Jelemiya 25:5 - Baibo Busansulushi Bwa Libuku Ili

⁵ Balaluki abo bakalinga kumwaambila ayi, ‘Noonse amuswe kunshila shanu shibiibi amicito yanu ibiibi, ingaawo mukanookala mucishi ico Mwaami Lesa ncaakamupa mwebo abamashali banu bakulukulu ayi ncanu kwalyoonse alyoonse.

Jelemiya 25:5 Marejeleo ya Msalaba

Matalikilo 17:8

Ndaakukupa cishi ici umo bulya mooli mweensu. Cishi ici ca Kenani coonse cilaakuba ca bamulunyungu lwako kwamuyayaya alimwi ndaakuba Lesa wabo.”

Kulumbaisha 139:24

Amubone na ndakonkela nshila shibiibi. Lyalo muntanjilile munshila yanu yamuyayaya.

Kulumbaisha 37:27

Amuswe kububi mucite shibotu. Munshila iyo lyoonse mulaakunookala cakutalibilika.

Isaya 1:16

Amulisaanshe mutube. Amucileeke kucita bubi boonse ubu mboomubona kamucita. Ee, amucileeke kucita shitaluleme.

Jelemiya 17:25

bamaami bamulunyungu lwakwe Defedi balaakwinjila paminjililo ya ndabala ino pantu pomwi abacinenenene babo. Boonse balaakwisa kabatantite shikoci amaaki akushindikilwa kubene Juda abaabo bekala muJelusalemu. Kuswawaawo ndabala iyi ilaakunoocite bantu bekalaamo lyoonsebo.

Jelemiya 18:11

“Ono bulya lwiita bene Juda abantu abo bekala muJelusalemu ayi nebo neMwaami Lesa ntoobabambila mapensho akubayeeyela bwakubacita. Paceebo ceeco abaleke nshila shabo shibiibi. Womwi awomwi aasandule nshila shakwe alimwi amicito yakwe.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 4:1

Mwaami Lesa utookwaamba ayi, “Nobene Isilaeli, na muli lwakupiluka kuli ndime, amupiluke. Na mukushe shibumbwabumbwa shanu shilensha bunya pameenso angu akutapambuka tubili munshila yangu,

Jelemiya 7:7

Na mwacileka shintu ishi, ndaakumuleka ayi munookala mucishi ico ncendakapa bamashali banu bakulukulu ayi cibe cabo kwalyoonse alyoonse.

Esekelo 18:30

“Ono nebo neMwaami Lesa Shinkusu shoonse ndaamba ayi, ‘Mwebo nobene Isilaeli, ndaakoombolosha womwi awomwi kweelana anshila shakwe. Amusanduke kuswa kushilubo shanu! Mutaleeki shibiibi shanu ayi shimunyonyoole.

Esekelo 33:11

Balwiite kwaamba ayi, ‘Ndushinisho kweelana ambocibete lushinisho ayi nebo neMwaami Lesa ndi muumi, nebo nshisangalali kubona mucita shibi kaafwa? Sombi ndasangalala kumubona kaasanduka kuswa kunshila shakwe shibiibi akuba abuumi. Amusanduke! Amusanduke kuswa kunshila shanu shibiibi! Ceebonshi mutooyanda kufwa mwebo nobene Isilaeli?’

Osiya 1:7

Nakubi boobo kubene Juda ndaakubatondesha lusuno. Nebo neMwaami Lesa, Lesa wabo ndaakubapulusha munkusu shangu, kuteshi kwiinda mumipeeni, mata, mifwi, maaki nabi kwiinda mubeshikulwanina pamaaki.”

Milimo ya Batumwi 26:20

Ndakataanguna kushimikila muDamasikasi, muJelusalemu amucishi coonse ca Judeya alimwi akubaswamashi bakunsengwe. Ndakabashimikila ayi balyeelete kusanduka kuswa kushibiibi shabo akushoma muli Lesa alimwi akucita shintu shibonesha ayi bakasanduka cancinencine.