Jelemiya 25:3 - Baibo Busansulushi Bwa Libuku Ili

³ “Kwamyaaka makumi obilo amyaaka yotatwe, nkokwaamba ayi kuswa mumwaaka walikumi ayotatwe wa bwaami bwakwe Josiya mwanaakwe Amoni mwaami wa bene Juda kushikila sunu, ndalinga kutambula maswi a Mwaami Lesa alimwi ndalinga kumulwiita cakushomeka ciindi coonse maswi ayo, sombi mwebo temwalinga kukutikaawo, napaceyi.

Jelemiya 25:3 Marejeleo ya Msalaba

Matalikilo 22:3

Macuunsacuunsa bushiku bwakaboolaawo wakatimbula nkuni shakutentesha mulambu, watantika pambongolo yakwe akunyamuna Isaki pantu pomwi abasebenshi bobilo. Bakanyamuka akuya kumusena Lesa ngwaakamulwiita.

1 Baami 22:3

Aabu wakeepusha bacinenenene bakwe ayi, “Ceebonshi tatutooya mukubwesa ndabala ya Lamoti ili mucishi ca Gilyadi kuswa mumaansa a mwaami wa kuSilya? Ndabala ilya njesu!”

2 Baami 17:13

Mwaami Lesa wakatuma beshinkombe abalaluki mukucenjesha bene Isilaeli abene Juda ayi, “Amusanduke kuswa kushibiibi shanu akunyumfwila milawo amilasho iyo icanwa muMilawo njindakapa bamashali banu bakulukulu kwiinda mubalaluki basebenshi bangu.”

2 Makani 24:19

Lyalo Mwaami Lesa wakatuma balaluki kwaamba ayi bacenjeshe bantu abo ayi baboolele kuli nguwe, sombi bantu abo tabakwe kubanyumfwila.

2 Makani 34:1

Josiya wakaba mwaami wa bene Juda kaacite myaaka yosanwe ayotatwe. Wakalela muJelusalemu myaaka makumi otatwe awomwi.

2 Makani 34:3

Mumwaaka wasanu ayotatwe wa bwaami bwakwe, lakwe kacilibo mwanike, wakatalika kulambila Lesa wakwe Defedi mushali wakwe mukulukulu. Lyalo mumwaaka walikumi ayobilo wa bwaami bwakwe, wakatalika kunyonyoola misena yakulambililaako ya patulundu, shikoshanyo shakwe Ashela lesa mwanakashi ashibumbwabumbwa shimwi shoonse mucishi ca Juda amundabala ya Jelusalemu.

2 Makani 34:8

Mumwaaka walikumi amyaaka yosanwe ayotatwe wa bwaami bwakwe, ndyaakamana kusalasha cishi aŊanda yakwe Lesa, Josiya wakatuma Shafani mwanaakwe Asaliya musankwa, Maaseiya mweendeleshi wa ndabala ya Jelusalemu alimwi aJowa mwanaakwe Joayasi wacinenenene kuya kuŊanda yakwe Lesa, Lesa wakwe mukwiibambabamba.

2 Makani 36:15

Mwaami Lesa, Lesa wa bamashali babo, wakatolelela kutuma balaluki kwaamba ayi bacenjeshe bantu bakwe. Wakacita boobo mukwiinga wakanyumfwila nkumbu bantu bakwe aŊanda yakwe.

Kulumbaisha 81:13

Nobantu bangu, nimwankutika, nobene Isilaeli nimwanyumfwila,

Kulonga 8:20

Lyalo Mwaami Lesa wakaambila Mose ayi, “Ciilo macuunsacuunsa, ukaye mukukumana amwaami paciindi ncaaitamo kumulonga akumulwiita ayi Mwaami Lesa waamba ayi, ‘Leka bantu bangu baye, kwaamba ayi bakanambile.

Isaya 55:2

Ceebonshi mulasebensesha maali pashintu shiteshi cakulya? Ceebonshi mulasebensela cintu ceenga tacimukutishiiwo? Amukutike, ee, amukutike kuli ndime mulye shibotu. Ncakwiila amukutike mulisangalashe ashakulya shibotu.

Jelemiya 1:2

Mwaami Lesa wakaamba kuli nguwe mumwaaka wa likumi ayotatwe wa bwaami bwakwe Josiya mwanaakwe Amoni mwaami wa cishi ca Juda.

Jelemiya 11:7

Kuswa ciindi ndindakakusha bamashali banu bakulukulu muIjipiti kushika sunu, ndakabacenjesha mankanda aanji ayi, Kamunyumfwila.

