Jelemiya 25:15 - Baibo Busansulushi Bwa Libuku Ili

¹⁵ Mwaami Lesa, Lesa wa bene Isilaeli wakandwiita ayi, “Bwesa nkomeshi iyi iyo iswite waini wa bukali bwangu akunwisha bantu ba mishobo yoonse iyo njendakakutumaako.

Jelemiya 25:15 Marejeleo ya Msalaba

Jobo 21:20

Mucita shibi alibonene mwiine kunyonyooka kwakwe. Ee, mwiine aalinyumfwile bukali bwakwe Lesa Shinkusu shoonse.

Kulumbaisha 11:6

Pabantu abo ulaakulosha makalangasha amulilo wa salufa. Ulaakutuma amyuuwo itenta pali mbabo mukubapa mulandu.

Kulumbaisha 60:3

Bantu banu mwabalengesha kwiinda muciindi ciyumu. Tutooya citalantantabo anga twakolwa waini.

Kulumbaisha 75:8

Mulyaansa lya Mwaami Lesa muli nkomeshi. Nkomeshi iyo iliswitebo waini wa bukali bwakwe. Ulootila alimwi bantu boonse babiibi ba mucishi balanwa. Balanwa kushikila woonse boomana.

Kulumbaisha 75:9

Sombi nebo ndaakunokwaamba shapali Lesa lyoonsebo. Ndaakunokwiimba lwiimbo lwakulumbaisha Lesa wakwe Jakobo.

Isaya 14:26

Anu ubo mbondabamba ayi nkacite mucishi coonse ca panshi. Ndanyamuna kale lyaansa lyangu kwaamba ayi mpe mulandu bantu bamishobo yoonse.”

Isaya 34:2

Mwaami Lesa wakalalila baswamashi boonse, bukali bwakwe buli pamakoto abo oonse a bashilumamba. Boonse ulaakubanyonyoola cakumaninina. Ulaakubaaba ayi bacaikwe.

Isaya 51:17

Amubuke, Amubuke! Ee, amunyamuke mwebo nobene Jelusalemu! Mwebo mwakanwa munkomeshi ya bukali bwa Mwaami Lesa cakutabushiyaamo. Mwakanwa munkomeshi yabukali bwakwe iyo ilengesha bantu kutalantanta.

Isaya 51:22

Mwaami Lesa wanu Shinkusu shoonse, Lesa uyo umufuninina mwebo nobantu bakwe waamba ayi, “Amubone, nkomeshi ya bukali bwangu iyo yakamulengesha kutalantanta ndeebwesa. Ncakwiila munkomeshi ya bukali bwangu iyo teshi mukanweemo tobilo.

Isaya 51:23

Nkomeshi iyo ndaakwiipa baabo balinga kumupensha. Ee, abo bakalinga kumwaambila ayi, ‘Amoone akutandabala apa kwaamba ayi tunooya cilyata peculu.’ Ncakwiila misana yanu njeyakaba nje nshi, ee, yakaba anga ngomukwakwa wakwiindaawo.”

Jelemiya 1:5

“Kaantana kukubumba mulifumo lya banyoko, ndakalinga kukwishi kale. Ncakwiila ndakakubika palubasu kootana kushalwa. Ndakakusala ayi ube mulaluki kumishobo iinji.”

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 43:11

Ncakwiila Nebukadinesa ulaakwisa mukulwana Ijipiti. Abo beelete kufwa kumalwashi, balaakufwa kumalwashi. Abo beelete kutolwa mubusha, balaakuya mubusha. Abo beelete kufwa kunkondo, balaakufwa munkondo.

Jelemiya 45:5

Sa utooliyandweeta shintu shinene abuumbi? Utashiyandoolibo ceebo ndaakuleta kunyonyoola pabantu boonse. Sombi webo teshi ukacaikwe kuli koonse nkweshi ukaye.’ ”

Jelemiya 46:1

Mwaami Lesa wakaŋambila nebo neJelemiya maswi aya pamishobo ya bantu.

Jelemiya 48:26

Mwaami Lesa waamba ayi, “Amulengeshe bene Moabu ayi bakolwe ceebo cakukaka nebo neMwaami Lesa. Abaalabangane mumalushi abo akusekwa.

Jelemiya 49:12

Mwaami Lesa waamba ayi, “Na bantu abo batakalinga kweelete kunwa munkomeshi ya bukali bwangu, bakanwa, ceebonshi mutooyeeya ayi mwebo teshi mukapekwewo mulandu? Teshi mukalekwebo, sombi mulyeelete kunwaamo.

Jelemiya 51:7

Babiloni wakalinga anga ninkomeshi ya golodi mumaansaangu akulengesha cishi coonse ca panshi kukolwa. Mishobo ya bantu yoonse yakanwa waini wakwe. Aboobo paciindi cino ilicinkukite.

Esekelo 23:32

Mwaami Lesa Shinkusu shoonse waamba ayi, “Ulaakunwa munkomeshi yeenka ya munene wako. Nkomeshi iyo njinene alimwi njilaamfu. Ilaakukuletela kushibulukwa akusekwa ceebo ilinyamwite shiinji.

Esekelo 23:33

Ulaakukolwa akuba abuumba. Nkomeshi iyo iliswite shiloondesha akunyonyooka. Ncakwiila ninkomeshi ya mukwanu mwanakashi Samaliya.

Esekelo 29:12

Ndaakulengesha cishi ca Ijipiti kuba musena wiindaawo kubula bantu pashishi sha pacishi ca panshi. Mandabala aliimo alaakuba matongo eene eene kwamyaaka makumi one. Bene Ijipiti ndaakubapalanganishisha pakati ka mishobo ya mucishi ca panshi coonse.’ ”

Esekelo 36:5

“Nebo neMwaami Lesa Shinkusu shoonse ndaamba ayi, ‘Ntookalalila mishobo imwi yoonse mubukali bwangu buyoosha, bunene bunene kwaambila bene Edomu. Ntoocita boobo ceebo bakabwesa cishi cangu kwaamba ayi basaale mafulo a ncico cakusangalala amusebaanyo.’

Obadiya 1:16

Bweenka mbuli mbomwakanwa munkomeshi ya bukali pakalundu kangu kasalalite, mbweeke ubo mishobo yoonse imushingulukite ilaakunoonwaamobo. Balaakunoocitekobo kunwa tibili bakanyonyooke cakutacaalaako.”

Abakuku 2:16

Ono mwebo nweenka mulaakulenshekwa nsoni mumusena wa bulemu. Ncakwiila mwebo nobeene mulaakukolwa akutalantanta. Mwaami Lesa ulaakumulengesha kunwa nkomeshi ya bukali bwakwe, lyalo bulemu bwanu bulaakusandulwa kuba musebaanyo.

Ciyubululo 14:10

ulaakunwa waini wa bukali bwakwe Lesa, uyo ngweshi ukatiilwe munkomeshi ya bukali bwakwe cakutatilako cakubombya bukali. Boonse bacita sheeshi balaakupenshekwa mumulilo alimwi asalufa pameenso abaanjelo basalalite alimwi aMwanaambelele.

Ciyubululo 14:19

Aboobo munjelo uyo wakatalika kutimbula minyansa kuswa kushisamu sha njiyo acicekeshi cakwe akwiiwaala mucilindi cakutyaninamo minyansa ya bukali bwakwe Lesa.