Jelemiya 22:26 - Baibo Busansulushi Bwa Libuku Ili

²⁶ Webo abanyoko bakakushala ndaakumuwaala mucishi cimwi umo mwebo noonse momutakwe kushalilwa. Ncakwiila umo mweshi mukafwite noonse.

Jelemiya 22:26 Marejeleo ya Msalaba

2 Baami 24:15

Nebukadinesa wakatola busha Jeoiyakini kuBabiloni pantu pomwi abanyina, bamakaakwe, bacinenenene alimwi ababile boonse ba mucishi ca Juda.

2 Baami 24:8

Jeoiyakini wakaba mwaami wa bene Juda kaacite myaaka likumi amyaaka yosanwe ayotatwe. Wakalela muJelusalemu kwamyeenshi yotatwe. Banyina bakalinga baNeushita, mwanaakwe Elinatani wa kuJelusalemu.

2 Baami 25:27

Mumwaaka Efilu Melodaki ndyaakaba mwaami wa bene Babiloni, wakanyumfwila nkumbu Jeoiyakini mwaami wa bene Juda akumwaangulula kuswa muntolongo. Ici cakacitika pabushiku bwa makumi obilo anshiiku shosanwe ashobilo mumweenshi walikumi amyeenshi yobilo wa mwaaka wamakumi otatwe amyaaka yosanwe ayobilo kuswa ciindi Jeoiyakini ndyaakatolwa busha.

2 Baami 25:29

Mpomunyaawo Jeoiyakini bakamusuminisha kufuula shakufwala shakwe sha bukaili akufwala shakufwala shibotu. Wakasuminishikwa kunoolya amwaami kwabuumi bwakwe boonse.

2 Baami 25:30

Mpeeke bushiku abushiku mwaami wakalinga kupa Jeoiyakini maali akuula shintu nshakalinga kuyanda mubuumi bwakwe.

Isaya 22:17

Cenjela, Mwaami Lesa ulisuni kukubwesa akukusowelabo kulaale, webo omuntu shinkusu.

Jelemiya 10:18

Mwaami Lesa waamba ayi, “Paciindi ico ndaakusowa bekala mucishi ici. Ndaakubaletela mapensho kwaamba ayi bakacatwe.”

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 16:13

Aboobo ndaakumutandaanya mucishi ici akumutandila mucishi ico mwebo nabi bamashali banu bakulukulu ncebatakwe kwishiba. Uko nkweshi mukasebensele balesa bamwi malumwi amashiku ceebo teshi nkamufwitewo nkumbu.’ ”

Jelemiya 22:27

Teshi mukaboolelewo tubili kucishi ico ncemutoolilila kuboolelaako.”

Jelemiya 28:4

Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.

Jelemiya 44:14

Taaku nabi womwi pabene Juda bakacaala abo bakaya mukwikala kuIjipiti weshi akaloboke nabi kupuluka kwaamba ayi aboolele kucishi ca Juda uko nkobasuni ayi bakaboolele akuya mukwikala. Taaku beshi bakaboolele, sombibo baniini beshi bakacice nkondo.’ ”