Jelemiya 27:5 - Baibo Busansulushi Bwa Libuku Ili

⁵ “Ndakalenga cishi ca panshi, bantu abanyama bekalaamo kwiinda munkusu shangu shinene abuumbi alimwi alyaansa lyangu lifungulukite. Cishi ici ndakonsha kucipa kumuntu uli woonse ngondasala.

Jelemiya 27:5 Marejeleo ya Msalaba

Matalikilo 1:25

Lesa wakalenga banyama bamuluundu, womwi awomwi kweelana amushobo wakwe, banyama bafubwa kweelana amishobo yabo ashilongolo shinene atuniini sheenda panshi kweelana amishobo ya nshisho. Mpeeke Lesa wakabona kwaamba ayi shintu ishi nshibotu.

Matalikilo 9:6

Muntu wakalengwa mucikoshanyo cangu, aboobo muntu uli woonse ucaya umwi, alakwe muntunyina ulaakumucaya.

1 Baami 8:42

mukwiinga bantu balaakunyumfwa mpuwo yanu ashintu shinene isho nshemwakacita kubantu banu,

Esila 1:2

Wakalemba ayi, “Uku nkokwaamba kwangu nebo neSailasi mwaami wa bene Pesha. Mwaami Lesa, Lesa wa kwiculu, wampa nkusu shakulela cishi ca panshi coonse alimwi ashakuyaka Ŋanda yakwe muJelusalemu mucishi ca Juda.

Neyemiya 9:22

“Mwakabapa malelo amishobo, ee, mishobo iyo njebakalinga kubaanaayo manyinsa. Bakabwesa cishi cakwe Sioni mwaami wa kuEshiboni alimwi acakwe Ogi mwaami wa kuBashani.

Kulumbaisha 102:25

Kumatalikilo mwakakaba lwiimbi lwa cishi ca panshi, alyalo liculu ngumulimo wa maansaanu.

Kulumbaisha 96:5

Balesa ba mishobo imwi yoonse nshibumbwabumbwabo, sombi Mwaami Lesa ngowakalenga liculu.

Kulonga 20:11

Munshiku shosanwe abomwi, nebo neMwaami Lesa ndakalenga cishi ca panshi, liculu, lweenge alimwi ashintu shoonse shili muli nshisho. Sombi pabushiku bwasanu ashobilo ndakookesha. Nceceeco nebo neMwaami Lesa, ncendakapeta coolwe bushiku bwakookesha bwa Cibelu akubusalasha.

Kulonga 6:6

Paceebo ceeci lwiita bene Isilaeli ayi, ‘Nebo ndime Mwaami Lesa, alimwi ndaakumufuna akumwaangulula mubusha mbomubeteemo kubene Ijipiti. Ndaakutambika lyaansa lyangu lya nkusu pali mbabo mukubapa mulandu unene abuumbi. Mwebo ndaakumupulusha.

Isaya 42:5

Lesa, ee, Mwaami Lesa uyo wakalenga liculu akulifungulula, wakalenga cishi ca panshi ashoonse shiliimo, uyo wakapa buumi kubantu baliimo akubapa muuya, waamba ayi,

Isaya 44:24

Ono Mwaami Lesa, Mupulushi wanu uyo wakamubumba mumala mubamanyinawanu, waamba ayi, “Ndime Mwaami Lesa uyo wakapanga shintu shoonse. uyo wakatandabika liculu eenka akuyala cishi ca panshi coonse kwakubula auncafwa.

Isaya 45:12

Ndime ndakalenga cishi ca panshi akulenga bantu bekalaamo. Ngamaansaangu nemwiine akafungulula liculu alimwi ndime nyendelesha makoto makoto anyenyeenshi ashimwi shiliimo.

Isaya 48:13

Lwiimbi lwa cishi ca panshi ndakalupanga amaansaangu. Ndime ndakafungulula liculu kwaamba ayi likwane koonse. Na liculu nabi cishi ca panshi ndashiita shilesa mpomunyaawo kunembo lyangu.

