Jelemiya 30:16 - Baibo Busansulushi Bwa Libuku Ili

¹⁶ “Sombi abo boonse beshibakamunyonyoole, abalo balaakunyonyoolwa. Ncakwiila balwani banu boonse balaakutolwa busha. Abo bamusaala abalo balaakusaalwa. Boonse bamwiipila shintu, ndaakubalengesha kwiipilwa abalo.

Jelemiya 30:16 Marejeleo ya Msalaba

Kulumbaisha 129:5

Bantu boonse bapatite Siyoni, bakomwe akutandaanishikwa cilensha nsoni.

Kulonga 23:22

Sombi na mukanoomunyumfwila akucita shoonse nsheshi nkanoomulwiita, nebo ndaakulwana abalwani banu boonse.

Tushimpi 22:23

Mwaami Lesa ulaakwiimikanina makani akwe akusaala buboni bwa baabo basaala buboni bwa mukandu.

Isaya 14:2

Mishobo imwi ya bantu ilaakucafwa bene Isilaeli kuboola kucishi ico cakabapa Mwaami Lesa. Mucishi ico bantu bamumishobo imwi iyo balaakuba basha kubene Isilaeli. Lyalo abo bakalinga bacata bene Isilaeli busha, balaakuba mbabo basha kubene Isilaeli. Ncakwiila bene Isilaeli balaakulela baabo bakalinga kubalyatilila.

Isaya 33:1

Mapensho kuli ndiwe oshikunyonyoola, ee, webo nootana kunyonyoolwaawo. Mapensho kuli ndiwe oshikwaaba bantu ee, webo nootana kwaabwaawo. Waakucileka kunyonyoola, ulaakunyonyoolwa. Waakucileka kwaaba bantu, ulaakwaabwa.

Isaya 54:15

Ono uli woonse weshi akakulwaane, teshi akacite boobo mukutumwa kuli ndime, sobwe. Paceebo ceeco uli woonse weshi akakulwaane ulaakukomwa.”

Isaya 54:17

Sombi taaku cakulwanisha ceshi cikakonshe kumucisa. Abalo abo bamupa milandu mulaakuba ashakubakumbula. Ici cilaakuba ncecilambu ca basebenshi bangu.” Mwaami Lesa waamba.

Jelemiya 10:25

Amutile bukali bwanu pamishobo iyi itamulambili alimwi apabantu abo bakaka ndimwe. Ceebo bakanyonyoola bamulunyungu lwakwe Jakobo. Bantu abo bakabanyonweetabo limwi akunyonyoola cishi cabo.

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Jelemiya 2:3

Isilaeli wakalinga kusalalite kuMwaami Lesa. Wakalinga mbuli shisepo shitaanshi kutebulwa. Abo boonse bakamucisa ndakabapa mulandu aboobo mapensho akabashikila.’ ” Mwaami Lesa waamba.

Jelemiya 25:12

“ ‘Ono myaaka makumi osanwe aobilo yaakwiinda, ndaakupa mulandu mwaami wa bene Babiloni acishi ca Babiloni coonse ceebo ca kubisha kwabo. Ndaakunyonyoola cishi ico ayi cikabe matongo amuyayaya.

Jelemiya 30:15

Amucileeke kutongooka pashilonda shanu, ee, pashicisa shanu shitacite abwakushishilika. Ndakamucita bobulya ceebo ca mulandu wanu unene ashibiibi shanu shiinji.

Jelemiya 50:28

“Amunyumfwe kubaabo bakacica nkondo kuBabiloni mbobatokwaambilisha kuSiyoni ayi nebo neMwaami Lesa, Lesa wabo ndaboosha cishole ee, kuboosha cishole ceebo ca Ŋanda yangu.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Malilo 1:21

“Bantu balinyumfwite kutongela kwangu, sombi taaku nabi womwi wakuŋumbulusha. Balwani bangu boonse balinyumfwite shamapensho angu alimwi batoosangalala pashintu isho nshemwancita. Ndamusenga kwaamba ayi mulete bushiku ubo mbomwakashomesha kwaamba ayi abalo bakapenge bweenka mbondapenga.

Malilo 1:22

“Amubashinine pashibiibi shabo shoonse, Amubacite bweenka mbomwakancita ceebo ca shibiibi shangu shoonse. Ncakwiila kutongela kwangu kwakomena cakwaamba ayi moyo wangu utoowisookabo.”

