Jelemiya 3:21 - Baibo Busansulushi Bwa Libuku Ili

²¹ Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Jelemiya 3:21 Marejeleo ya Msalaba

Jobo 33:27

Pesule muntu uyu ndyaambila bantu ayi, ‘Nebo ndakabisha. Ndakaalilwa kukonkela shintu shiluleme. Sombi alakwe Lesa taakwe kumpa mulandu weelete.

Tushimpi 10:9

Muntu ushomeka uleenda cakubula kulisukama, sombi uyo ucite nshila shipilingene, ulaakushibikwa.

Tushimpi 19:3

Muntu ulalinyonyoosha kubuluya bwakwe mwiine, sombi moyo wakwe ulakalalila Mwaami Lesa.

Isaya 15:2

Bantu bamundabala ya Diboni baya kuŋanda ya lesa wabo. Ee, kumisena yakulambililaako balesa babo kuya mukulila. Bene Moabu abo batoolila ndabala ya Nebo aMedeba. Mutwi wa muntu womwi awomwi wakululwa ashalo ndesu sha basankwa boonse shaceswa.

Isaya 17:10

Nobene Isilaeli, ncakwiila mwaluba Lesa wanu uyo wakamufuna ee, mwaluba Mwaandami wanu umutabilila. Mulashanga amyuunda isalalite ayi munoolambililamo balesa banu. Paceebo ceeco nabi mukashange shishango shibotu buyani, ee, nabi mukashange minyansa yakuula kuswa kucishi cimwi,

Isaya 57:11

Ono Mwaami Lesa waamba ayi, “Anu mbalesanshi abo bamulenga boowa cakwaamba ayi nebo kamumbeca akundubililaakobo limwi? Sa nceebo cakwaamba ayi ndoomuna bunene ncemwacilekela kunoonda?

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 13:25

Ici nceshi cikacitike kuli ndimwe. Cilaakuba ncecipansha nceshi nkamupe mukwiinga mwebo mwakanduba akucinka manungo mubalesa babubeshi.

Jelemiya 18:15

Nakubi boobo bantu bangu nebo banduba. Balatentela shibumbwabumbwa shitacite ncito tununkila kabotu. Shibumbwabumbwa isho shakabalengesha kulisuntula munshila shabo akuleka kweendela munshila shikulukulu. Shalo shakabalengesha kweendela mutushilambali amunshila shitana kweepwa.

Jelemiya 2:32

Sa mooye inga waluba shakulibotesha shakwe? Sa nabwiinga inga walubako lilaaya lyakwe lya pabwiinga? Sombi nebo bantu bangu bakanduba kwa ciindi cilaamfu, ee, kwanshiku shitakoonshi kubelengekwa.

Jelemiya 3:2

Amulange peculu lya tulundu tutacite bwiisu mubone. Sa kuliwo pakacaala mpomutana kutacitilawo bufuule? Mwakalinga kunookala mweela nshila kulindilila basankwa bweenka mbuli bucita muAlabu muluyanga. Aboobo mwalengesha cishi kutanoosalalite ceebo ca bufuule abubi bwanu.

Jelemiya 31:9

Balaakunoosa bulila alimwi balaakunoosa bupaila ndaakunoobaboosha. Ndaakubatanjilila mweela milonga ya maanshi, munshila ibotu umo mobatakoonshi kulisuntula. Ndaakucita boobo ceebo ndi anga ngumushali musankwa kubene Isilaeli alimwi bene Efuleemu bali anga ngumwanaangu musankwa wakwiiya.

Jelemiya 7:29

“Amucese misusu yanu mwiisoowe. Amwiimbe lwiimbo lwakulila pakalundu katacitewo bwiisu ceebo nebo neMwaami Lesa ndakalala abuumbi akumukaka mwebo nobamulunyungu lwa bantu bangu.”

Esekelo 23:35

Mwaami Lesa Shinkusu shoonse waamba ayi, “Ono ceebo ca kundubaako akumfutatila ulaakupenga ceebo ca lunkumbwa abufuule bwako.”

Esekelo 7:16

Boonse abo beshi bakapuluke akuloboka balaakuya kutulundu uko nkweshi bakanoolila buumba anga nimpolobe bamushinyika. Muntu womwi awomwi ulaakunoolila ceebo ca shibiibi shakwe.

Osiya 13:6

Ndindakamusanina mucishi cibotu mwakalinga kukuta. Ono ingayi mutalike kukuta mwakalisumpula. Lyalo nebo mwakandubaako.

Osiya 8:14

Bene Isilaeli bakaluba Mulengi wabo akuliyakila maanda a bwaami. Abalo bene Juda bakayaka mandabala aanji acite malinga. Sombi ndaakutuma mulilo pamandabala abo anene uyo weshi ukanyonyoole shiyubilo shabo.”

Mika 3:9

Amukutike mwebo nobamatanjilili ba bamulunyungu lwakwe Jakobo, ee, mwebo nobaleli ba bene Isilaeli. Amukutike mwebo nomupatite koombolosha cakutanyengelela akusandula shiluleme kuba shitaluleme.

Shakubelenga 22:32

Mpomunyaawo munjelo wakamwiipusha ayi, “Nciinshi ncewoomina bobulya mbongolo yako mankanda otatwe? Nebo ndesa mukukushinkila ceebo lweendo lwako ulu lwambicila.

2 Bene Kolinto 7:10

Mukwiinga buumba busangalasha Lesa bulalengesha moyo kusandukila kuli nguwe akuleta lupulusho. Ncakwiila tacipiwo nsoni! Sombi buumba buswa kubuumi bwa buntu bulaleta lufu.