Jelemiya 23:2 - Baibo Busansulushi Bwa Libuku Ili

² Paceebo ceeco Mwaami Lesa, Lesa wa bene Isilaeli utookwaambila beembeshi abo beembela bantu bakwe ayi, “Ceebo mwakapalanganya litanga lyangu akulitanda, tamukwe kulilama, ndaakumupa mulandu ceebo ca bubi ubo mbomwakacita.

Jelemiya 23:2 Marejeleo ya Msalaba

Kulonga 32:34

Ono koya, tanjilila bantu kuya kumusena uyo ngondakakulwiitaawo. Wiibaluke ayi munjelo wangu ulaakukutanjilila, sombi ciindi cilaakushikila ndyeshi nkape bantu mulandu pacibiibi cabo.”

Jelemiya 10:21

Nebo ndaamba ayi, “Beembeshi tabacite maano. Tabasengi kuMwaami Lesa ayi abatanjilile. Aboobo tabaswitilili ashalo mbelele shabo shakapalangana.

Jelemiya 11:22

Aboobo Mwaami Lesa Shinkusu shoonse wakaamba ayi, “Ndaakubapa mulandu. Bacikula bwangu balaakucaikwa kunkondo. Bana babo basankwa abanakashi ndaakubacaya kunsala.

Jelemiya 13:17

Ono na mubule kunyumfwa, ndaakulila mubushishi ceebo cakulisumpula kwanu. Ndaakulila abuumbi cakwaamba ayi meenso angu alaakunookunkabo minsonshi ceebo likoto lya bantu ba Mwaami Lesa lilaakutolwa mubusha.

Jelemiya 13:20

Ansha amwiinamuke mubone balwani banu batooswa kumatwa. Ino litanga ndyemwakapekwa ayi kamweembela lili kuli? Ee, shili kuli mbelele isho nshemwakalinga kutwangila?

Jelemiya 13:21

Ino mulaakwaamba ayinshi Mwaami Lesa aakulengesha baabo mbomwakalinga kuyeeya ayi mbabyaanu kumweendelesha? Sa te mulaakunyonwabo anga ngumwanakashi uli pankata?

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 21:12

“Amunyumfwe maswi angu neMwaami Lesa akwaamba ayi, ‘Amoomboloshe bweelete nshiku shoonse. Amufune bantu batokwiipilwa mumaansa a baabo batoobapensha. Na mubule kucita boobo, bukali bwangu bulaakunyaka anga ngumulilo ceebo ca shibiibi nshemwakacita. Bulaakunyaka anga ngumulilo uyo muntu ngwaatakoonshi kushimya.’ ”

Jelemiya 23:34

Na mulaluki, mupailishi nabi muntu umwi uli woonse akaambe maswi akwaamba ayi, ‘Mukuli wa Mwaami Lesa,’ ndaakupa mulandu muntu uyo abamuŋanda yakwe.

Jelemiya 44:22

Ono Mwaami Lesa ndyaakacileka kunoolangilishabo pamicito yanu ibiibi alimwi ashintu shilensha bunya nshemwakalinga kucita, cishi canu cakaba cintu ceelete kushinganwa, kuba matongo alimwi kwakubula amuntu wikalaamo bweenka mbocibete sunu.

Jelemiya 5:29

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 5:9

Sa inga nshibapi mulandu pasheeshi? Sa inga nshipilushishi bubi pamushobo uli mbuli wooyu?

Jelemiya 8:12

Sa bakafwa nsoni ceebo ca micito yabo ilensha bunya? Nabi na tabanyumfwiiwo nsoni napaceyi. Tabacite acoomba nkoye nabibo paniini. Paceebo ceeco balaakuwa bweenka mbuli bamwi. Ndaakumana kubapa mulandu, cilaakuba ngomeelelesho abo. Nebo neMwaami Lesa ndaamba.”

Esekelo 34:5

Aboobo shakapalangana mukwiinga kwakabula mweembeshi. Ono ndishakapalangana shakaba cakulya ca banyama ba muluundu.

Osiya 2:13

Ndaakubapa mulandu ceebo ca shiindi nshebakatentela Baali tununkila kabotu. Bakalifwalika ninga abulungu bwamakwebo akuya cikonkela basunikwi babo, sombi nebo bakandubaako. Nebo neMwaami Lesa ndaamba.

Mika 7:4

Muntu waambwa ayi uli kabotu kwiinda bamwi ulibo anga nshisonsoonya kubica. Alakwe uyo waamba ayi ululeme kwiinda boonse ulibo anga ncisamu ca myuumfwa kubica. Bushiku bwashikila Lesa ndyeshi ape bantu mulandu bweenka mbwaakabacenjesha kwiinda mubeshikulindilila bakwe balaluki. Ubu mbobushiku bwabo bwa cimfulunganya.

Sekaliya 10:3

Mwaami Lesa waamba ayi, “Ono ndakalala abuumbi pabeembeshi, ee, ndaakupa mulandu bamatanjilili boonse. Nebo neMwaami Lesa Shinkusu shoonse ndaakunoolama litanga lyangu lya bene Juda. Ncakwiila ndaakubalengesha kuba anga ndiaki lya nkondo licite nkusu abuumbi.

Sekaliya 11:16

Ceebo ndisuni kuleta mweembeshi mucishi uyo weshi akanoobula kubikila maano kuli sheesho shisowekete, kuyandoola twaana, kushilika shalicisa nabi kusanina shili kabotu. Sombi lakwe ulaakunoolya nyama sha mbelele shiinite abuumbi akupwaya shoondo sha nshisho.

Mateyo 25:36

Ndindakalinga mubusakula, mwebo mwakamfwalika. Ndindakalinga mulwashi, mwebo mwakesa mukumbona, andindakalinga muntolongo, mwakesa mukumbona.’

Mateyo 25:43

Ndindakalinga mweensu, tamukwe kuntambula mumaanda anu, ndindakalinga mubusakula, tamukwe kumfwalika. Ndakalinga mulwashi amuntolongo, sombi tamukwe kwisa mukumbona.’

Jemusi 1:27

Kupaila kwiine kwiine kutacite kampenda pameenso akwe Lesa Ishiwesu, nkwakulama bana banshiwa abamukalubinje banakashi mumapensho abo. Peculu lya waawo, nkuloonda shibiibi sha mucishi ca panshi ayi inga shamubisha.