Jelemiya 30:7 - Baibo Busansulushi Bwa Libuku Ili

⁷ Bwabica bushiku ubu mwebo! Taaku bushiku nabi bomwi bweshi bukakoshanyeewo ambubo. Bulaakuba bushiku bwa mapensho kubamulunyungu lwakwe Jakobo, nakubi boobo balaakupulushikwa.”

Jelemiya 30:7 Marejeleo ya Msalaba

Matalikilo 32:7

Jakobo wakaloonda akulisukama. Bantu mbwaakalingaabo wakabapansaanya mumakoto obilo pantu pomwi ambelele, mpongo, ŋombe alimwi angamela shakwe.

Kulumbaisha 25:22

NobaLesa amupulushe bene Isilaeli, amubapulushe kuswa mumapensho abo oonse.

Kulumbaisha 34:19

Muntu ululeme uleenda mumapensho aanji, sombi Mwaami Lesa ulamufuna mumapensho akwe oonse.

Isaya 20:6

Ciindi ico caakushikila bantu abo bekala muloombe lwa lweenge umu balaakwaamba ayi, ‘Amubone cacitika kubaabo mbotwalinga kucinkitemo manungo, ee, abo mbotwalinga kucicilaako ayi batucaafwe akutufuna kuswa kumwaami wa bene Asilya! Ono bulya inga twapuluka buyani?’ ”

Jelemiya 14:8

Mwebo Nokulangila kwa bene Isilaeli, noBapulushi babo muciindi ca mapensho, ceebonshi mwaba anga ngumweensu mucishi cino, ncakwiila anga ngushikweenda uyo woonabo bushiku bomwi?

Jelemiya 2:27

Mwebo mulaambila cisamu ayi, ‘Mwebo ndimwe bata.’ Mulaambila libwe ayi, ‘Mwebo ndimwe bama.’ Mwafutatikabo misana yanu, sombi kuteshi shiwa. Ncakwiila na mwaba mumapensho mulanjita ayi, ‘Kamwisa mutufuneeko.’

Jelemiya 2:28

Ino ono balesa banu mbomwakalipangila bali kuli? Kabesa bamufuune na inga bacikonsha kumufuna ndyemuba amapensho. Sa te mwebo nobene Juda mulicitebo balesa baanji anga ngamandabala anu?”

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Malilo 1:12

Itokoolobesha kumuntu woonse utokwiinda ayi, “Sa taaku ancemubwene mwebo noonse nomutokwiinda? Amucebuke taangunaansha mubone. Sa kuli wakapengawo kale mbondapenga nebo? Sa kuli wakabonawo kale mapensho mbuli aya andetela Mwaami Lesa mubushiku bwa bukali bwakwe buyoosha?

Malilo 2:13

Anu ŋambe ayinshi pali ndiwe? Anu nkweelanyewo anshi webo ondabala inene ya Jelusalemu? Ino nkucite buyani kwaamba ayi nkuumbulushe, webo ondabala ya Siyoni? Cilonda cako ncinene bweenka mbuli lweenge. Ino ngani weenga wacishilika?

Malilo 4:6

Mulandu wakapekwa bantu bangu wakeenda wooyo wakapekwa Sodoma, ndabala iyo yakanyonyoolwa cakufwambaana, ncakwiila kwakubula awiifunaako.

Danyelo 12:1

Mpeeke munjelo uyo wakalinga kufwete nsalu iteshimite wakaamba ayi, “Paciindi ico Mikaeli munjelo munene uyo ulama bene mishaanu ulaakunyamuka. Kulaakuba ciindi ca mapensho ico citana kubonekawo kale kuswa kumatalikilo amishobo kushikila asunu. Nakubi boobo paciindi ico, bene mishaanu boonse bacite meena alembetwe mulibuku lyakwe Lesa, balaakupulushikwa.

Danyelo 9:12

Mwakacita nshemwakaamba ayi mulaakucita pali ndiswe abaleli besu mukutuletela mapensho ayoosha. Mwakapa ndabala inene ya Jelusalemu mulandu kwiinda ndabala inene imwi ili yoonse mucishi ca panshi.

Osiya 1:11

Bene Juda abene Isilaeli balaakucatanishikwa pantu pomwi alimwi. Balaakulisalila mutanjilili womwi, lyalo balaakubwesa cishi cabo alimwi akutalika kuswitilila. Ncakwiila bushiku bwa Jesiliilu bulaakuba bunene abuumbi.

Jowelo 1:15

Ncakwiila bushiku buyoosha butoosa. Ee, bushiku bwa Mwaami Lesa buli pafwaafwi. Ubo mbobushiku Mwaami Lesa Shinkusu shoonse bweshi akalete lunyonyooko.

Jowelo 1:2

Amunyumfwe nobamaloba, amukutike mwebo nomwikala mucishi ca Juda. Sa camushobo wooyu cakacitikawo kale mubuumi bwanu nabi mubuumi bwa bamashali banu bakulukulu?

Jowelo 2:11

Mwaami Lesa ngowatanjilila likoto lyakwe lya bashilumamba. Bashilumamba bakwe abo bacita ncaasuni, mbaanji abuumbi cakutabelengeka alimwi mbeshinkusu. Bushiku bwa Mwaami Lesa mbunene alimwi bulayoosha. Anu ngani weenga wacaala pabushiku ubo?

Jowelo 2:31

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, bushiku ubo bunene alimwi buyoosha.

Mika 4:9

Ono ceebonshi utoolila cakoolobesha? Sa toocite mwaami? Sa beshikukupandako maano bamana kuloba ico cakulengesha kupenga anga ngumwanakashi uli pankanta?

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Sekaliya 14:7

Bulaakuba bushiku bubotu butacite munshinshe, bushiku ubo bushibikitwebo kuMwaami Lesa. Pabushiku ubo amacolesha kulaakunoolibo mumuni.

Malaki 4:1

Mwaami Lesa Shinkusu shoonse utokwaamba ayi, “Ncakwiila bushiku bulaakushikila balisumpula abamucita shibi ndyeshi bakapye anga mbwiisu. Pabushiku ubo balaakulokota cakutacaalaako.

Maako 13:19

Mukwiinga mapensho eshi akabeeko ciindi ico taakwe kubonekaawo kale, kuswabo Lesa ndyaakatalika kulenga cishi ca panshi kushikila asunu. Ncakwiila teshi akabooleewo.

Milimo ya Batumwi 2:20

Lisuba lilaakuboolabo mbi, awalo mweenshi ulaakusalalabo pyu anga mbulowa, kabutana kushikila bushiku bwangu nebo neMwaami Lesa, ubo bunene bwa bulemu.

Bene Loma 11:26

Anu mboboobo Lesa mbweshi akapulushe bene Isilaeli boonse. Bweenka bwaamba Malembo akwe Lesa ayi, “Mupulushi ulaakuswa kuSiyoni, alimwi ulaakulekelela bubi boonse bwa bene Isilaeli.

Ciyubululo 6:17

Mukwinga bushiku bwa bukali bwabo buloondesha bwashikila, ino ngani weenga wacaalaawo?”