Jelemiya 19:15

“Mwaami Lesa, Shinkusu shoonse, Lesa wa bene Isilaeli waamba ayi, ‘Amunyumfwe! Ndaakuletela ndabala ino inene amandabala oonse ayo ashingulukite, mapensho ayo oonse ngondakashomesha kucita ceebo ca bushicimpamya bwabo aceebo cakukaka kunyumfwa kumaswi angu.’ ”

Jelemiya 22:21

Ndakamucenjesha ndyemwatakalinga kucite cakulisukama, sombi mwebo mwakaamba ayi, “Swebo twakaaka.” Ubo mbobuumi bwanu kuswabo kale kale, ncakwiila tamunyumfwiliiwo napaceyi.

Jelemiya 25:4

“Nakubi kwaamba ayi Mwaami Lesa wakatuma basebenshi bakwe balaluki mankanda aanji aanji kuli ndimwe, mwebo tamukwe kunyumfwila nabi kubikako maano.

Jelemiya 26:5

alimwi akunyumfwa maswi a balaluki basebenshi bangu abo mbondakalinga kumutumina ciindi coonse. Mwebo tamukwe kukonkelawo kale nshebakaamba.

Jelemiya 29:19

Ndaakucita boobo ceebo cakwaamba ayi tabakwe kunyumfwa maswi ayo ngondakabatumina tubili tubili kwiinda mubasebenshi bangu balaluki. Nabi ndimwe nomwakaya mubusha tamukwe kunyumfwaawo, sobwe. Nebo neMwaami Lesa ndaamba.’

Jelemiya 32:33

Bakamfutatila nakubi kwaamba ayi ndakalinga kucitekobo kubeeisha, balo tebakalinga kunyumfwa nabi kwiiya, sobwe.

Jelemiya 35:14

Bamulunyungu lwakwe Jonadabu bakanyumfwila mulawo wakwe wakutanwa waini. Ncakwiila abobulya taaku uunwaawo. Nebo ndalinga kumupa milawo yangu, sombi mwebo tamukwe kunyumfwilaawo.

Jelemiya 35:15

Ono nebo ndicitekobo kumutumina basebenshi bangu balaluki. Boonse abo bakalinga kumulwiita ayi muleke nshila shanu shibiibi amicito yanu ibiibi. Bakamucenjesha ayi mucileeke kulambila akusebensela balesa bamwi kwaamba ayi mukatolelele kwikala mucishi ico ncendakamupa mwebo alimwi abamashali banu bakulukulu. Sombi mwebo tamukwe kunyumfwila nabi kubikako maano kusheesho nshendakaamba.

Jelemiya 36:1

Mumwaaka wane wa bwaami bwakwe Jeoiyakimu mwanaakwe Josiya mucishi ca Juda, Mwaami Lesa wakalwiita nebo neJelemiya ayi,

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 44:4

Mankanda aanji ndakalinga kutuma basebenshi bangu balaluki mukubaambila ayi, ‘Mutanoocita shintu ishi shilensha bunya isho nshempatite!’

Jelemiya 7:13

Ndimwakalinga kucita shintu shoonse ishi, nakubi kwaamba ayi ndakamwaambilaawo pashintu isho mankanda aanji aanji, tamukwe kukutika. Ndakamwiita, sombi tamukwe kukumbula.

Jelemiya 7:25

Kuswa ciindi bamashali banu bakulukulu ndibakaswa muIjipiti kushikila sunu, bushiku abushiku, mankanda aanji ndakalinga kumutumina basebenshi bangu balaluki.

Esekelo 33:4

Ono na umwi wanyumfwa, kuswawaawo wabula kubikaako maano, balwani na besa bamucaya, muntu uyo ngayi walicaisha mwiine.

Sekaliya 1:4

Mutabi anga mbamashali banu bakulukulu. Kalekale balaluki bangu bakabapa maswi angu akubalwiita ayi basanduke kuswa kunshila shabo shibiibi amicito yabo ibiibi. Sombi balo tabakwe kunyumfwa nabi kukonkela maswi angu.

Maako 1:35

Bushiku bwakaboolaawo kumuyamaca, Jesu wakabuka akuswa muŋanda. Lyalo wakaswa mundabala akuya kumusena kwatakalinga kwikala bantu uko nkwaakaya mukupailila.

Joni 8:2

Ono macuunsacuunsa wakaboolela kuŊanda yakwe Lesa akwinjila mukati. Bantu baanji bakayoboloka akubungana kuli nguwe, lyalo wakekala panshi akutalika kubeeisha.

Joni 8:47

Mukwiinga uyo woonse uli muli Lesa ulanyumfwa shaamba Lesa. Aboobo mwebo ncemutanyumfwili ceebo tamubete muli Lesa.”

2 Timoti 4:2

unooshimikila maswi akwe Lesa, muciindi bantu ndibasuni kukutika nabi tau. Kobalulika, kubakalalila alimwi akubayumya mukubeeisha camoyonteeka.