Isaya 51:13

cakwaamba ayi mulube ndime neMwaami Lesa, uyo wakamulenga? Nebo neMwaami Lesa ndime ndakafungulula liculu akuyaka lwiimbi lwa cishi ca panshi. Ceebonshi mutookala aboowa lyoonse kuloonda bukali bwa baabo bamulyatilila alimwi balibambite kumunyonyoola? Bukali bwabo bulya tabukoonshi kushika pali ndimwe.

Jelemiya 27:4

Lyalo Mwaami Lesa Shinkusu shoonse, Lesa wa bene Isilaeli wakaŋambila kulwiita bantu abo ayi abalo balwiite bamaami babo inkombe yakaswa kuli nguwe ayi,

Jelemiya 32:17

“NoBaami baLesa, mwakalenga cishi ca panshi aliculu munkusu shanu shinene. Ncakwiila taaku cintu ciyumu kuli ndimwe.

Jelemiya 51:15

Mwaami Lesa wakalenga cishi ca panshi kwiinda munkusu shakwe. Wakalenga cishi mubusongo bwakwe akufungulula liculu kwiinda mumaano akwe akunyumfwisha shintu.

Danyelo 2:38

Wakamulengesha kuba muleli wa bantu boonse, banyama alimwi abayuni boonse. Anu mutwi wa golodi uleemikanina ndimwe.

Danyelo 4:14

Shinkombe uyo wakoolobesha ayi, ‘Amutimbule cisamu ico, amusaboole misampi ya ncinco, amucipulule matewu akusoweela shisepo sha ncico. Amulengeshe banyama kucica kuswa munshaancico alimwi abayuni kuulukaamo.

Danyelo 4:17

Beshinkombe basalalite mbobaambilisha kupingula uko kwaamba ayi bantu boomi boonse beshibe ayi Mwaami Lesa Shinkusu shoonse ngoocite nkusu pamalelo a bantu alimwi ngooapa kubantu bali boonse mbwaasuni. Ncakwiila ulapa bantu balibombya kweendelesha malelo ayo.’

Danyelo 4:22

mwebo nobaami ndimwe cisamu ico! Mwebo mwasumpuka akushimpa. Kusumpuka kwanu kwatolelela cakushikabo amwiculu mwiine alimwi bwaami bwanu bulikumenebo cishi ca panshi coonse.

Danyelo 4:25

Mulaakutandaanishikwa kuswa pakati ka bantu akuya mukwikala abanyama bamuluundu. Mulaakunoolya bwiisu anga niŋombe alimwi mume kuswa kwiculu ulaakunoomutontosha. Cilaakuba boobo kushikila myaaka yosanwe amyaaka yobilo ikeende. Kuswawaawo ndyeshi mukasumine ayi Mwaami Lesa wa kwiculu Wiindaawo ngomwaami pamalelo a bantu alimwi ngooapa kubantu abo mbwaasuni.

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Milimo ya Batumwi 14:15

“Mutoocitilanshi bobulya? Swebo tuli bantubo bweenka mbuli ndimwe. Twakesa mukumushimikila Makani Abotu kwaamba ayi musanduke kuswa kushintu sha mushobo wooyu shitaaku mboshibete, akusandukila kuli Lesa muumi uyo wakalenga liculu, cishi ca panshi alweenge alimwi ashintu shoonse shili muli nshisho.

Milimo ya Batumwi 17:24

Lesa uyo wakalenga cishi ashintu shoonse shiliimo, ngoMwaami weendelesha kwiculu acishi ca panshi. Aboobo taakali mumaanda akayaka bantu, sobwe.

Milimo ya Batumwi 17:26

Kuswa mumuntu womwi ngwaakalenga, mwakaswa mishobo yoonse ya bantu akubakalika mucishi coonse ca panshi. Lakwe mwiine kaatana kubalenga, wakabaambila limwi ciindi alimwi amusena nkweshi bakekaale.

