Jelemiya 25:7 - Baibo Busansulushi Bwa Libuku Ili

⁷ “Sombi Mwaami Lesa waamba ayi, ‘Mwebo tamukwe kunyumfwilaawo nebo. Mwakasonkomona bukali bwangu kwiinda mukulambila shibumbwabumbwa nshemwakabumba amaansaanu.’

Jelemiya 25:7 Marejeleo ya Msalaba

2 Baami 17:17

Bakalinga kubenga bana babo basankwa abanakashi ayi njimilambu yakutenta, bakalinga kuya kubeshikusonda akubeshikulotela. Ncakwiila bakabika maano abo oonse kushintu shitacite ncito kumeenso a Mwaami Lesa. Paceebo ceeco bakasonkomona bukali bwakwe.

2 Baami 21:15

Ndaakucita boobo mukwiinga balambishisha akusonkomona bukali bwangu kuswa bushiku bamashali babo bakulukulu ndibakaswa muIjipiti kushikila asunu.”

2 Makani 24:19

Lyalo Mwaami Lesa wakatuma balaluki kwaamba ayi bacenjeshe bantu abo ayi baboolele kuli nguwe, sombi bantu abo tabakwe kubanyumfwila.

Neyemiya 9:26

“Nakubi boobo bakamubukila akukaka kumunyumfwila. Bakafutatila Milawo yanu. Bakacaya balaluki banu abo bakalinga kubacenjesha akubalwiita shakusandukila kuli ndimwe. Bakalinga kumucobola ciindi aciindi.

Tushimpi 8:36

Sombi uyo woonse utancaani, ulaliletela mapensho. Ncakwiila uyo woonse umpatite, ingayi ulisuni lufu.”

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 22:21

Ndakamucenjesha ndyemwatakalinga kucite cakulisukama, sombi mwebo mwakaamba ayi, “Swebo twakaaka.” Ubo mbobuumi bwanu kuswabo kale kale, ncakwiila tamunyumfwiliiwo napaceyi.

Jelemiya 25:8

“Paceebo ceeco Mwaami Lesa Shinkusu shoonse waamba ayi, ‘Ceebo tamukwe kunyumfwa maswi angu,

Jelemiya 29:19

Ndaakucita boobo ceebo cakwaamba ayi tabakwe kunyumfwa maswi ayo ngondakabatumina tubili tubili kwiinda mubasebenshi bangu balaluki. Nabi ndimwe nomwakaya mubusha tamukwe kunyumfwaawo, sobwe. Nebo neMwaami Lesa ndaamba.’

Jelemiya 44:7

“Ono nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ceebonshi mutooliletela mapensho a mushobo uyo pamibili yanu? Sa mutooyanda kuleta kunyonyooka pabene Juda basankwa, banakashi, banike abakateta kwaamba ayi kubule aucaala?

Jelemiya 44:8

Ino ceebonshi mutoosonkomona bukali bwangu ceebo cakulambila shibumbwabumbwa akunootenta tununkila kabotu kubalesa bamwi ba muIjipiti umo momwakesa mukwikala? Mutoolinyonyweshabo nobeene akulilengesha kuba cintu ceelete kushinganwa akusekwa pakati ka mishobo yoonse ya mucishi ca panshi.

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Dutolonomi 32:21

Bakanengesha kunyumfwa busuba ceebo cakulambila citeshi Lesa. Bakankalasha ceebo cakulambila shibumbwabumbwa shitaaku mboshibete. Aboobo ndaakubalengesha busuba mukupa bulemu mushobo utacite ankooya. Ndaakubakalasha mukusuna bantu batacite lushibo.