Esekelo 29:6

Lyalo boonse bekala mucishi ca Ijipiti ndyeshi bakeshibe ayi nebo ndi Mwaami Lesa.’ ” Mwaami Lesa waamba ayi, “Bene Isilaeli bakacinka manungo mubene Ijipiti, sombi ico cakalingabo anga nkushimpila kulitete.

Esekelo 35:5

“ ‘Webo wakatolelela lupato lwako lukulukulu pabene Isilaeli akubaaba kumupeeni muciindi ca mapensho abo. Ee, ciindi cakupekwa mulandu kwabo pashibiibi shabo ndicakashikila.

Jowelo 3:8

Ndaakuulisha bana banu basankwa abanakashi kubene Juda. Lyalo abalo balaakuboolisha kubene Sabeya mushobo uli kulaale. Nebo neMwaami Lesa ndaamba.

Mika 4:11

Bulya ono bamumishobo iinji babungana ayi bakulwaane. Boonse baamba ayi, “Ndabala iyi ilyeelete kunyonyoolwa, ndushinisho tutooyanda kusangalala pakubona ndabala ya Siyoni keenyonyookite.”

Mika 7:10

Balwani besu balaakushibona shoonse ishi akufwa nsoni, ee, balwani abo bakalinga kututonta ayi, “Ino uli kuli Mwaami Lesa, Lesa wanu?” Tulaakubona mbweshi bakakomwe. Balaakulyatoolwa bweenka bulyatoolwa matipa mumikwakwa.

Naamu 1:8

Sombi ulaakunyonyoola balwani bakwe anga ngamaanshi asefuka acite mukuuku unene. Ulaakutandaanishila baabo bamupatite mumunshinshe.

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Sefaniya 2:8

Mwaami Lesa Shinkusu shoonse waamba ayi, “Ndanyumfwa matushi a bene Moabu, akunyansha kwa bene Amoni. Boonse bakalinga kutukana bantu bangu akwaamba ayi balaakubwesa cishi cabo.

Sekaliya 1:14

Mpomunyaawo munjelo wakandwiita ayi, “Ambilisha maswi akaamba Mwaami Lesa Shinkusu shoonse ayi, ‘Jelusalemu ndabala yangu inene isalalite ndiisuni alimwi ndeebikaako maano.

Sekaliya 1:15

Sombi ndikalalite abuumbi pamishobo iyo ishiite cakuliiba. Mukwiinga ndindakalinga kukalalite paniini pabantu bangu, bantu balo abo bakeelikaawo mapensho pali mbabo.

Sekaliya 12:2

“Amubone, ndaakulengesha ndabala inene ya Jelusalemu kuba anga ninkomeshi ya waini iyo mishobo yoonse ishingulukite njeshi ikanweemo akutalantanta anga mbantu bakoletwe. Kuswawaawo balwani balaakushinguluka ndabala inene ya Jelusalemu pantu pomwi amandabala amwi oonse a muJuda.

Sekaliya 14:2

Lyalo Mwaami Lesa ulaakubunganya bantu ba mishobo yoonse kwaamba ayi bese balwane ndabala ya Jelusalemu. Bantu abo balaakukoma ndabala iyo akusaala maanda oonse. Banakashi balaakukumanishikwa cakukakatishikwa. Musa wa bantu ba mundabala iyo balaakutolwa busha, sombi bamwi balaakucaala mweenka umo.

Sekaliya 2:12

Lyalo cishi ca Juda cilaakuba cipansha Mwaami Lesa ncaasuni abuumbi mucishi cakwe cisalalite. Ndabala ya Jelusalemu ilaakuba njendabala njeshi akanoosuni kwiinda mandabala amwi oonse.

Sekaliya 2:8

Uyo woonse umutyunka munwe cilyeelenebo akutyunka ndime muliinso.” Paceebo ceeci Mwaami Lesa Shinkusu shoonse wakantuma kwaambila baabo bakalinga kusaala bantu bakwe ayi,

Dutolonomi 30:7

Mpeeke ulaakutuntulwita mashingo oonse aya pabalwani banu abo bakalinga kumupatite akumupensha.

Ciyubululo 13:10

Uyo woonse weelete kwaangwa, ulaakwaangwa cancinencine, alakwe uyo weelete kucaikwa kumupeeni, ulaakucaikwa kumupeeni mbomunya ubo. Nkokwaamba ayi ncibotu bashomi boonse kutaboola pesule akushomeka.”

1 Samwelo 17:53

Bene Isilaeli ndibakamana kutandaanya bene Filisiti bakaboola kumisumba ya bene Filisiti akusaala shintu shoonse nshibakashiya.