Jelemiya 23:8 - Baibo Busansulushi Bwa Libuku Ili

⁸ Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi ca kumatwa amushishi shimwi shoonse nshaakabatandilaamo.’ Lyalo balaakwikala mucishi cabo beene.”

Jelemiya 23:8 Marejeleo ya Msalaba

Isaya 11:11

Mubushiku ubo Mwaami Lesa ulaakuyobolola bantu bakwe boonse beshi bakacaaleewo kuswa muAsilya, Ijipiti, Patilosi, Kushi, Elamu, Babiloniya, Amati amuloombe lwa lweenge.

Isaya 14:1

Mwaami Lesa ulaakunyumfwila nkumbu bamulunyungu lwakwe Jakobo. Ulaakusala bene Isilaeli alimwi akubaboosha ayi bekale mucishi cabo. Baswamashi balaakwisa mukwikalaabo mucishi cabo akukakatila kuli mbabo.

Jelemiya 16:14

Lyalo Mwaami Lesa waamba ayi, “Nakubi boobo nshiku shilaakushikila bantu ndyeshi bakacileeke kulumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli muIjipiti ngumuumi.’

Jelemiya 16:15

Sombi balaakunoolumbila ayi, ‘Bweenka mbocibete lushinisho ayi Mwaami Lesa, uyo wakakusha bene Isilaeli kuswa kucishi cakumatwa amushishi shimwi shoonse nshaakabatandilaamo.’ Balaakunoocita boobo ceebo ndaakubapilusha mucishi ico ncendakapa bamashali babo bakulukulu. Nebo neMwaami Lesa ndaamba.”

Jelemiya 23:3

Nebo nemwiine ndaakuyobolola litanga ilyo lyakacaalawo kuswa mushishi shoonse nshendakashipalanganishishaamo akushiboosha kumafulo a nshisho uko nkweshi shikashalane akufula.

Jelemiya 29:14

Ncakwiila mulaakuncana alimwi ndaakumuboosha mucishi canu. Ndaakumubunganya kuswa kumishobo yoonse akumisena uko nkondakamupalanganishisha akumuboosha kucishi uko nkondakamukusha akumutuma mubusha. Nebo neMwaami Lesa ndaamba.’

Jelemiya 30:10

“Aboobo mutaloondi nobamulunyungu lwakwe Jakobo, bantu bangu. Mutabi aboowa nobene Isilaeli. Ndushinisho ndaakumupulusha kuswa kucishi cakulaamfu, ee, bamulunyungu lwanu kuswa mucishi ca busha. Balaakucana luumuno akutabililwa cakwaamba ayi taakuuwo nabi womwi weshi akabaloondeshewo tubili.

Jelemiya 30:3

‘Nshiku shilaakushikila ndyeshi nkakushe bantu bangu bene Isilaeli abene Juda mubusha akubaboosha mucishi ncendakapa bamashali babo bakulukulu. Nebo neMwaami Lesa ndaamba.’ ”

Jelemiya 31:8

Amubone, ndaakubaleta kuswa kucishi ca kumatwa akubayobolola kuswa kweela cishi ca panshi. Pakati kabo palaakunooli boofu abalema, bali pakati abali pankata. Lilaakunooli likoto linene lyeshi likaboole.

Jelemiya 32:37

Ndaakubunganya bantu kuswa mushishi shoonse isho nsheshi nkabapalanganishisheemo mubukali bwangu buyoosha abuumbi. Lyalo ndaakubaboosha kumusena uno ayi banookala cakubula kulisukama.

Jelemiya 8:3

Lyalo bantu ba mumushobo uyu ubiibi abo beshi bakacaaleewo akunoocishiite mumisena iyo njendakabatandilaamo, balaakusala kufwa kwiinda kunooli boomi. Nebo neMwaami Lesa Shinkusu shoonse ndaamba.”

Esekelo 28:25

Mwaami Lesa Shinkusu shoonse waamba ayi, “Ndaakubunganya bene Isilaeli kuswa mumishobo iyo njendakabapalanganishilaamo. Ndaakulitondesha ayi ndisalalite pakati kabo pameenso a mishobo imwi. Kuswawaawo balaakunookala mucishi cabo ico ncendakapa musebenshi wangu Jakobo.

Esekelo 34:13

Ndaakushileta kushikusha pamishobo ya mucishi coonse ca panshi akusheembela mucishi ca nshisho. Ndaakushisanina mumafulo a patulundu twa muIsilaeli, kweela tulonga alimwi amumisena yoonse ibotu ya mucishi ico.

Esekelo 36:24

“ ‘Ndaakumukusha mushishi sha mishobo imwi akumuboosha mucishi cine mishaanu.

Esekelo 36:35

Bantu balaakunokwaamba ayi, ‘Cishi ici cakalinga canyonyoolwa, bulya cababo anga ngumuunda wa Edeni. Mandabala akalinga aba matongo, musena utacite bantu alimwi ayo akalinga anyonyoolwa, ono aba amalinga alimwi mulekala bantu.

Esekelo 37:25

Balaakwikala mucishi ico ncendakapa musebenshi wangu Jakobo, ee, cishi ico cakalinga kwikalaamo bamashali banu bakulukulu. Balo, bana babo alimwi abamulunyungu lwabo balaakunookala mumo kwamuyayaya. Wamulunyungu lwakwe Defedi ngweshi akabe mwaami wabo kwalyoonse alyoonse.

Esekelo 39:28

Lyalo ndyeshi bakeshibe ayi nebo ndi Mwaami Lesa, Lesa wabo. Nakubi kwaamba ayi ndakabatuma mubusha pakati ka mishobo imwi, ndaakubabunganya akubaleta mucishi cabo cakutashiyaawo nabi womwi.

Jowelo 3:7

Ono bulya ntoobaleta kuswa mumisena umo momwakaboolisha. Ndaakucita kuli ndimwe bweenka mbomwakabacitila.

Mika 7:15

Mwaami Lesa waamba ayi, “Ndaakucita shaankamiko bweenka mbondakalinga kucita ndimwakaswa muIjipiti.

Sefaniya 3:20

Paciindi ico ndaakubunjika bantu bako akuboosha bantu bako bakapalanganishikwa kucishi cine mishaabo. Ndaakulengesha bantu ba mucishi ca panshi coonse kukulemeka akukulumbaisha. Ndaakukulengesha kuswitilila alimwi. Nebo neMwaami Lesa ndaamba.”