Jelemiya 22:28 - Baibo Busansulushi Bwa Libuku Ili

²⁸ Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”

Jelemiya 22:28 Marejeleo ya Msalaba

2 Samwelo 5:21

Bene Filisiti bakashiya ashibumbwabumbwa shabo uko, lyalo Defedi abashilumamba bakwe bakashitolelela nkobakaya.

2 Makani 21:20

Jeolamu wakaba mwaami kaacite myaaka makumi otatwe amyaaka yobilo. Wakalela muJelusalemu kwamyaaka yosanwe ayotatwe. Taaku wakoongumana pakufwa kwakwe. Bakamubika muNdabala yakwe Defedi, sombi kuteshi mushuumbwe sha bamaami, sobwe.

Kulumbaisha 31:12

Ono ndalubwa cakumaninina anga ndifwite, nabi anga ninongo ipwayookite.

Jelemiya 14:18

Na ndaya muluundu ndabona bakacaikwa munkondo. Na ndaya mundabala, ndabona batoofwa kunsala. Balo balaluki abapailishi balacita ncito yabo cakuteshiba ancebatoocita.’ ”

Jelemiya 15:1

Mpeeke Mwaami Lesa wakaŋambila ayi, “Nabi Mose aSamwelo besa beemikana kunembo lyangu akunkombelela, inga nshibooshiimo moyo pabantu aba napaceyi. Amubatandaanye, baswe pameenso angu! Kabayabo!

Jelemiya 16:12

Sombi mwebo mwabiisha kwiinda bamashali banu bakulukulu. Tamubwene kwaamba ayi mwebo noonse womwi awomwi utookonkela bushicimpamya bwa moyo wakwe ubiibi mumusena wakunyumfwila ndime.

Jelemiya 17:4

Kubisha kulaakumulengesha kunyaikwa cishi ico ncendakamupa. Ndaakumulengesha kuba basha kubalwani banu mucishi ico ncemuteshi ceebo cakwaamba ayi mwanyansha mulilo wa bukali bwangu alimwi ulaakunoonyakabo kwalyoonse alyoonse.”

Jelemiya 22:27

Teshi mukaboolelewo tubili kucishi ico ncemutoolilila kuboolelaako.”

Jelemiya 22:30

Mwaami Lesa waamba ayi, “Lemba muntu uyu anga ngumuntu utacitewo mwaana, ee, anga ngumuntu uyo eshi akabule kuswitilila mubuumi bwakwe ceebo taaku wamulunyungu lwakwe weshi akaswitilile. Taaku nabi womwi pakati kabo weshi akekale pacuuna ca bwaami bwakwe Defedi nabi kulela tubili mucishi ca Juda.”

Jelemiya 24:1

Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.

Jelemiya 27:20

Isho nsheshintu Nebukadinesa mwaami wa bene Babiloni nshaatakwe kubwesa ndyaakatola busha Jeoiyakini mwanaakwe Jeoiyakimu mwaami wa bene Juda kuswa kuJelusalemu kuya kuBabiloni pantu pomwi abacinenenene ba bene Juda aba bene Jelusalemu.

Jelemiya 37:1

Ono Nebukadinesa mwaami wa bene Babiloni wakabika Sedekiya mwanaakwe Josiya pabwaami bwa bene Juda pamusena wakwe Jeoiyakini mwanaakwe Jeoiyakimu.

Jelemiya 48:38

Pashiluli shoonse sha mucishi ca Moabu amumisena icanika bantu baanji taamu shimwi shitoonyumfwika, sombibo kulila. Batoolila ceebo ndapwaya Moabu anga ninongo itacite wiisuni.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.

Osiya 8:8

Bene Isilaeli bamana ncito, bababo anga njimishobo imwi. Tabacite incito balibo anga nshikaye.