Jelemiya 30:19 - Baibo Busansulushi Bwa Libuku Ili

¹⁹ Lyalo bantu beshi bakekaleemo balaakunokwiimba nyimbo shakulumbaisha, akupanga ciyobeyobe cakusangalala. Ndaakubafusha cakwaamba ayi teshi bakaceyeewo, sobwe. Ndaakubalemeka cakutanyanshikwawo tubili.

Jelemiya 30:19 Marejeleo ya Msalaba

Esila 6:22

Lyalo bakaba akusekelela kwakulya cimaande. Bakacita boobo kabasangalete kwanshiku shosanwe ashobilo. Bakasangalala mukwiinga Mwaami Lesa wakasandula moyo wa mwaami wa kuAsilya ayi abacaafwe kuyaka alimwi Ŋanda yakwe Lesa, Lesa wa bene Isilaeli.

Neyemiya 8:12

Mpomunyaawo bantu boonse bakaya mukulya akunwa akwaabilaako bamwi. Bakasekelela kabasangalete abuumbi mukwiinga maswi ayo ngobakabelengelwa bakaanyumfwisha.

Neyemiya 8:17

Likoto lya baabo boonse bakaswa mushishi sha busha lyakayaka shimpaka akutalika kwikala mumo. Kuswa munshiku shakwe Joshuwa mwanaakwe Nani kushika bushiku ubo, bene Isilaeli tabana kusekelelawo kale ca mushobo uyu. Aboobo bushiku ubo boonse bakasangalala abuumbi.

Kulumbaisha 53:6

Ncakwiila inga cabota abuumbi lupulusho lwa bene Isilaeli kuswa kuSiyoni! Lesa aakuboosesha bantu bakwe bubile, boonse bamulunyungu lwakwe Jakobo, ee, bene Isilaeli ndyeshi bakasangalale.

Isaya 12:1

Pabushiku ubo mulaakwiimba ayi, “Ndanoomulumbaisha noBaami baLesa. Nabi mwakalinga kukalalite pali ndime, bukali bwanu sunu bwamana. Ono sunu mwankalika moyo.

Isaya 26:15

“NoBaami baLesa, mwalengesha mushobo wesu kukomena. Mwakomenesha manyinsa a cishi cesu mumbasu shoonse. Paceebo ceeco mulapekwa bulemu.

Isaya 27:6

Muciindi citoosa bamulunyungu lwakwe Jakobo balaakushimpa anga ncisamu catola miyanda panshi. Ee, bene Isilaeli balaakushalana anga ncisamu casapuka maluba akucata shisepo. Aboobo balaakwisusha cishi coonse ca panshi ashisepo shabo.

Isaya 35:10

Abo Mwaami Lesa mbwaakalubula balaakuboolela akushika kuSiyoni kabeemba cakusangalala. Anu uko nkweshi bakanookala cakusangalala kwalyoonse alyoonse. Ee, balaakuba bantu bakondetwe alimwi basangalete kwalyoonsebo. Buumba alimwi amatongooshi shoonse shilaakumana.

Isaya 51:11

Ncakwiila abo mbomwakafuna balaakuboola. Balaakushika kuSiyoni kabeemba. Lyalo balaakunokweenda kabasangalete kwalyoonse alyoonse. Ndushinisho kusangalala teshi kukamaneewo alimwi buumba bwabo amatongooshi shilaakumana.

Isaya 51:3

“Ndaakunyumfwila nkumbu ndabala ya Jelusalemu abaabo boonse bekala mumatongo a njiyo. Nakubi kwaamba ayi cishi ca njiyo nduyanga, ndaakucilengesha kuba anga muEdeni. Ncakwiila cilaakusandulwa kuba anga ngumuunda wa Mwaami Lesa. Bantu uko balaakunoosangalala akukondwa. Balaakunoolumba alimwi balaakunokwiimba.

Isaya 52:9

Amusangalale akwiimba nyimbo noonse pantu pomwi nomatongo a ndabala ya Jelusalemu. Mwaami Lesa woombulusha bantu bakwe kwiinda mukufuna ndabala ya Jelusalemu.

Isaya 55:5

Ndushinisho mulaakwiita mishobo ya bantu mbomuteshiiwo napaceyi. Mishobo ya bantu abo batamwishiiwo balaakwisa kuli ndimwe cakufwambaana ceebo ca Mwaami Lesa, Lesa wanu Usalalite wa bene Isilaeli uyo wakamufwalika bulemu.”

Isaya 60:19

“Lisuba lilaakucileka kuba ngomumuni wako malumwi, nabi mweenshi kukupa mumuni mashiku, ceebo nebo neMwaami Lesa ndimeshi nkabe mumuni wako kwalyoonse alyoonse. Nebo neLesa wako neenka ndaakuba bulemu bwako.

