Jelemiya 23:14 - Baibo Busansulushi Bwa Libuku Ili

¹⁴ Pakati ka balaluki bene Jelusalemu apalo ndakabonaawo kubisha kwiinditewo, Balacita bulale alimwi mbabeshi. Balayuminisha bamucita shibi, cakwaamba ayi taaku nabi womwi ucileka kucita bubi. Boonse mbabiibibo anga mbene Sodoma kuli ndime. Ndushinisho bene Jelusalemu balibo anga mbene Gomola.”

Jelemiya 23:14 Marejeleo ya Msalaba

Matalikilo 13:13

umo mwakalinga bantu beshikubisha alimwi bakalinga kubisha abuumbi pameenso aMwaami Lesa.

Matalikilo 18:20

Lyalo Mwaami Lesa wakaambila Abulaamu ayi, “Kuli milandu iyoosha pali Sodoma aGomola, alimwi kubisha kwabo nkunene abuumbi.

Matalikilo 19:24

Mpomunyaawo Lesa wakalosha mulilo wa salufa paSodoma aGomola

Matalikilo 19:25

wanyonyoola mandabala ayo alimwi aliwesa pantu pomwi abantu boonse bakalingaamo alimwi asheesho shoonse shakalinga kumeneteemo.

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Jelemiya 14:14

Mpeeke Mwaami Lesa wakakumbula ayi, “Balaluki batoolaluka shabubeshi muliina lyangu. Nshikwe kubatuma, kubasala nabi kubandikaabo. Batoomulalukilabo shili anga nshiloto shabubeshi, kusonda kwabo takucite ncito alimwi ashintu nshebaliyeeyela mumitwi yabo beene.

Jelemiya 18:13

Paceebo ceeco Mwaami Lesa waamba ayi, “Amwiipusheepushe pakati ka mishobo imwi yoonse na kuli wakanyumfwaawo kale camushobo uyo? Bene Isilaeli bakacita cintu cibiibi abuumbi.

Jelemiya 20:16

Muntu uyo aabe bweenka mbuli mandabala ayo Mwaami Lesa ngaakanyonyoola cakutaanyumfwila nkumbu. Aanyumfwe mibila macuunsacuunsa akooloma kwa nkondo lisuba ndyeliba pakati ka mutwi.

Jelemiya 23:17

Balaambila bantu banyansha ayi, ‘Mwaami Lesa waamba ayi mulaakunooshiite muluumuno.’ Balaambila baabo bakonkela bushicimpamya bwa myoyo yabo ayi, ‘Taaku cibiibi ceshi cikamubonekeleewo.’

Jelemiya 23:22

Nibakeemikanaawo munkuta yangu, naakwiinga bakaambilisha maswi angu kubantu bangu. Munshila iyi naakwiinga bakabasandula kuswa kunshila shabo shibiibi alimwi akumicito yabo ibiibi.”

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 29:21

Mwaami Lesa Shinkusu shoonse utokwaamba makani aya pali Aabu mwanaakwe Kolaya aSedekiya mwanaakwe Maseiya abo batoomulalukila shabubeshi muliina lyangu. Waamba ayi, ‘Ndaakubaaba mumaansaakwe Nebukadinesa mwaami wa bene Babiloni uyo eshi akabacaaye kamubweneeko.’

Jelemiya 29:23

Ico cilaakucitika ceebo bakacita shintu shibiibi abuumbi muIsilaeli. Bakalinga kucita bulale abamuka shikamukobonyinaabo akwaamba shabubeshi muliina lya Mwaami Lesa. Bakaamba shintu isho Mwaami Lesa nshaatakwe kwaamba. Ulishishi alimwi ngukamboni pali nshisho. Mwaami Lesa mbwaamba ubo.”

Jelemiya 36:2

“Bwesa cakulembelaawo, ulembewo shoonse isho nshendakakulwiita pabene Isilaeli, bene Juda alimwi amishobo imwi yoonse. Ulembe shoonse isho nshendakakulwiita kutalikilabo pabushiku ubo mbondakatalika kwaamba andiwe, ciindi Josiya ndyaakalinga mwaami, kushika abushiku bwa sunu.

Jelemiya 49:18

Bweenka ndabala inene ya Sodoma aya Gomola mbwaakanyonyoolwa pantu pomwi amandabala akalinga kwaashingulukite, mbweeke ubo cishi ca Edomu mbweshi cikacitwe. Taaku muntu nabi womwi weshi akekaleemo tubili. Nebo neMwaami Lesa ndaamba.

Malilo 4:6

Mulandu wakapekwa bantu bangu wakeenda wooyo wakapekwa Sodoma, ndabala iyo yakanyonyoolwa cakufwambaana, ncakwiila kwakubula awiifunaako.

Esekelo 13:16

Ncakwiila balaakuloba balaluki bene Isilaeli abo bakaambila bene Jelusalemu ayi, ‘Kuli luumuno,’ kakuli taaku luumuno. Nebo neMwaami Lesa Shinkusu shoonse ndaamba.”

