Jelemiya 22:24 - Baibo Busansulushi Bwa Libuku Ili

²⁴ Mwaami Lesa waamba ayi, “Bweenka mbocibete lushinisho ayi ndi muumi, webo Jeoiyakini omwanaakwe Jeoiyakimu mwaami wa bene Juda, nabi kooli ninga ya keshibilo kulyaansa lyangu lyalulyo, naakwiinga ndakukushaako.

Jelemiya 22:24 Marejeleo ya Msalaba

2 Baami 24:12

Lyalo mwaami Jeoiyakini mwaami wa bene Juda wakalyaaba mumaansaakwe Nebukadinesa pantu pomwi abanyina, bana bakwe basankwa, bamatanjilili ba bashilumamba alimwi abacinenenene ba kuŋanda ya bwaami boonse. Mumwaaka wasanu ayotatwe wa bwaami bwakwe Nebukadinesa mwaami wa bene Babiloni, Jeoiyakini mwaami wa bene Juda wakatolwa busha kuli nguwe.

2 Baami 24:15

Nebukadinesa wakatola busha Jeoiyakini kuBabiloni pantu pomwi abanyina, bamakaakwe, bacinenenene alimwi ababile boonse ba mucishi ca Juda.

1 Makani 3:16

Jeoiyakimu wakashala baana basankwa bobilo, nkokwaamba ayi Jeoiyakini alimwi aSedekiya.

2 Makani 36:9

Jeoiyakini wakaba mwaami wa bene Juda kaacite myaaka likumi amyaaka yosanwe ayotatwe. Wakalela muJelusalemu kwamyeenshi yotatwe anshiiku likumi. Alakwe wakabishisha Mwaami Lesa.

Lwiimbo lwakwe Solomoni 8:6

Umbiike mbe anga ngukalamatila wa keshibilo kumoyo wako alimwi anga ngukalamatila wa keshibilo kulyaansa lyako. Mukwiinga lusuno lulicite nkusu anga ndufu, ee, lulicite nkusu anga ndufu lwiine. Lulanyaka kuba mulilo unene abuumbi akutenta bweenka butenta mulilo wiine wiine.

Isaya 49:16

Amubone, liina lyanu ndakalilemba mumapaka angu. Lilinga lya ndabala yanu lili mumeenso angu lyoonse.

Jelemiya 13:18

Mwaami Lesa wakaŋambila ayi, “Ambila mwaami abanyina ayi, ‘Amuseluke pashuuna shanu sha bwaami ceebo mishini yanu yabulemu ilaakuloka kumitwi yanu.’

Jelemiya 22:28

Nebo ndaamba ayi, “Sa muntu uyu Jeoiyakini waba nongo ipwaikite ee, cintu bantu ncebatasuni? Sa nceceeco lakwe abana bakwe nceshi bakawaalilwe mucishi ico ncebateshi?”

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 24:1

Ono Jeoiyakini mwanaakwe Jeoiyakimu mwaami wa bene Juda, bacinenenene, beshikubesa shintu abacibwene shakupangapanga bakatolwa busha kuswa kuJelusalemu kuya kuBabiloni. Bakatolwa aNebukadinesa mwaami wa bene Babiloni. Pesule Mwaami Lesa wakantondesha mitaanga yobilo ya nkuyu keebikitwe kunembo lya Ŋanda yakwe.

Jelemiya 28:4

Ndaakuboosha aJeoiyakini mwanaakwe Jeoiyakimu mwaami wa bene Juda aboonse abo bakatolwa busha kuBabiloni kuswa kuJuda ceebo ndaakutyola lijoko lya mwaami wa bene Babiloni. Nebo neMwaami Lesa ndaamba.’ ”

Jelemiya 29:2

Ici cakacitika mwaami Jeoiyakini, banyina, bacinenenene bakwe, bamatanjilili bene Juda aba bene Jelusalemu, beshikubesa shintu alimwi abacibwene shakupangapanga ndibakamana kutolwa busha kuBabiloni kuswa kuJelusalemu.

Jelemiya 37:1

Ono Nebukadinesa mwaami wa bene Babiloni wakabika Sedekiya mwanaakwe Josiya pabwaami bwa bene Juda pamusena wakwe Jeoiyakini mwanaakwe Jeoiyakimu.

Agayi 2:23

“Pabushiku ubo, ndaakukubwesa webo Selubabelo mwanaakwe Sheyalutyelo omusebenshi wangu. Ndaakukubika ayi ukanoolela muliina lyangu ceebo nebo ndime ndakusala. Nebo neMwaami Lesa Shinkusu shoonse ndaamba.”