Isaya 60:22

Ŋanda ya bantu baniini pakati kanu balaakufula cakushika kucuulu. Ncakwiila balaakufula cakubabo cishi abalo beenka. Nebo ndime Mwaami Lesa! Ici ndaakucilengesha kucitika cakufwambaana paciindi ceelete.”

Isaya 60:9

Shintu isho ngamaato atooswa kushishi sha kulaale. Ali kunembo ngamaato aswa kuTashishi atooboosha bantu bangu neLesa. Aliyumwite silifa alimwi agolodi mukumpa bulemu neMwaami Lesa, Lesa usalalite wa bene Isilaeli uyo walengesha mishobo imwi yoonse kulemeka bantu bangu.

Jelemiya 17:26

Mpeeke bantu balaakuswa mumandabala a kuJuda amishi ishingulukite Jelusalemu, mucishi cakwe Benjameni, tulundu tuniini twa kumbo akucishi ca tulundu ca Negefu. Balaakuleta milambu yakutenta, shipo sha fulaulo, tununkila kabotu alimwi amilambu yakulumba kuŊanda yangu neMwaami Lesa.

Jelemiya 3:16

Mwaakufuula mucishi cilya, bantu teshi bakanokwaambawo paLibokoshi lya Cipangano, sobwe. Teshi bakaliyeeyewo nabi kulyaanukaawo. Teshi bakalisunewo nabi kuyeeya kupanga limwi, sobwe.

Jelemiya 31:27

Mwaami Lesa waamba ayi, “Ciindi cilaakushika ndyeshi nkasushe bantu abanyama mucishi ca Isilaeli coonse amucishi ca Juda.

Jelemiya 31:4

Ndaakumuyaka alimwi, ncakwiila mulaakuyakwa nobene Isilaeli. Mulaakubwesa misebe yanu alimwi akuya mukushana cakusangalala.

Jelemiya 33:22

Ndaakufusha bamulunyungu lwa musebenshi wangu Defedi abapailishi ba mumukowa wakwe Lefi cakwaamba ayi balaakunokwaala akubelengekwa bweenka mbocaala kubelenga nyenyeenshi mwiculu nabi museese wa muloombe lwa lweenge.”

Esekelo 36:37

Mwaami Lesa Shinkusu shoonse waamba ayi, “Ndaakunyumfwa kusenga kwa bene Isilaeli akubacafwa. Ndaakubafusha anga nimbelele,

Esekelo 37:10

Aboobo ndakalaluka kweelana ambondakaambilwa. Ncakwiila muuya wakenjila mumibili ya bantu abo, abalo bakaba abuumi. Mpeeke bakanyamuka akwiimikana. Bakalinga baanji cakukwanabo likoto linene lya bashilumamba.

Esekelo 37:26

Ndaakupanga cipangano ca luumuno ambabo. Cilaakuba cipangano calyoonse alyoonse. Ndaakushimpya bulelo bwabo akubafusha alimwi ndaakubika Ŋanda yangu pakati kabo kwalyoonse alyoonse.

Sekaliya 10:8

“Ndaakwiita bantu bangu akubabunganya mucishi cabo. Ncakwiila ndaakubapulusha. Balaakufula bweenka mbobakalinga kataanshi.

Sekaliya 12:8

Pabushiku ubo nebo neMwaami Lesa ndaakutabilila bantu bekala mundabala ya Jelusalemu kwaamba ayi abo batacite nkusu pakati kabo bakabebo ankusu bweenka mbuli Defedi. Abalo bamulunyungu lwakwe Defedi balaakunoobatanjililabo anga ngumunjelo wangu neMwaami Lesa, ee, anga ndime nemwiine neentoobatanjilila.

Sekaliya 2:4

akumulwiita ayi, “Cica uye ulwiite musankwa ulya cikula bwangu ayi, ‘Ndabala ya Jelusalemu teshi ikabeewo alubumbu ceebo ca kufula kwa bantu ashifubwa.

Sekaliya 8:19

“Kulikasha kulya uko kuba mumweenshi wane, wasanu, wasanu ayobilo amweenshi walikumi kulaakuba kusekelela kwakusangalala akukondwa kwa bene Juda. Paceebo ceeci amusune lushinisho aluumuno.”

Joni 17:22

Ndakabapa bulemu bweenka mbomwakampa kwaamba ayi babe womwi bweenka mbuli ndimwe anebo mbotuli womwi.

1 Pita 1:7

kwaamba ayi lushomo ndomucite lweeleshekwe akuboneka ayi ndwaalushinisho. Mukwiinga bweenka golodi, ukonsha kunyonyoolwa, mboweeleshekwa mumulilo alushomo ndomucite, ulo lwiinda pagolodi, mbolucitwa mumasunko. Lyalo Lesa ulaakumulumbaisha akumupa bulemu pabushiku Jesu Klistu aakuyubululwa.