Jelemiya 29:14 - Baibo Busansulushi Bwa Libuku Ili

¹⁴ Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 29:14 Marejeleo ya Msalaba

1 Makani 28:9

Lyalo Defedi wakaambila Solomoni ayi, “Ono webo omwanaangu, ndakukonkomesha kwaamba ayi unoonyumfwila Lesa wa baiso akumulambila camoyo woonse amiyeeyo yoonse. Ceebo Mwaami Lesa ulishi miyeeyo yesu yoonse acitulengesha kuyeeya boobo. Na wasandukila kuli nguwe, ulaakukutambula, sombi na ukamufutatile, ulaakukusuula kwalyoonse alyoonse.

Kulumbaisha 126:1

Mwaami Lesa ndyaakatupilusha kuJelusalemu, twakalinga twabonabo anga muciloto.

Kulumbaisha 126:4

Nobaami baLesa amutulengeshe kuswitilila alimwi bweenka mfula mboileta maanshi mutulonga twa muluyanga.

Kulumbaisha 32:6

Paceebo ceeco bantu banu boonse balyeelete kupaila kuli ndimwe ndimucikumbula. Ncakwiila mapensho aakusefuka anga ngamaanshi mumulonga, teshi akabashikile.

Kulumbaisha 46:1

Lesa nceciyubilo cesu alimwi ngootupa nkusu, ulilibambite kutucafwa lyoonse ndituba mumapensho.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Isaya 43:5

Mutabi aboowa, ndi amwebo! Ndaakuleta bamulunyungu lwanu kuswa kushishi sha kwicwe alimwi ndaakuyobolola boonse bali kushishi sha kumbo.

Isaya 43:6

Ndaakwaambila shishi sha kumatwa ayi, ‘Amubaleeke ono!’ Ashalo shishi sha kumalenge ayi, ‘Mutababililishi.’ Bana bangu basankwa ababoole kumishaabo kuswa kushishi sha kulaale. Abalo bana bangu banakashi ababoole kuswa kweela cishi kwiine.

Isaya 45:19

Ndakaambilabo limwi cakutashisa. Nshikwe kwaambila mucishi cicitebo munshinshe. Nshikwe kwaambila bamulunyungu lwakwe Jakobo ayi banoonangoola cakubula kumucana. Nebo neMwaami Lesa ndaamba lushinisho alimwi ndaamba shintu shiluleme.”

Isaya 55:6

Amulangoole Mwaami Lesa kaacicanika. Amupaile kuli nguwe cino ciindi kaacili pafwaafwi.

Jelemiya 12:15

Sombi pesule lyakumana kubatupoola ndaakubanyumfwila nkumbu akuboosha mushobo womwi awomwi mucishi ca nguwo.

Jelemiya 3:14

Mwaami Lesa waamba ayi, “Amupiluke, mwebo nobantu batashomeki ceebo nebo ndime ibaanu. Ndaakusala womwi womwi kuswa mumandabala oonse akusala bobilo bobilo kuswa mushipani shanu shoonse kwaamba ayi nkamubooshe kuKalundu ka Siyoni.

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 30:18

Mwaami Lesa waamba ayi, “Ndaakuboosha bamulunyungu lwakwe Jakobo kucishi cabo. Ndaakunyumfwila nkumbu bamumaandaabo boonse. Ndabala ya Jelusalemu ilaakuyakwa alimwi pamatongo a njiyo. Ayalo ŋanda ya bwaami ilaakuyakwa peenka mpoyakalinga.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 31:16

Ono Mwaami Lesa waamba ayi, “Cileke kulila akukunkumuna minsonshi yako. Mulimo ngowakacita pabana bako ulaakulambulwa. Boonse balaakuboola kuswa kucishi ca balwani bako.

Jelemiya 31:17

Aboobo kulangila buumi kuya kunembo nkokuli. Bana bako balaakuboola kucishi cine mishaabo. Nebo neMwaami Lesa ndaamba.

Jelemiya 31:23

Mwaami Lesa Shinkusu shoonse, Lesa wa bene Isilaeli waamba ayi, “Ndaakumana kubaboosha kuswa mubusha, bantu ba mucishi ca Juda amumandabala a njiyo balaakutalika alimwi kusebensesha maswi akwaamba ayi, ‘Mwaami Lesa aakupe coolwe, webo Omusena ululeme wa Jelusalemu. Aape coolwe kuli ndiwe Okalundu kasalalite.’

Jelemiya 51:10

Bene Isilaeli bakaamba ayi, “Mwaami Lesa watula patuba kululama kwesu, amwise tuye twaambilishe muSiyoni isho Mwaami Lesa, Lesa wesu nshaatucitila.”

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Esekelo 37:21

akubaambila ayi nebo neMwaami Lesa Shinkusu shoonse ndaamba ayi, Ndaakukusha bene Isilaeli kuswa mumishobo iyo njebakaya mukwikalaako mumbasu shone shoonse sha cishi ca panshi akubaboosha mucishi cine mishaabo.

Esekelo 39:25

Mwaami Lesa Shinkusu shoonse wakaamba ayi, “Ono bulya ndaakuboosha bamulunyungu lwakwe Jakobo kuswa mubusha. Ncakwiila ndaakufwita nkumbu bantu bangu bene Isilaeli boonse. Liina lyangu lisalalite ndaakulitabilila.

Amosi 9:14

Ndaakuboosha bantu bangu bene Isilaeli abo bakatolwa busha. Balaakuyakulula mandabala oonse akanyonyoolwa akwikala muli ngawo. Balaakulima myuunda ya minyansa akunwa waini weshi ukanooswa muli njiyo. Ncakwiila balaakunoolima myuunda ya shisepo akulya shisepo sha njiyo beene.

Mika 4:12

Sombi tabeshi miyeeyo ya Mwaami Lesa, ncakwiila tabanyumfwishi muyeeyo wa wooyo ubabunganya anga ngamakunka kumusena wakulupwitaawo.

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”

Bene Loma 10:20

Lesa wakaamba alimwi cankusu kwiinda muli Isaya ayi, “Nebo bakancana, mbantu batakalinga kunyandoola, ndakaboneka kubantu batakalinga kunsenga ayi bamboone.”

Dutolonomi 30:1

“Ono ntoomulwiita ayi cili kuli ndimwe nobeene kusala coolwe nabi mashingo. Na shoonse ishi shikamucitikile pakati ka mishobo iyo Mwaami Lesa, Lesa wanu nkweshi akamupalanganishishe, mulaakwiibaluka shakusala nshentoomulwiita.

Dutolonomi 30:3

lyalo Mwaami Lesa, Lesa wanu ulaakumunyumfwila nkumbu. Ulaakumukusha kuswa mumishobo iyo njaakapalanganya akumulengesha ayi mube ashoolwe alimwi.

Dutolonomi 30:5

ayi mukabwese cishi umo mwakalinga bamashali banu bakulukulu. Ulaakumupa coolwe alimwi akumufusha kwiinda bwakalinga bamashali banu bakulukulu.

Dutolonomi 4:7

“Taaku mushobo aumwi nabi ngunene buyani, ucite lesa uli pafwaafwi bobulya paciindi coonse nceenga kamumusuni mbuli Mwaami Lesa, Lesa wesu. Ulatucafwa munshila shili shoonse kulilabo twamusenga.