Jelemiya 30:14 - Baibo Busansulushi Bwa Libuku Ili

¹⁴ Boonse abo bakalinga kumusuni, bakamulubako. Ncakwiila bulya tabamubikiiko maano napaceyi. Ndakamuuma anga ngumulwani wanu akumupa mulandu anga ngumuntu shilunkutwe ceebo mulandu wanu ngunene abuumbi alimwi shibiibi shanu nshiinji.

Jelemiya 30:14 Marejeleo ya Msalaba

Jobo 16:9

“Lesa wankwamoona mubukali bwakwe alimwi utoolumanyaako ameeno. Ee, mulwani wangu ulansaamwita meenso.

Jobo 19:11

Lesa utoosuntabo kubukali pali ndime. Ncakwiila nebo ulambelengela pabalwani bakwe.

Jobo 30:21

Mulanangilishabo cabukali akumpensha alyaansa lyanu lya nkusu.

Kulumbaisha 107:17

Bamwi bakaba baluya ceebo ca shibiibi shabo, alimwi bakapenga ceebo ca shilubo shabo.

Isaya 57:13

Ee, atukabone na shibumbwabumbwa shanu shilaakumucafwa mwaakushililila lucafwo! Ncakwiila muuwo ulaakushitola shoonse, ee, shilaakuululukabo kukuyoya kwa linkanda lyomwi. Sombi muntu uyo woonse uyubila muli ndime ulaakupekwa cishi ici pantu pomwi akalundu kangu kasalalite.”

Jelemiya 14:17

Kuswawaawo Mwaami Lesa wakaamba ayi, “Amba kubantu ayi, ‘Minsonshi aikunke mumeenso angu mashiku amalumwi cakutacilekaawo ceebo bantu bene misheesu bapenga kucilonda cinene. Ncakwiila bacisikwa cilensha bunyengele.

Jelemiya 2:36

Ino utoopampookilanshi bobulya munshila shako? Bene Ijipiti balaakukulensha nsoni bweenka bwakakucita bene Asilya.

Jelemiya 22:20

Ono nobene Jelusalemu kamuya kuLebanoni mukaliile. Ee, maswi anu aye anyumfwike kuBashani, mulilile kuAbalimu ceebo mbomwalinga kucafwanaabo bakomwa cakumaninina.

Jelemiya 22:22

Bamatanjilili banu boonse balaakuululushikwa amuuwo. Abo mbomucafwanaabo munkondo balaakutolwa busha. Lyalo mulaakusebaana akulenshekwa nsoni ceebo ca bubi bwanu boonse mbomwakacita.

Jelemiya 30:15

Amucileeke kutongooka pashilonda shanu, ee, pashicisa shanu shitacite abwakushishilika. Ndakamucita bobulya ceebo ca mulandu wanu unene ashibiibi shanu shiinji.

Jelemiya 32:29

akwiitenta mumulilo. Balaakwiitenta pantu pomwi amaanda ayo bantu ngobakalinga kusonkomwetawo bukali bwangu kwiinda mukutenta tununkila kabotu kuli Baali peculu lya shiluli alimwi akutilila balesa bamwi shipo sha shakunwa.

Jelemiya 32:30

Kuswabo kale kale kushikila asunu bantu bene Isilaeli alimwi abene Juda tabankondeleshiwo, sobwe. Ncakwiila balasonkomona bukali bwangu kwiinda mushintu nshebacita.

Jelemiya 32:34

Bakabika shibumbwabumbwa shilensha bunya muŊanda yangu iyo yakayakwa ayi noolambililwaamo, akwiilengesha kutanoosalalite.

Jelemiya 32:35

Bakayakila Baali shipaililo muCinyika ca Inomu pakunootentela lesa Moleki bana babo basankwa abanakashi. Ico ncintu nceentakwe kubaambila nabi kuciyeeyaawo kwaamba ayi inga bacita cintu cilensha bunya ca mushobo uyo akulengesha bene Juda kubisha.”

Jelemiya 38:22

Banakashi boonse abo bakacaala kuŋanda ya mwaami wa bene Juda balaakuletwa kubamatanjilili ba bashilumamba ba mwaami wa bene Babiloni. Lyalo banakashi abo balaakumwaambila ayi, ‘Bakamupilinganya akumukoma babyaanu abo mbomushoma. Ono sunu myeendo yanu yepila mumatipa, babyaanu bamupalangana.’ ”

Jelemiya 4:30

Utoocitanshi webo ondabala yakanyonyoolwa? Utoofwalilanshi shisani shifubelafubela akufwala shakulibotesha sha golodi? Ino walinanikilanshi shakulibotesha mumeenso? Bana utoolipenshabo kulibotesha. Abo bakalinga kukusuni, bakakusuula. Bulya batoopinga kukucaya.

