Jelemiya 26:24 - Baibo Busansulushi Bwa Libuku Ili

²⁴ Sombi Aikamu mwanaakwe Shafani wakalinga kulubasu lwangu, aboobo nshikwe kupekwa mumaansa a bantu ayi ncaikwe.

Jelemiya 26:24 Marejeleo ya Msalaba

1 Baami 18:4

Paciindi Jesebelo ndyaakalinga kucaya balaluki ba Mwaami Lesa, Obadiya wakashisa balaluki bakalinga mwaanda mushimfwengo shobilo. Mucimfwengo comwi amomwi kamuli bantu makumi osanwe, osanwe. Balaluki abo wakalinga kubapa shakulya amaanshi.

2 Baami 25:22

Lyalo Nebukadinesa mwaami wa bene Babiloni wakasala Gedaliya mwanaakwe Aikamu mwishikulu wakwe Shafani kuba mweendeleshi wa baabo bakacaala muJuda.

2 Makani 34:20

Lyalo wakaambila Ilikiya mupailishi, Ayikamu mwanaakwe wakwe Shafani musankwa, Akibo mwanaakwe Mikaya, Shafani mulembi alimwi akuli Asaya shikucafwa mwaami ayi,

Jelemiya 29:3

Nkalata iyi ndakapa Elasa mwanaakwe Shafani aGemaliya mwanaakwe Ilikiya abo Sedekiya mwaami wa bene Juda mbwaakatuma kuBabiloni kumwaami Nebukadinesa. Nkalata iyo yakalinga kwaamba ayi,

Jelemiya 36:10

Lyalo bantu boonse kabanyumfwite, Baluki wakabelenga pacakulembelaawo shoonse isho nshendakamulwiita. Maswi aya wakaabelengela muŊanda yakwe Lesa, kaali mucipinda cakwe Gemaliya mwanaakwe Shafani uyo wakalinga mulembi wa kubwalo. Cipinda cakwe ico cakalinga palubansa lwa peculu pafwaafwi akuMwinjililo Upya wa kuŊanda yakwe Lesa.

Jelemiya 36:11

Mpeeke Mikaya mwanaakwe Gemaliya mwishikulu wakwe Shafani wakanyumfwa Baluki kaabelenga isho shakaamba Mwaami Lesa shakalinga kulembetwe pacakulembelaawo.

Jelemiya 36:12

Lyalo wakaya kuŋanda ya bwaami, kucipinda ca mulembi wa kubwalo uko kwakalinga bacinenenene boonse. Nkokwaamba ayi Elishama mulembi wa kubwalo, Delaya mwanaakwe Shemaya, Elinatani mwanaakwe Akibo, Gemaliya mwanaakwe Shafani, Sedekiya mwanaakwe Ananiya abacinenenene bamwi boonse nkobakalinga.

Jelemiya 36:19

Lyalo bacinenenene bakaambila Baluki ayi, “Webo aJelemiya mulyeelete kuya mukuyuba. Kutabi muntu nabi womwi weshi eshibe nkomubete.”

Jelemiya 36:26

Mpomunyaawo mwaami wakaambila Jelamelo mwanaakwe, Selaya mwanaakwe Asilyelo aShelemiya mwanaakwe Abidelo kuya mukucata Baluki mulembi wangu anebo neJelemiya. Sombi Mwaami Lesa wakatushisa.

Jelemiya 39:14

bakatumya nkombe ayi nebo neJelemiya nkushikwe mulubansa lwa ŋanda ya bwaami. Bakambika mumaansaakwe Gedaliya mwanaakwe Aikamu, mwishikulu wakwe Shafani kwaamba ayi ambooshe kumisheesu. Aboobo ndakekala pakati ka bene misheesu.

Esekelo 8:11

Kunembo lya nshisho kwakalinga kwiimfwi bamaloba ba bene Isilaeli bali 70, kubikaawo aJaasaniya mwanaakwe Shafani. Womwi awomwi wakalinga kucite cakutentelawo tununkila kabotu mulyaansa lyakwe, kakusuntabo bwiishi bwa tununkila kabotu.

Milimo ya Batumwi 23:10

Makoto a bantu obilo ayo akaambana cankusu cakwaamba ayi Mutanjilili munene wa bashilumamba wakaloonda ayi batoocaya Paulo. Lyalo wakaambila bashilumamba bakwe ayi baye bamukushe mubantu akumutola mulilinga lyabo.

Milimo ya Batumwi 27:43

Sombi mutanjilili wa bashilumamba mwaanda wakalinga kusuni kupulusha Paulo. Paceebo ceeco wakabakasha kucita boobo. Mpomunyaawo wakaambila bakaili boonse bakalinga kucishi kusamba njabwe, ayi bataangune kuliwaala mumaanshi kwaamba ayi basambe baye kwitala.

Ciyubululo 12:16

Sombi cishi cakamucafwa mwanakashi uyo. Calo cakacaluka akumina maanshi oonse akaswa mumulomo wa shinshimwe uyo.