu ishi, ee, balicite coolwe bantu baamba ayi Mwaami Lesa ngoLesa wabo.

Kulumbaisha 48:14

Ceebo Lesa uyo ngoLesa wesu kwamuyayaya Ndushinisho ulaakunootutanjilila tibili akumeelelesho.

Isaya 20:6

Ciindi ico caakushikila bantu abo bekala muloombe lwa lweenge umu balaakwaamba ayi, ‘Amubone cacitika kubaabo mbotwalinga kucinkitemo manungo, ee, abo mbotwalinga kucicilaako ayi batucaafwe akutufuna kuswa kumwaami wa bene Asilya! Ono bulya inga twapuluka buyani?’ ”

Isaya 41:10

Anu aboobo mutaloondi mukwiinga ndi amwebo. Mutoongumani ceebo ndime Lesa wanu. Ndaakumupa nkusu akumucafwa alimwi ndaakumufuna alyaansa lyalulyo liluleme.

Jelemiya 23:6

Munshiku sha bweendeleshi bwakwe, bene Juda balaakupuluka abene Isilaeli balaakunookala kwakubula cakulisukama. Lyalo ulaakunokwiitwa liina lyakwaamba ayi, ‘Mwaami Lesa nkoKululama kwesu.’ ”

Jelemiya 3:18

Munshiku isho bene Juda balaakupaankana abene Isilaeli, lyalo boonse balaakuswa kucishi ca busha cakumatwa kwisa kucishi ico ncendakapa bamashali babo bakulukulu ayi ncabo.”

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 30:22

Paceebo ceeco mulaakuba bantu bangu anebo ndaakuba Lesa wanu. Nebo neMwaami Lesa ndaamba.”

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 31:33

Ono nebo neMwaami Lesa mbulya mbweshi nkapangane abene Isilaeli munshiku shitoosa. Ndaakubika milawo yangu mumiyeeyo yabo alimwi akwiilemba mumyoyo yabo. Ndaakuba Lesa wabo abalo balaakuba bantu bangu.

Jelemiya 32:38

Lyalo balaakuba bantu bangu, anebo ndaakuba Lesa wabo.

Jelemiya 33:14

Mwaami Lesa waamba ayi, “Ciindi cilaakushika ndyeshi nkacite kweelana ambondakashomesha bene Isilaeli abene Juda.

Jelemiya 33:7

Ndaakuboosha bene Juda abene Isilaeli kuswa mubusha akubayaka alimwi bweenka mbuli mbobakalinga kale kale.

Jelemiya 50:4

Mwaami Lesa waamba ayi, “Munshiku isho, bene Isilaeli abene Juda boonse, balaakunyamuka kabaya bulila kuyandoola ndime neMwaami Lesa, Lesa wabo.

Esekelo 11:20

Lyalo balaakukonkela milasho yangu alimwi akunyumfwila milawo yangu cakushomeka. Balaakuba bantu bangu, anebo ndaakuba Lesa wabo.

Esekelo 34:24

Nebo neMwaami Lesa ndaakuba Lesa wa nshisho alimwi mwaami wamulunyungu lwakwe Defedi musebenshi wangu ulaakunooshilela. Nebo neMwaami Lesa ndaamba.

Esekelo 34:31

“ ‘Mwebo nombelele shangu, mbelele sha mumafulo angu, muli bantu bangu anebo ndi Lesa wanu. Nebo neMwaami Lesa Shinkusu shoonse ndaamba.’ ”

Esekelo 36:28

Mulaakunookala mucishi ico ncendakapa bamashali banu bakulukulu. Mulaakuba bantu bangu, anebo ndaakuba Lesa wabo.

Esekelo 39:22

Lyalo kuswa bushiku ubo kuya kunembo, bene Isilaeli balaakwishiba ayi nebo ndi Mwaami Lesa, Lesa wabo.

Esekelo 39:25

Mwaami Lesa Shinkusu shoonse wakaamba ayi, “Ono bulya ndaakuboosha bamulunyungu lwakwe Jakobo kuswa mubusha. Ncakwiila ndaakufwita nkumbu bantu bangu bene Isilaeli boonse. Liina lyangu lisalalite ndaakulitabilila.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Bene Lefi 26:12

Anu ndaakunooli amwebo akuba Lesa wanu, amwebo mulaakuba bantu bangu.

Sekaliya 13:9

Bamucipansha comwi ico ceshi cikacaale, ndaakubasalasha. Ncakwiila ndaakubasalasha mumulilo bweenka silifa mbooboteshekwa. Ndaakubeelesha bweenka golodi mbooweeleshekwa mumulilo. Balaakumpaila anebo ndaakubakumbula. Ndaakunoobeeta ayi, ‘Bantu bangu.’ Abalo balaakunokwaamba ayi, ‘Mwaami Lesa ngoLesa wesu.’ ”

Joni 20:17

Jesu wakamwaambila ayi, “Utancatilili ceebo nshina kuya kuli baTa. Sombi koya ukaambile bashikwiiya bangu ayi, ‘Ntooya kuli baTa alimwi mbobaishiwanu amwebo, nguLesa wangu amwebo nguLesa wanu.’ ”

2 Bene Kolinto 6:16

Ncipanganonshi ceenga caba pakati ka Ŋanda yakwe Lesa ashibumbwabumbwa? Ceebo swebo tuli Ŋanda yakwe Lesa muumi, mukwiinga Lesa ulaamba ayi, “Ndaakuba mubantu bangu, akwikala pakati kabo, Ndaakuba Lesa wabo, abalo balaakuba bantu bangu.”

Bene Ebulu 12:16

Mulyeelete kucenjela kwaamba ayi kutabi mufuule nabi womwi mulikoto lyanu, nabi muntu ucobola Lesa mbuli Esau, uyo wakoolisha bunene bwakwe ceebo ca cakulya ca linkanda lyomwibo.