Esekelo 13:19

Mulanyansha pakati ka bantu bangu kwaamba ayi mucanebo bale ukwanabo mumapaka aniini alimwi abusekele bwa shinkwa Mulacaya bantu abo bateelete kucaikwa akushiya baabo beelete kufwa. Mwebo mulaambila bantu bangu shabubeshi, abalo balamunyumfwila.’

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Osiya 6:10

Nebo ndaboona cintu ciloondesha abuumbi muIsilaeli. Bantu bangu balibisha kwiinda mubufuule bwakulambila shibumbwabumbwa.

Amosi 4:11

“Ndakanyonyoola bamwi pakati kanu bweenka mbondakanyonyoola bene Sodoma abene Gomola. Mwakalingabo anga ndukuni lwayokolwa mumulilo. Sombi mwebo tamukwe kusandukilawo kuli ndime. Nebo neMwaami Lesa ndaamba.

Mika 1:5

Shoonse ishi shitoocitika ceebo cakubisha kwa bamulunyungu lwakwe Jakobo, nkokwaamba ayi shibiibi sha bene Isilaeli. Ino ngani wakalengesha bamulunyungu lwakwe Jakobo kubisha? Sa te nindabala inene ya Samaliya? Ino ngani wakalengesha bene Juda kulambila shibumbwabumbwa? Sa te nindabala inene ya Jelusalemu?

Mika 3:11

Bamatanjilili baloombolosha na bapekwa makulo. Bapailishi baleeishabo kwaamba ayi balipilwe, abalo balaluki balasansulabo nshebayubulwitwa na kwaba kupekwa maali. Nakubi boobo balicinkite manungo muMwaami Lesa akwaamba ayi, “Mwaami Lesa uli pakati kesu. Aboobo mapensho taakoonshi kutushikila.”

Sefaniya 3:4

Balaluki ba njiyo mbeshikulisumpula, mbantu batashomeki. Bapailishi ba njiyo balabisha musena usalalite Balasebensesha Milawo kwaamba ayi bacane mpindu.

Sekaliya 13:2

Bushiku ubo ndaakushiminganya meena a shibumbwabumbwa mucishi alimwi teshi shikayeeyekwewo tubili. Kuswawaawo ndaakukusha balaluki amushimu wakulambila shibumbwabumbwa mucishi.

Malaki 1:1

Makani abulaluki akaambwa aMwaami Lesa, ngoaaya ngaakaambila Malaki ayi alwiite bene Isilaeli.

Mateyo 11:24

Sombi ntookulwiita ayi pabushiku bwa koomboloshekwa, Lesa ulaakumupa mulandu unene kwiinda Sodoma!”

Dutolonomi 32:32

Balwani babo mbeshikubisha anga mbene Sodoma aGomola, bali anga njiminyansa icata shisepo shilula alimwi shikola,

1 Timoti 4:2

Kwiisha uko kulaakwisa kwiinda mubabeshi abo baamba nshebataciti, bacite miyeeyo italuleme, sombi ili anga yakatentwa ceela cilungula.

2 Pita 2:6

Abalo bantu ba mumandabala anene a Sodoma aGomola Lesa wakaboombolosha akubapa mulandu. Wakabanyonyoola amulilo. Ici cakaba citondesho ca sheesho sheshi shikacitike kubantu beshi bakabule kumunyumfwila kunembo.

Judi 1:7

Amwiibaluke andabala ya Sodoma aGomola amandabala akalinga pafwaafwi. Bantu ba mumandabala aya abalo bakatalika kucita bufuule alimwi akucitana shintu shilensha nsoni. Lesa wakabapa mulandu wa mulilo utamaani kwaamba ayi cibe citondesho kubantu boonse.

Ciyubululo 11:8

Mpeeke mituntu yabo ilaakunoolibo munshila sha ndabala inene umo mwakapopelwa Mwaami wabo pamucilingano. Liina liimikanina ndabala iyo mumaamboolwa, nguSodoma nabi Ijipiti.

Ciyubululo 19:20

Munyama uyo wakacatwa pantu pomwi amulaluki mubeshi uyo wakalinga kucita shaankamiko ceebo ca nguwe. Kwiinda mushaankamiko nshemunya ishi, wakacenjeeka bantu abo bakalinga kucite keshibilo ka munyama alimwi abaabo balambila cibumbwabumbwa cakwe. Mpeeke munyama uyo alimwi amulaluki mubeshi, bakawaalwa mulweenge lwa mulilo uyo unyaka asalufa, kabalasha.

Ciyubululo 21:8

Sombi boowa, batashomi, basuni kucita shibiibi, bacayi, bafuule, baloshi, balambila shibumbwabumbwa alimwi ababeshi boonse, musena wabo ndweenge lwa mulilo alimwi asalufa. Ulu ndolufu lwabili.”

Ciyubululo 22:15

Sombi pansengwe lya ndabala inene iyi mpopali bakabwa abaloshi, bafuule abacayi, abo balambila shibumbwabumbwa alimwi ababeshi mumyaambo amicito.