Jelemiya 25:9 - Baibo Busansulushi Bwa Libuku Ili

⁹ ndaakwiita bantu ba kumatwa amusebenshi wangu Nebukadinesa mwaami wa bene Babiloni. Ndaakubalengesha kulwana cishi ca Juda abantu boonse bekalaamo pantu pomwi amishobo yoonse ibashingulukite. Ndaakubanyonyoola cakumaninina akubalengesha kuba cintu ceelete kuloondwa, kushibulukwa alimwi akunyonyooka kwamuyayaya. Nebo neMwaami Lesa ndaamba.

Jelemiya 25:9 Marejeleo ya Msalaba

2 Baami 24:2

Kuswawaawo Mwaami Lesa wakatuma bashilumamba baanji bene Babiloni, Silya, Moabu alimwi abene Amoni mukulwana Jeoiyakimu. Wakacita boobo kwaamba ayi banyonyoole cishi ca Juda kweelana abwakaamba Mwaami Lesa kwiinda mubalaluki basebenshi bakwe.

2 Makani 29:8

Mpeeke bukali bwa Mwaami Lesa bwakaselukila bene Juda abene Jelusalemu. Isho nshaakacita pali mbabo shakakankamika akuyoosha bantu boonse. Cikani ici mwebo mulicishi kabotu.

2 Makani 36:21

Lyalo ico ncaakaamba Mwaami Lesa kwiinda mumulaluki Jelemiya cakacitika cancinencine. Jelemiya wakaamba ayi, “Cishi cilaakucaala mumatongo kwamyaaka makumi osanwe aobilo kwaamba ayi myaaka yasanu ayobilo yakookesha iyo njebatakwe kookesha ikwanine.”

Tushimpi 21:1

Moyo wa mwaami uli mumaansa a Mwaami Lesa. Uloolulamikabo bweenka mbwaalulamika kweenda kwa maanshi a mumulonga.

Isaya 10:5

Mwaami Lesa waamba ayi, “Mapensho kuli ndiwe Asilya! Ee, ndiwe nsebensesha anga nimpimfwa ya kuumisha baabo bankalasha.

Isaya 13:3

Nebo neMwaami Lesa ndaambila bantu bangu basalalite, ndeeta bashilumamba bangu kwaamba ayi babe cisebensesho ca bukali bwangu. Ncakwiila ayi banyonyoole bantu abo mbondafutatikila moyo.

Isaya 39:7

Bamulunyungu lwako bamwi, bulowa bwako omwiine, balaakubatola kuya mukuba basebenshi bakacaikwa lushalo muŋanda ya mwaami wa bene Babiloni.’ ”

Isaya 44:28

Ndime ŋamba pamwaami Sailasi ayi, ‘Ngumweembeshi wangu alimwi ulaakucita shoonse nsheensuni. Ncakwiila ngweshi akaambe pandabala ya Jelusalemu ayi ndabala inene ya Jelusalemu aiyakululwe alwalo lwiimbi lwa Ŋanda yakwe Lesa aluyakwe.’ ”

Jelemiya 1:14

Lyalo Mwaami Lesa wakakumbula ayi “Mapensho alaakuswa kumatwa akunyonyoola bantu boonse bekala mucishi cilya.

Jelemiya 1:15

Ntooyanda kwiita mishobo yoonse ya kumatwa. Bamaami babo balaakwisa akubika shuuna shabo sha bwaami kumanjililo akumilyango inene ya kuJelusalemu. Balaakushinguluka mumbu shakwe shoonse amandabala oonse a mucishi ca Juda.

Jelemiya 10:22

Amunyumfwe, kwesa nkombe ayi kutoosa shimfulunganya shinene abuumbi kuswa kucishi ca kumatwa. Likoto lya bashilumamba lya cishi ico lilaakulengesha mandabala a kuJuda kuba matongo umo mwikalabo bamwaaba.”

Jelemiya 12:14

Mwaami Lesa waamba ayi, “Ndicite makani akwaamba kubaabo bashingulukite cishi ca Isilaeli abo bakanyonyoola cishi ncendakapa bantu bangu. Ndaakubatupula kuswa mushishi shabo akutupulawo bene Juda pakati kabo.

Jelemiya 18:16

Cishi cabo cilaakunyonyoolwa. Cilaakuba cintu ceshi cikanoosekwa kwalyoonse alyoonse. Boonse beshi bakanokwiindila nkuko, balaakunookankamana alimwi akunoopukumunabo mitwi.

Jelemiya 2:15

Bamubulumina anga ninkalamu kumubulumina cabukali. Cishi cakwe bacilengesha kuba matongo, aalo mandabala akwe anyonyoolwa akushiyikwabo cisuukila.

Jelemiya 20:4

Ndacita boobo ceebo Mwaami Lesa waamba ayi, ‘Ndaakukulengesha kuba cintu cilensha boowa kuli ndiwe omwiine akubabyo boonse. Babyo balaakucaikwa munkondo kubalwani mumeenso ako. Ndaakwaaba bene Juda boonse mumaansa a mwaami wa kuBabiloni uyo weshi akabatole kuBabiloni nabi kubacaya munkondo.

Jelemiya 24:9

Ndaakubalengesha kuba bantu bapatitwe, batongoolwa kubamaami boonse ba mucishi. Balaakunoosekwa, kusebaanishikwa, kucobolwa akushinganwa kuli koonse uko nkweshi nkabatandile.

