Jelemiya 3:20 - Baibo Busansulushi Bwa Libuku Ili

²⁰ Sombi bweenka mbuli mwanakashi utashomeki kuli ibaye, mbweeke ubo amwebo mbomutashomeki kuli ndime mwebo nobene Isilaeli. Nebo neMwaami Lesa ndaamba.”

Jelemiya 3:20 Marejeleo ya Msalaba

Isaya 24:16

Kuswa kushishi sha kulaale tutoonyumfwa lwiimbo lwakwaamba ayi, “Amulemeke wooyo Ululeme.” Sombi nebo ndaamba ayi, “Ndamanaawo! Ndamanaawo! Mapensho kuli ndime! Beshikwaaba babyaabo baciyabo kunembo, bubeshi bwabo tabutooboolawo pesule!”

Isaya 48:8

Tamuna kushinyumfwaawo nabi kushishibisha kuswabo lili alili. Ncakwiila kuswabo kale kale matwi akalinga kushinkite. Kutashomeka kwanu nebo ndikwishi, kuswabo ndimwakashalwa balamwaamba bwaashu.

Jelemiya 12:1

Nobaami baLesa, mwebo muliluleme ciindi coonse na ndaleta mulandu pameenso anu. Sombi nacibi boobo ntoobandikaanu pacikani cakoombolosha kwanu kwakutanyengelela. Ino ceebonshi nshila sha bamucita shibi shilaswitilila? Ceebonshi bantu batashomeki boonse balekala cakuliiba?

Jelemiya 5:11

Bene Isilaeli abene Juda bakaalililabo kushomeka kuli ndime. Nebo neMwaami Lesa ndaamba.”

Osiya 3:1

Mwaami Lesa wakandwiita ayi, “Koya ukatondeshe lusuno kumukaako alimwi, nabi utoocita bulale ausunikwi wakwe. Ulyeelete kumusuna bweenka nebo neMwaami Lesa mboonsuni bene Isilaeli nabi basandukila kubalesa bamwi akunootola shipo sha minyansa yakuyanika kushibumbwabumbwa.”

Osiya 5:7

Bantu abo tabashomeki kuli ndime neMwaami Lesa abalo bana babo teshi baangu. Aboobo balo balaakunyonyoolwa pantu pomwi amyuunda yabo pakusekelela kwa Mweenshi Upya.

Osiya 6:7

Ono mwebo mwapwaya cipangano bweenka bwakapwaya Adamu.

Malaki 2:11

Bene Juda tabakwe kucita kweelana ambobakalasha Lesa. Sombi bakacita cintu cilensha nsoni muJelusalemu amucishi ca Isilaeli coonse. Babisha Ŋanda ya Mwaami Lesa iyo njaasuni ceebo basankwa baleeba banakashi balambila balesa ba mishobo imwi.