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 5:5

Aboobo ntooya kubamatanjilili babo nkabandikaabo. Ndushinisho balo balishishi nshila sha Mwaami Lesa asheesho shiyanda Lesa wabo.” Sombi abalo boonse bakakaka bweendeleshi bwa Mwaami Lesa akukaka kucita sheesho nshaayanda.

Jelemiya 5:6

Paceebo ceeco nkalamu ya muluundu ilaakubacaya. Baumpe bamuluyanga balaakumana kubasansoola. Shiluwe ulaakubabelamina pafwaafwi amandabalaabo ayi asutoole mutupanshapansha uyo woonse weshi aswite pansengwe mukwiinga bwaashu bwabo bwakomena alimwi akuboola pesule kwabo kwakomenesha.

Jelemiya 50:42

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Babiloni.

Jelemiya 6:23

Banyamuna mata amasumo, mbantu beshilunkutwe alimwi batacite nkumbu. Batooyoomabo anga ngamaaba apalweenge mbuli mbobatoosa kabatantite pamaaki. Balilibambite kale kwisa mukukulwana webo ondabala ya Jelusalemu.”

Malilo 1:19

“Ndakeeta mboocafwanaabo pakulwana, sombi balo bakangaba. Bapailishi abamaloba bangu bakalobela mundabala inene. Ncakwiila bakaloba ndibakalinga kuyandoola cakulya ayi babe abuumi.

Malilo 1:2

Mashiku ilalila cakulicaya, minsonshi ilakunka kumacili. Pakati ka basuniki ba njiyo, taaku uliiwo ayi ayuumbulushe Shibusa sha njiyo shoonse shayaaba, ncakwiila shoonse shaba balwani ba njiyo.

Malilo 2:1

Mwaami Lesa wakafwekelesha ndabala ya Siyoni alikumbi lya bukali bwakwe! Wakaceesha ndabala iyo yakalinga bulemu bwa bene Isilaeli. Mubukali bwakwe wakaluba aŊanda yakwe.

Esekelo 23:22

“Nebo neMwaami Lesa Shinkusu shoonse ndaamba ayi, ‘Webo Ooliba, ndaakusonkomona basunikwi bako abo mbowakashiya koocimitwe akubaleta ayi bakulwaane kuswa kumbasu shoonse.

Esekelo 23:9

“Paceebo ceeco, anebo ndakamwaaba mumaansa a basunikwi bakwe bene Asilya abo mbwaakalinga kunookumbwa.

Danyelo 9:11

Bene Isilaeli boonse bakapwaya milawo yanu akukaka kunyumfwila sheesho nshemwakaamba. Twakamubishisha, aboobo mwakatuletela mashingo alembetwe muMilawo yakwe Mose musebenshi wanu.

Danyelo 9:13

Mwakacita boobo kweelana amaswi alembetwe muMilawo yakwe Mose. Nakubi boobo noBaami baLesa, baLesa besu tatukwe kumukondelesha mukusanduka kuswa kushibiibi shesu nabi mukukonkela lushinisho lwanu.

Danyelo 9:5

Twakabisha, twalinga kucita bubi alimwi twakalubisha. Twakafutatila milawo amilasho yanu.

Osiya 2:5

Banyinawanu tebakalinga kushomeka alimwi bakalinga kuliletela musebaanyo. Balo bakaamba ayi, ‘Ntooya kubasunikwi bangu, abo beshi bakampe shakulya, shakunwa, shakufwala sha booya bwa mbelele, nsalu shiteshimite, mafuta a olifi alimwi awaini.’

Osiya 5:14

Ndaakulwana bene Isilaeli anga ninkalamu, ee, kulwana bene Juda anga ninkalamu icite nkusu abuumbi. Ndaakubakwamoona mutupanshapansha akuya. Ndaakubanyamuna akubatola kwakubula aubafunaako.

Obadiya 1:7

Babyaanu bamucenjeeka, akumutanda mucishi canu. Abo mbomwakalinga kunyumfwanaabo bamubukila akumukoma. Mbomunya mbomwakalinga kulyaabo, bamuteya koose. Mwebo akwishibawobo napaceyi.”