Jelemiya 25:8

“Paceebo ceeco Mwaami Lesa Shinkusu shoonse waamba ayi, ‘Ceebo tamukwe kunyumfwa maswi angu,

Jelemiya 29:18

Ndaakubatandaanya kunkondo, nsala amwaalu akubalengesha kupatwa kubwaami boonse bwa pacishi ca panshi. Lyalo balaakuba cintu ceelete kushinganwa, kuloondwa, kushibulukwa akusekwa pakati ka mishobo iyo njendakabatandilaako.

Jelemiya 35:11

Sombi ciindi Nebukadinesa mwaami wa bene Babiloni ndyaakalwana cishi cino, swebo twakaamba ayi, ‘Katiya kuJelusalemu tucice bashilumamba bene Babiloni abene Silya.’ Nceceeco ncetushiitile muJelusalemu.”

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 36:29

Ulwiite amwaami Jeoiyakimu ayi, ‘Wakatenta cakulembelaawo ico akwiipusha ayi ino webo wakalembelawonshi ayi mwaami wa bene Babiloni ulaakwisa mukunyonyoola cishi ici akucaya bantu boonse alimwi abanyama bekalaamo?

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 40:2

Ono mutanjilili wa beshikulindilila ndyaakancana wakaŋambila ayi, “Mwaami Lesa, Lesa wako wakaamba ayi mapensho aya acitike kumusena uno.

Jelemiya 43:10

Kuswawaawo mubaambile ayi nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ndaakwiita musebenshi wangu Nebukadinesa mwaami wa bene Babiloni alakwe ulaakubika cuuna cakwe ca bwaami pamabwe aya ngowafukila waawa. Lyalo ulaakwaafwekelesha atente yakwe ya bwaami.

Jelemiya 46:20

“Cishi ca Ijipiti ncibotubo anga nimpwishi yaana, sombi mpobe shitoosa mukwiiluma kuswa kumatwa.

Jelemiya 49:19

“Bweenka mbuli nkalamu itooswa mumasaka a kuJoodani akuya kumafulo abotu, mbweshi nkatandaanye abene Edomu kuswa kucishi cabo cakufwambaana. Lyalo mutanjilili uyo ngweshi nkasaale, ulaakweendelesha mushobo uyo. Ino ngani weelene andime uyo ukonsha kumpikisha? Anu ngumweembeshinshi uyo ukonsha kwiimikana kunembo lyangu?

Jelemiya 6:1

“Amucice kwaamba ayi mupuluke mwebo nobene Benjameni! Amucice muswe muJelusalemu! Amulishe lupeenga muTekowa! Amushimpike mbembela ya nkondo muBeti Akelemu ceebo mapensho atooswita kumatwa, ee, kunyonyoolwa kunene abuumbi.

Jelemiya 8:16

Kufoomashika kwa maaki a balwani besu kutoonyumfwika kuDani, acishi coonse catenkaana pakunyumfwa kulila kwa maaki aya. Balwani besa mukunyonyoola cishi ashintu shoonse shiliimo, ndabala inene abantu boonse bekalaamo.”

Esekelo 12:20

Mandabala anene ayo aswite bantu, alaakunyonyoolwa. Aboobo cishi cilaakuba luyanga. Lyalo ndyeshi bakeshibe ayi nebo ndi Mwaami Lesa.’ ”

Esekelo 16:40

Balaakukutambila bantu beshi bakakuume mabwe akukutimboola mutupanshapansha amipeeni yabo.

Esekelo 21:11

Mupeeni wafulwa kwaamba ayi unoolindilabo kusebenseshekwa. Wanonwa akufulwa kwaamba ayi upekwe mumaansa a shikucaya.

Esekelo 26:7

“Nebo neMwaami Lesa Shinkusu shoonse ndaamba ayi, ‘Kuswa kumatwa ndaakuleta Nebukadinesa mwaami wa bene Babiloni, mwaami wiinda bamaami boonse kwisa mukulwana Taya. Ulaakwisa amaaki ashikoci, bashilumamba beshikulwanina pamaaki alimwi alikoto linene lya bashilumamba.

Esekelo 36:5

“Nebo neMwaami Lesa Shinkusu shoonse ndaamba ayi, ‘Ntookalalila mishobo imwi yoonse mubukali bwangu buyoosha, bunene bunene kwaambila bene Edomu. Ntoocita boobo ceebo bakabwesa cishi cangu kwaamba ayi basaale mafulo a ncico cakusangalala amusebaanyo.’

Danyelo 5:18

“Nobaami, Lesa wa kwiculu Wiindaawo wakapa bashali banu baNebukadinesa bwaami, bulemu, nkusu abulemu bwa bulelo bwabo.

Abakuku 1:12

NoBaami baLesa kuswa kumatalikilo muli baLesa. Mwebo ndimwe baLesa bangu Basalalite batafwi. Mwebo noBaami baLesa ndimwe mwakasala bene Babiloni kwaamba ayi bese batupeenshe ceebo ca mulandu wesu. Ncakwiila mwebo noMwaandami wesu mwakababika ayi batwaanishe.

Abakuku 1:17

Sa bakanoosebensesha mipeeni yabo lyoonse alyoonse akunyonyoola mishobo ya bantu cakutabanyumfwila nkumbu?

Dutolonomi 28:37

Mumishobo yoonse umo Mwaami Lesa mweshi akamupalanganishishe, bantu balaakukankamana pakubona sheshi shikamucitikile. Balaakunoomuseka akumuweluluka.