Jelemiya 23:9 - Baibo Busansulushi Bwa Libuku Ili

⁹ Pabalaluki, nebo neJelemiya ndaamba ayi, “Moyo wangu woongumana abuumbi, amumafuwa angu moonse mutootutuma. Ceebobo ca Mwaami Lesa alimwi amaswi akwe asalalite, ndababo anga ngumuntu ukoletwe, ncakwiila anga ngumuntu wanwa bunene waini.

Jelemiya 23:9 Marejeleo ya Msalaba

Kulumbaisha 60:3

Bantu banu mwabalengesha kwiinda muciindi ciyumu. Tutooya citalantantabo anga twakolwa waini.

Kulumbaisha 69:20

Matushi apensha moyo wangu abuumbi alimwi ndi mubuumba. Ndakalinga kulangila kunyumfwilwa nkumbu, sombi napaceyuubo. Ndakalinga kulangila kuyuminishikwa, sombi nakuceyuubo.

Isaya 28:1

Mapensho kubwaami bwa bene Efuleemu balisumpula alimwi bacakolwa! Bulemu bwabo butooya cimanabo anga ngumubala wa liluba litooya bunyana. Ee, mapensho kundabala ya Samaliya ilya ili mucinyika ca mboleshi, ndabala yabooshekwa panshi ceebo ca bacakolwa.

Isaya 29:9

Amutolelele kuba baluya! Amutolelele kuba boofu! Kamukoletwe, sombi kuteshi ceebo ca waini. Kamutalantanta, sombi kuteshi ceebo ca bwalwa.

Isaya 51:21

Ono anu amukutike mwebo nomutoopenshekwa, ee, mwebo nomukoletwe, sombi kuteshi kuwaini.

Isaya 6:5

Mpeeke ndakalila akwaamba ayi, “Mapensho kuli ndime! Ono ndamanaawo mukwiinga ndi muntu utaambi shisalalite alimwi ndekala pakati ka bantu bataambi shisalalite. Ono alimwi ndaboona aMwaami wesu, ee, Mwaami Lesa Shinkusu shoonse.”

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Jelemiya 36:16

Ono ndyaakamanisha kubabelengela, bakalangana kumeenso cakuloonda akwaambila Baluki ayi, “Tulyeelete kuluula kumwaami maswi aya.”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Jelemiya 8:18

Webo oŋumbulusha, ndi mubuumba, moyo wangu waciswa abuumbi.

Jelemiya 9:1

Mutwi wangu niwalinga mukalo wa maanshi aalo meenso angu kaali kantupu ka minsonshi, naakwiinga ndalila malumwi amashiku. Ncakwiila kulilila bantu bene misheesu abo bakacaikwa.

Malilo 3:15

Wasusha mubili wangu abucisa bulula akunshimbilisha ndulwe.

Esekelo 13:3

Mwaami Lesa Shinkusu shoonse waamba ayi, “Mapensho kubalaluki baluya abo bakonkela miyeeyo yabo beene kakutaaku ancebabwene.

Esekelo 9:4

akumwaambila ayi, “Koya mundabala ya Jelusalemu yoonse ukabike cishibilo pankumo sha baabo boonse batoolila akupenshekwa mumyoyo ceebo ca shintu shilensha bunya shitoocitwa muli njiyo.”

Esekelo 9:6

Muye mucaye bacembele, bacikula bwangu basankwa abanakashi, banakashi banene abanike, sombi kuteelesha kukumya wooyo ucite cishibilo. Mutalikile muŊanda yangu isalalite.” Aboobo bakatalikila bamaloba abo bakalinga kunembo lya Ŋanda yakwe Lesa.

Danyelo 8:27

Nebo neDanyelo mubili wakatyolooka abuumbi akuciswa kwanshiku shiinji. Lyalo ndakanyamuka akuboola kumulimo uyo wakampa mwaami. Sombi cili anga nciloto ico cakampensha abuumbi mumoyo alimwi ndakaalilwa kucinyumfwisha.

Abakuku 3:16

Ndindakanyumfwa shintu ishi, mubili wangu wakatutuma ayalo milomo yangu yakatutuma kuboowa. Ncakwiila mubili wangu woonse wakalefuka. Ee, amyeendo yangu yakabukuma kuboowa. Nakubi boobo ndaakulindilila camoyonteeka ciindi ico Lesa aakwisa mukupa mulandu bantu batulwana.

Bene Loma 7:9

Kaantana kwishiba bwaamba Milawo ndakalinga muumi, sombi ndindakeshiba shaMilawo kuyandishisha kubisha kwakakomena, kweelana ambocibete ndakafwa.