Jelemiya 22:6 - Baibo Busansulushi Bwa Libuku Ili

⁶ “Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 22:6 Marejeleo ya Msalaba

Matalikilo 37:25

Ndibakalinga kulya, bakabonabo likoto lya bene Ishimaeli kabali pamushinso wakuswa kuGilyadi kuya kuIjipiti. Ngamela shabo shakalinga kuyumwite mashina a shisamu anunkila kabotu, misamu alimwi amule.

Kulumbaisha 107:34

Cishi ca mboleshi cakaba cikula ceebo ca shibiibi sha bantu bakalingaamo.

Lwiimbo lwakwe Solomoni 4:1

Oosunikwi wangu, alimwi uli mubotu abuumbi. Ncakwiila meenso ako atooyasa kulusuno mukati ka nsalu yuubu ya kumeenso. Misusu yako ilibo anga nditanga lya mpongo litookunkuluka Kalundu ka Gilyadi.

Lwiimbo lwakwe Solomoni 5:15

Myeendo yakwe ili anga ngamacinko a mabwe a alabasita, ayo ngobakeemika mushapanshi sha golodi. Ulicite bulemu anga ntulundu twa kuLebanoni tucite shisamu shilaamfu sha sida.

Isaya 27:10

Ndabala inene ya lilinga yaba matongo, yaba musena usuulitwe anga nduyanga. Ono mwaba momumafulo a shifubwa. Shilapanga milela akulya matewu kumisampi.

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Isaya 6:11

Mpeeke ndakeepusha ayi, “Kwaciindi cilaamfu buyani noBaami baLesa?” Alakwe wakakumbula ayi, “Kushikila mandabala anene oonse anyonyoolwe akubula ukalaamo. Kushikila maandaabo acaalebo kwakubula amuntu uliimo. Ee, kushikila myuunda yabo ikacaale matongo akushinka.

Jelemiya 21:11

Mwaami Lesa wakandwiita kwaambila mukowa wa bwaami bwa bene Juda, ee, kulwiita bamulunyungu lwakwe Defedi ayi,

Jelemiya 21:14

Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Jelemiya 22:24

Mwaami Lesa waamba ayi, “Bweenka mbocibete lushinisho ayi ndi muumi, webo Jeoiyakini omwanaakwe Jeoiyakimu mwaami wa bene Juda, nabi kooli ninga ya keshibilo kulyaansa lyangu lyalulyo, naakwiinga ndakukushaako.

Jelemiya 26:18

“Mika wa kuMolesheshi wakalinga kulaluka munshiku shakwe Esekiya mwaami wa bene Juda. Wakaambila bene Juda boonse ayi Mwaami Lesa Shinkusu shoonse waamba ayi, ‘Siyoni ulaakushabwa anga ngumuunda, Jelusalemu ulaakuba matongo. Kalundu ka Ŋanda yakwe Lesa kalaakuba musaansa.’

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Jelemiya 4:7

Inkalamu yasokomoka kuswa mucisakasaka moikala. Ncakwiila shikunyonyoola mishobo wanyamuka. Wanyamuka kwisa mukunyonyoola cishi ca Juda. Ulaakunyonyoola mandabala anu cakubula amuntu wikalaamo.

Jelemiya 50:12

Paceebo ceeco ndabala yanu inene ilaakunyumfwa nsoni. Musena uyo momwakashalilwa ulaakusebaanishikwa. Bene Babiloni balaakuba mushobo uniini kwiinda imwi yoonse. Cishi cabo cilaakuba luyanga, ee, cishi ciyumu alimwi citacite acimenaamo.

Jelemiya 7:34

Ndaakumanisha ciyobeyobe cakusangalala akukondwa kwabo aciyobeyobe cakusangalalila bwiinga mumandabala a muJuda amumikwakwa ya muJelusalemu ceebo cishi cilaakubula aukalaamo.”

Jelemiya 8:22

Sa taamu musamu wakushilikisha muGilyadi? Sa taaku shikushilika kulya? Ino ceebonshi shilonda sha bantu bangu tashitooshilikwa?

Jelemiya 9:11

Mwaami Lesa waamba ayi, “Ndabala ya Jelusalemu ndaakwiilengesha kuba matongo. Ilaakuba musena mwikala bamwaaba. Ndaakunyonyoola mandabala anene a muJuda cakwaamba ayi kulaakubula aukalaamo.”

Mika 3:12

Paceebo ceeco, ceebo ca ndimwe Siyoni ulaakushabwa anga ngumuunda. Jelusalemu ulaakuba matongo. Kalundu ka Ŋanda yakwe Lesa kalaakuba musaansa.

Sekaliya 11:1

Calula minjililo yako webo Lebanoni, kwaamba ayi mulilo utente shisamu shako sha sida.

Shakubelenga 32:1

Ono mukowa wakwe Lubeni awakwe Gadi yakalinga kucite shifubwa shiinji abuumbi. Ono ndibakabona cishi ca Jasa aca Gilyadi ncibotu kushifubwa,

Dutolonomi 3:25

NoBaami baLesa, amunsuminishe nsubuke Mulonga wa Joodani kwaamba ayi mboneewo cishi ca bulongo bubotu kwitala, cishi cibotu ca tulundu alimwi atulundu twa Lebanoni.’