Jelemiya 23:19 - Baibo Busansulushi Bwa Libuku Ili

¹⁹ Amubone, bukali bwangu bulibo anga ncipuupu ciyoosha, ee, bulibo anga nkapupuulwa ako katooshingulukabo pamitwi ya bamucita shibi.

Jelemiya 23:19 Marejeleo ya Msalaba

Kulumbaisha 58:9

Lesa aabalobye cakufwambaana bweenka bushimika mulilo wa mabuba, Walo ulashimikabo nabi shiliiwo tashina kubila.

Tushimpi 1:27

Nkokwaamba ayi shilensha boowa shaakumupolela anga ncipuupu, ee, mapensho aakumupyanga anga nkapupuulwa, ncakwiila mwaakulimbwa mapensho amakatasho.

Tushimpi 10:25

Cipuupu ndicisa cilatolelesha abamucita shibi, sombi baluleme balacaala mobakeemikanina.

Isaya 21:1

Ono ngaaya maswi aamba paBabiloni. Malwesa alaakwisa kuswa kucishi cilensha boowa, bweenka kapupuulwa mbokakwenga mucishi cakumalenge.

Isaya 40:24

Ndibabikwabikwabo pabwaami, ee, ciindi ndibasalwasalwabo, bwaami bwabo kabutana kushimpa bunene, ulabafulita muuya wakwe, lyalo balamana nkusu anga mbwiisu. Ncakwiila kapupuulwa kalaboolulusha anga mbuungu.

Jelemiya 25:31

Ciyobeyobe ico cilaakunyumfwika akweela cishi ceebo Mwaami Lesa ulaakupa mulandu mishobo ya bantu. Ulaakoombolosha mishobo ya bantu yoonse akucaisha bamucita shibi munkondo. Mwaami Lesa waamba.’ ”

Jelemiya 25:32

Mwaami Lesa Shinkusu shoonse waamba ayi, “Amulange! Mapensho atooya cimwaikabo kuswa kumushobo amushobo. Cipuupu cinene caswita kweela cishi ca panshi.”

Jelemiya 30:23

Amubone, bukali bwa Mwaami Lesa bulaakubabo anga ncipuupu ciyoosha, ee, bulaakubabo anga nkapupuulwa ako katooshingulukabo pamitwi ya bamucita shibi.

Jelemiya 30:24

Bukali bwa Mwaami Lesa buyoosha teshi bukamaneewo kushikila bukacite shoonse nshaasuni. Munshiku shitoosa, mwebo mulaakunyumfwisha cikani ici.

Jelemiya 4:11

Paciindi ici bene Jelusalemu balaakwaambilwa ayi, “Muuwo ukasaala utoopupa kuswa patulundu tulaamfu tutacite bwiisu twa muluyanga kululama bantu bangu. Teshi muuwo wakupupulushishaako nabi kusalasha, sobwe.

Jelemiya 51:1

Mwaami Lesa waamba ayi, “Amubone, ndaakusonkomona mushimu wakwe shikunyonyoola uyo weshi akalwane cishi ca Babiloni abantu ba ncico.

Esekelo 1:4

Ndindakalangilisha, ndakabona cipuupu kaciswita kumatwa. Kubeka kwa mfula kwakalinga kuswa mulikumbi linene kalishingulukitwe amumuni unene. Pakati ka mabeebe pakalinga kuboneka cintu cakalinga kubembelabo anga ngubulonse.

Esekelo 13:13

“Paceebo ceeco Mwaami Lesa Shinkusu shoonse ndaamba ayi, ‘Mubukali bwangu buyoosha, ndaakutuma cipuupu cinene, mfula ya mabwe alimwi amfuula inene abuumbi ilaakwisa mukunyonyoola lubumbu.

Amosi 1:14

Ndaakutuma mulilo kumalinga a kuLaba, uyo weshi ukanyonyoole malinga. Kulaakuba ciyobeyobe ca nkondo pabushiku ubo. Nkondo ilaakukalalabo anga nimfula ya muuwo pabushiku ubo.

Sekaliya 7:14

Lyalo bucita cipuupu ndakaboolulushila mushishi sha baswamashi. Munshila iyo cishi cino cibotu cakashiikwabo akuba matongo kwakubula awiindaamo.”

Sekaliya 9:14

Mwaami Lesa ulaakuboneka peculu lya bantu bakwe. Ulaakunowaala mifwi yakwe anga nkubeka kwa mfula. Mwaami Lesa Shinkusu shoonse ulaakulisha lupeenga lwa nkondo akweendela mucipuupu ca kumalenge.