Jelemiya 26:18 - Baibo Busansulushi Bwa Libuku Ili

¹⁸ “Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 26:18 Marejeleo ya Msalaba

2 Baami 19:25

“ ‘Sa tookwe kunyumfwaawo? Sa tooshi ayi ici ndakacibambabo kale kale? Ncakwiila ici ndakalengesha ayi cicitike. Ndakakupa nkusu shakunyonyoola mandabala acite malinga kuba matongo.

2 Makani 32:26

Kuswawaawo Esekiya abantu ba muJelusalemu bakaliceesha. Lyalo bukali bwa Mwaami Lesa tabukwe kuseluka pali mbabo kushikila mwaami Esekiya ndyaakafwa.

Neyemiya 4:2

Lyalo wakaamba pameenso ababye abashilumamba bene Samaliya ayi, “Ino baJuda aba balefukite batoocitanshi? Sa batooyeeya kuyakulula lubumbu lwabo? Sa balo batooyeeya ayi inga bamanisha mulimo pabushiku bomwi kwiinda mukubenga milambu? Sa inga bapanga mabwe akuyakishako kuswa pamabwe aya akapwayoolwa akutentwa?”

Kulumbaisha 79:1

NobaLesa, baswamashi batulwana mucishi canu, babisha Ŋanda yanu Isalalite. Banyonyoola ndabala ya Jelusalemu.

Jelemiya 17:3

Buboni bwanu abubile bwanu boonse ndaakubuleka ayi bukasaalwe. Bulaakusaalwa pantu pomwi amisena yanu yakulambililaako ya patulundu ceebo ca shibiibi shanu shakacitwa mucishi canu coonse.

Jelemiya 51:37

Cishi ca Babiloni cilaakuba matongo umo mweshi mukanookalabo bamwaaba. Cilaakuba cintu ceelete kuloondwa akusekwa. Taaku muntu nabi womwi weshi akekaleemo.

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Mika 1:1

Paciindi ca bwaami bwakwe Jotamu, Aasi abwakwe Esekiya bamaami ba bene Juda. Mwaami Lesa wakaamba maswi aya kuli Mika uyo wakalinga kundabala ya Molesheti. Pabene Samaliya abene Jelusalemu, Mwaami Lesa wakayubulula shintu ishi mucili anga nciloto.

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Mika 4:1

Munshiku shakumamanino, kalundu ka Ŋanda ya Mwaami Lesa kalaakupusha nsonga indilila tulundu tumwi toonse. Kalaakusumpulwa kwiinda tulundu tumwi toonse, lyalo mishobo yoonse ilaakuwuumukila nkuko.

Sekaliya 8:3

“Ndaakuboola kuSiyoni alimwi akwikala muJelusalemu. Lyalo ndabala ya Jelusalemu ulaakunokwiitwa ayi, ‘Ndabala ya Lushinisho,’ akalo kalundu kangu nebo neMwaami Lesa Shinkusu shoonse kalaakunokwiitwa ayi, ‘Kalundu Kasalalite.’ ”