Jelemiya 23:30 - Baibo Busansulushi Bwa Libuku Ili

³⁰ Mwaami Lesa waamba ayi, “Ndipatite balaluki balya beepa makani ababyaabo akwaamba ayi aswa kuli ndime neMwaami Lesa.

Jelemiya 23:30 Marejeleo ya Msalaba

Kulumbaisha 34:16

sombi ulipatite bantu bacita bubi kwaamba ayi kukabule ubeebaluka baakufwa pacishi ca panshi coonse.

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 23:31

Ee, ndipatite abalaluki baamba sha mumitwi yabo beene akwaamba ayi shaswa kuli ndime neMwaami Lesa.

Jelemiya 44:11

“Paceebo ceeco nebo neMwaami Lesa Shinkusu shoonse, Lesa wa bene Isilaeli ndaamba ayi, ‘Nebo ndishinishite kumuletela mapensho akunyonyoola cishi ca Juda coonse.

Jelemiya 44:29

“ ‘Ici cilaakuba ncitondesho cakwaamba ayi ndaakumupa mulandu kumusena uno alimwi ayi kushomesha kwangu kwakumunyonyoola, ncakwiila kulaakucitika.’

Esekelo 13:20

“Paceebo ceeco nebo neMwaami Lesa Shinkusu shoonse ndaamba ayi, ‘Ndipatite shitumwa shanu isho nshemusebensesha kweendelesha buumi alufu pabantu bangu. Ndaakushisutoola pamaansaanu akwaangulula bantu abo mbomweendelesha.

Esekelo 13:8

“Paceebo ceeci nebo neMwaami Lesa Shinkusu shoonse ndaamba ayi, ‘Ceebo ca maswi anu abubeshi alimwi ashili anga nshiloto nshemubona nshabubeshi, nebo ndimupatite.

Esekelo 15:7

Ndaakubapa mulandu. Nabi bakapuluka kuswa kumulilo womwi, mulilo umwi ulaakubatenta. Ndaakumana kubapa mulandu, ndyeshi mukeshibe ayi nebo ndi Mwaami Lesa.

Bene Lefi 20:3

Na umwi wabenga mwanaakwe umwi kuli Moleki akulengesha ayi Tente yangu isalalite ibule kunoosalalite alimwi akusebaanya liina lyangu lisalalite, ndaakumwaalukila alimwi teshi nkanoocimuyeeyela kuba mulikoto lya bantu bangu.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Dutolonomi 18:20

Sombi mulaluki woonse uyo waamba muliina lyangu makani ngoontakwe kumulwiita, nabi wooyo waamba muliina lya balesa bamwi, ulyeelete kucaikwa.’

Dutolonomi 29:20

Mwaami Lesa teshi akalekelele muntu wa mbuli wooyu. Sombi bukali bwakwe bulaakuba pali nguwe, amashingo oonse alembetwe mulibuku ili alaakumupolela, kushikila Mwaami Lesa akashiminganye liina lyakwe pacishi ca panshi cino.

1 Pita 3:12

mukwiinga Mwaami Lesa ulalama baluleme alimwi ulakumbula mipailo yabo, sombi ulipatite bantu bacita bubi.”