Jelemiya 22:23 - Baibo Busansulushi Bwa Libuku Ili

²³ Mwebo nomushiite muŋanda ya bwaami, nomwikala muŋanda iyakitwe ashisamu sha sida shakaswa kuLebanoni, mulaakutongela mapensho aakumupolela, acisa anga nkunyonwa kwa mwanakashi uyo uli pankata!

Jelemiya 22:23 Marejeleo ya Msalaba

Jelemiya 21:13

Mwaami Lesa waamba ayi, “Ntoolwana amwebo nobene Jelusalemu, mwebo nomwikala petala lya cinyika ee, mwebo nomwikala peculu lya kalundu ka mabwe akwaamba ayi, ‘Anu ngani weenga watulwana? Anu ngani weenga wakonsha kwinjila mushiyubilo shesu?’

Jelemiya 22:6

“Kuli ndime ŋanda ya bwaami ya muJuda njibotubo anga ngumusena wa Gilyadi. Ee, njibotubo anga ntulundu twa kuLebanoni, Nakubi boobo ndaakwiilengesha kuba anga nduyanga, ncakwiila anga ngamandabala umo mutekaali bantu.

Jelemiya 3:21

Mibila yanyumfwika peculu lya tulundu. Mbene Isilaeli batoolila akukombelela ceebo bekala buumi bwakubisha alimwi akuluba Mwaami Lesa, Lesa wabo.

Jelemiya 48:28

“Mwebo nomwikala mucishi ca Moabu, amuswe mumandabalaanu. Kamuya mwikale mutulundu tulaamfu twa mabwe. Amube anga nimpolobe ipanga ciinswa ca njiyo kumwinjililo wa cimfwengo.

Jelemiya 49:16

“Nobene Edomu kulisumpula kwa myoyo yanu, kwamubeca. Boowa mbomulengesha bamwi, bwamucenjeeka mukwiinga mulekala mulilinga lya myaandami. Ee, mukwiinga mulekala peculu lya tulundu tulaamfu. Ono nabi mulekala peculu peene anga nciinswa ca mumbankwashi, nebo ndaakumuboosha panshi. Nebo neMwaami Lesa ndaamba.

Jelemiya 6:24

Bene Jelusalemu baamba ayi, “Twakanyumfwa makani apali mbabo, aboobo maanseesu akatontola. Buumba bwatucata, tutoonyumfwabo anga ngumwanakashi uli pankata.

Esekelo 17:3

kubeshibisha nebo neMwaami Lesa Shinkusu shoonse nshentokwaamba. Cikoshanyo ico ncakwaamba ayi, ‘Kwakalinga mumbankwashi munene wakalinga kucite mapapaminwa ankusu amapepe alaamfu a mishobo ipusenepusene. Mumbankwashi wakoolukila kuLebanoni akucata kwiculu lya cisamu ca sida.

Osiya 5:15

Lyalo ndaakubashiya akuboolela kumusena wangu kushikila bantu bangu bakapenge cakusumina ayi balicite mulandu. Balaakunyandoola cankusu kabali mubuumba bunene.”

Osiya 7:14

Tabapaili kuli ndime cakushinisha, sombi balaya mukulilila pamalo abo bweenka bucita bakunsengwe. Balalinengoola ceebo cakuyandabo shakulya ashakunwa bweenka bucita bakunsengwe.

Amosi 9:2

Nabi bakakaabe panshi kushika kumusena wa bafu, lyaansa lyangu lilaakubakushaako uko. Nabi bakataante kushika kwiculu, nebo ndaakubaselushaako.

Obadiya 1:4

Nabi muuluke akuya mwiculu abuumbi anga ngumumbankwashi, akuyakila ŋanda yanu pakati ka nyenyeenshi, nebo ndaakumuboosha panshi. Nebo neMwaami Lesa ndaamba.”

Abakuku 2:9

Mapensho kuli ndimwe nomubilisha bamumaandaanu munshila italuleme. Ee, mwebo nomweelesha kulengesha maandaanu kubula cakulisukama amapensho.

Shakubelenga 24:21

Anga muciloto wakabona bene Keni akulaluka ayi, “Musena ngomushiteemo ulilamitwe, ulilamitwe anga nciinswa cili peculu lya mwaandami.