Jelemiya 25:10 - Baibo Busansulushi Bwa Libuku Ili

¹⁰ Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga, kulila kwa mpelo alimwi amumuni wa malampi.

Jelemiya 25:10 Marejeleo ya Msalaba

Esita 3:13

Beshinkombe bakatola makalata ayo kushipansha shoonse sha cishi. Makalata ayo akalinga kwaamba ayi banyonyoole, kucaya akulobya baJuda boonse, bacikula bwangu abamanene, banakashi abanike akusaala buboni bwabo boonse pabushiku bomwi. Bushiku ubo mbwalikumi anshiiku shotatwe bwa mweenshi walikumi ayobilo wiitwa ayi Ada.

Esita 7:4

Nebo abene misheesu twakoolishikwa kwaamba ayi tunyonyoolwe, tucaikwe akulobeshekwa. Necalinga cakwaamba ayi nkuulishikwa ayi tube basha, naakwiinga ndoomunabo, kutamupenshaawo pacikani ici.”

Esita 8:11

Anu mulawo uyo wakalembwa muliina lya mwaami wakasuminisha baJuda mundabala inene yomwi ayomwi kulibungabunga akulitabilila, nkokwaamba ayi kunyonyoola, kucaya akulobya likoto lya bashilumamba boonse ba mushobo uli woonse nabi ba cipansha ca cishi cili coonse abo beenga babalwana akulwana bamakaabo abana babo. Wakabasuminisha akusaala buboni bwa balwani babo.

Isaya 47:2

Bwesa mpelo upele fulaulo. Fuula kasani kateshimite kakulifweka kumeenso. Pimpa cifunga cako myeendo icaale patuba. Lyalo ukubule mumaanshi kusubuka tulonga.

Jelemiya 16:9

Nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Ulaakulibonena ameenso ako. Koocili muumi ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumusena uyu.’

Jelemiya 48:33

Kusangalala akukondwa kwakushikwaamo mucishi cicite bulongo bubotu ca Moabu. Ndakakasha waini kuswa mushilindi shakutyaninamo minyansa. Taaku nabi womwi ushikutyana minyansa woolobesha cakusangalala. Nakubi kwaamba ayi kuli koolobesha, teshi koolobesha kwakusangalala, sobwe.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Malilo 5:15

Kusangalala kwamana kumyoyo yesu akwalo kushana kwaba nkulila.

Esekelo 26:13

Ndaakumanisha nyimbo shako shoonse alimwi mukumo wa tulumbu twako teshi ukanyumfwikewo tubili.

Osiya 2:11

Ndaakumanisha kusekelela kwabo koonse. Nkokwaamba ayi, kusekelela kwa pamwaaka, kusekelela kwa Myeenshi ipya, nshiku shakookesha sha Cibelu, ee, kusekelela kwabo koonse.