Jelemiya 29:23 - Baibo Busansulushi Bwa Libuku Ili

²³ Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Jelemiya 29:23 Marejeleo ya Msalaba

Matalikilo 31:50

Labani wakatolelela akwaamba ayi, “Na ukalele bana bangu aba calunkutwe, nabi kweeba abamwi banakashi, nakubi kwaamba ayi ndabula kwiishiba mbowacita, ibaluka ayi Lesa ulitubwene.

Matalikilo 34:7

Lyalo bakapolenshanyabo abana bakwe Jakobo basankwa kabaswa mumyuunda. Ndibakacinyumfwa cikani ico, bakakankamana akukalala abuumbi pacintu cakacita Shekemu, ico cilensha nsoni kubene Isilaeli, ndyaakacata mwanaakwe Jakobo akukumanaakwe.

2 Samwelo 13:12

Sombi Tama wakaamba ayi, “Sobwe onandumi yangu! Utankakatishi kucita boobo. Cintu ca mushobo uyu taceelete kucitika mucishi ca Isilaeli! Utaciti cintu cibiibi bobulya.

Tushimpi 5:21

Mwaami Lesa lakwe ulabona shoonse shicita muntu. Nshila shakwe shoonse lakwe ulishibwene.

Jelemiya 13:27

Micito yanu ifundoosha kumoyo njemucita patulundu amumyuunda ndiibwene. Nkokwaamba ayi mulacita bulale alunkumbwa lwa pabamuka babyaanu. Mapensho kuli ndimwe nobene Jelusalemu! Citooba ciindi cilaamfu buyani kamutasalalite?”

Jelemiya 16:17

Nshila shabo shoonse ndishibwene. Shilibo patuba kuli ndime alimwi taaku shibiibi shabo shiyubite pameenso angu.

Jelemiya 23:14

Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Jelemiya 23:16

Mwaami Lesa Shinkusu shoonse waambila bene Jelusalemu ayi, “Mutanookutika sheesho shimulalukila balaluki mukwiinga balamulengesha kuba akulangila kwa bubeshi. Balaambabo sha mumitwi yabo beene kuteshi shiswa mumulomo wangu neMwaami Lesa.

Jelemiya 23:21

Nebo nshikwe kutumaawo balaluki aba, nakubi boobo bakalitumabo beene beenka. Nshikwe kubandikaabo, nakubi boobo balo bakalaluka.

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Jelemiya 29:31

“Tuma makani kubantu boonse bali mubusha akwaamba ayi nebo neMwaami Lesa pali Shemaya mwine Neelamu ndaamba ayi, ‘Ono ceebo cakwaamba ayi Shemaya wakamulalukila nakubi kwaamba ayi nshikwe kumutuma akumulengesha kushoma shabubeshi,

Jelemiya 5:8

Balibo anga ndiaki lisankwa lilya kabotu lisunishi kutanta. Ncakwiila womwi awomwi ulakumbwa muka mubye.

Jelemiya 7:11

Sa Ŋanda yangu ino mwayaalula yaba momwakuyubila beepi? Sombi nebo ndishibwene nshemutoocita! Nebo neMwaami Lesa ndaamba.

Esekelo 35:13

Mwakalinga kuntwaangila akwaamba makani abiibi pali ndime kwakutalitibuka, nebo nemwiine kaandinyumfwila.’ ”

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Malaki 2:14

Lyalo muleepusha ayi, “Ino nceebonshi?” Mwaami Lesa taitambuli mukwiinga ngokamboni pali ndiwe alimwi amukaako wakubwanike, ceebo tookwe kucita kweelana ambowakamulasha. Wakacita boobo nacibi kwaamba ayi wakalinga mukaako kweelana acipangano ca cikwati.

Malaki 3:5

Mwaami Lesa Shinkusu shoonse utokwaamba ayi, “Ndaakwisa pakati kanu cakutasowa ciindi mukoombolosha. Ndaakushinina beshimampelampela, beshibulale, beshikupa bukamboni bwakubeca, banyengelela beshincito pamaali ngobafola, abaabo banyengelela bamukalubinje banakashi, bana banshiwa alimwi abaswamashi. Nkokwaamba ayi ndaakushinina boonse batandemeki.

Bene Ebulu 4:13

Taaku cintu nabi comwi cishisitwe pameenso akwe Lesa, sombi shoonse shilengwa ulashibona bweenka mbuli mboshibete alimwi nkuli nguwe nkotweelete kusansulwita shoonse nshetwakacita.

Ciyubululo 1:5

Alakwe Jesu Klistu amupe luse aluumuno. Lakwe ngokamboni ushomeka, ngowakataanguna kubushikwa kuswa kubafu alimwi ngomweendeleshi wa bamaami boonse ba mucishi ca panshi. Jesu Klistu ulitusuni alimwi kwiinda mulufu ndwaakalibenga, wakatwaangulula kuswa kushibiibi shesu shoonse.

Ciyubululo 3:14

“Mutanjilili wa kucoonde ca kuLawodisiya umulembele ayi, “Aya ngamakani aamba wooyo uli ngoAmeni, kamboni ushomeka alimwi wancinencine. Ngomatalikilo a shintu shoonse Lesa nshaakalenga.

Boomboloshi 11:10

Abalo bakakumbula ayi, “Ee, Mwaami Lesa ngokamboni wesu. Tulaakucita kweelana ambowaamba.”