Dutolonomi 2:19

Lyalo mutooba pafwaafwi acishi ca bene Amoli. Mutabapenshi nabi kubasumuna lwa nkondo, ceebo teshi nkamupeewo musena nauceyi mucishi cabo. Cishi ico ndakacipa bamulunyungu lwakwe Loti.’ ”

Dutolonomi 2:21

Abalo bakalinga balaamfu anga mbaAnakimu. Bakalinga baanji alimwi bakalinga lusubo lwa nkusu. Sombi Mwaami Lesa wakabanyonyoola kunembo lya bene Amoni abo bakabatanda mucishi cabo akwikalaamo mbabo.

Dutolonomi 2:7

“Amwiibaluke Mwaami Lesa mbwaamupa coolwe mushintu shoonse nshemwakacita. Wakamulama ndimwakalinga kwiingooka muluyanga ulu lutabwenekete ankolweela. Wakalingaanu myaaka yoonse makumi one alimwi shoonse shakalinga kuyandika, mwakabaasho.

Dutolonomi 2:9

Mwaami Lesa wakaŋambila ayi, ‘Mutakapenshi bene Moabu, bamulunyungu lwakwe Loti, nabi kubasumuna lwa nkondo. Ndakabapa ndabala inene ya Ali, alimwi teshi nkamupeewo musena nauceyi mucishi cabo.’ ”

Dutolonomi 32:8

Lesa wakwiculu Wiindaawo ndyaakapa mishobo shishi ayi nshinebo, ndyaakapansaanya bantu boonse, wakabika manyinsa pakati kabo kweelana akufula kwa bana bakwe Isilaeli.

Dutolonomi 4:17

munyama nabi muyuni,

Dutolonomi 4:25

“Na mukekaale ciindi cilaamfu mucishi cilya, mwaakuba abaana alimwi abashikulu, mutakabishi kwiinda mukulipangila cibumbwabumbwa mumushobo uli woonse. Ici mbubi pameenso aMwaami Lesa alimwi cilaakumukalasha.

Dutolonomi 4:32

“Ono amuyeeye kukalekale, ciindi mwebo kamutana kushalwa, kuyabo akuciindi Lesa ndyaakalenga muntu pacishi ca panshi. Muyeeye cishi ca panshi coonse. Sa kuliiwo cintu cinene cakacitikawo kale mbuli ceeci? Sa kuliiwo muntu wakanyumfwaawo cintu ca mushobo uyu?

Dutolonomi 4:35

Mwaami Lesa wakamutondesha shintu shoonse ishi kumwishibisha ayi lakwebo eenka ngoLesa alimwi taaku aumwi.

Dutolonomi 5:16

“ ‘Lemeka baiso abanyoko kweelana ambondakaamba nebo neMwaami Lesa, Lesa wanu ayi shintu shoonse shikakweendele kabotu alimwi ayi ukekale nshiku shiinji mucishi ico nebo neMwaami Lesa nceshi nkakupe.

Dutolonomi 9:29

Nakubi boobo aba mbobantu mbomwakasala nobeene kuba baanu alimwi mbomwakakusha muIjipiti kwiinda munkusu shanu shinene.’

Bene Kolose 1:16

Mukwiinga kwiinda muli nguwe, Lesa wakalenga shintu shoonse, sha kwiculu alimwi asha mucishi ca panshi, shiboneka ashitaboneki, nkusu sha baanjelo, bamaami, beendeleshi alimwi abamaloba. Lesa wakalenga shoonse kwiinda muli nguwe akwaamba ayi akanoosheendelesha.

Bene Ebulu 1:2

Sombi munshiku shino shakweelaako, ulaamba kuli ndiswe kwiinda muMwanaakwe. Muli nguwe Lesa wakalenga cishi alimwi ngonguwe ngwaakasala kuba mwine shintu shoonse.

Ciyubululo 4:11

“NoBaami baLesa, baLesa besu, mulyeelete kupekwa bulemu, mucinshi, alimwi ankusu mukwiinga ndimwe mwakalenga shintu shoonse. Ncakwiila kwiinda mukuyanda kwanu shoonse shakaba bweenka mboshibete alimwi shakaba abuumi.”