Biblia Todo Logo
Biblia ya mtandaoni

- Matangazo -




Jelemiya 22:18 - Baibo Busansulushi Bwa Libuku Ili

18 Paceebo ceeco pali Jeoiyakimu mwanaakwe Josiya mwaami wa bene Juda, Mwaami Lesa waamba ayi, “Teshi akalilweewo ayi, ‘Maawe nandumi yangu! Maawe mukwesu!’ Teshi akalilweewo ayi, ‘Maawe mwaami wangu! Maawe bulemu bwakwe!’

Tazama sura Nakili




Jelemiya 22:18
17 Marejeleo ya Msalaba  

“Jonasani mukwesu wancisa abuumbi kumoyo, mukwiinga ndalinga kukusuni abuumbi. Lusuno lwako kuli ndime lwalinga kukondelesha abuumbi, lwalinga kukondelesha kwiinda aloolo lwa balutundu.


Wakamubika mucuumbwe cakwe mwiine. Mulaluki uyo abana bakwe bakamulila akwaamba ayi, “Maawe mukwesu, maawe mukwesu!”


Jeoiyakimu wakaba mwaami wa bene Juda kaacite myaaka makumi obilo amyaaka yosanwe. Wakalela muJelusalemu kwamyaaka likumi awomwi. Banyina bakalinga mbaSebida mwanaakwe Pedaya wa kundabala ya Luma.


Mpeeke muŊanda yakwe Lesa wakakushaamo cikoshanyo cakwe Ashela lesa mwanakashi, wacikusha mundabala akucitola kuCinyika ca Kidiloni kuya mukucitenta uko. Lyalo wakacipelapela kushikila caba busu akusanseela busu ubo pashuumbwe sha bantubo.


Jeoiyakimu wakafwa, lyalo Jeoiyakini mwanaakwe musankwa ngowakapyana bwaami bwakwe.


Josiya wakashala baana basankwa bone, nkokwaamba ayi Jowanani, Jeoiyakimu, Sedekiya alimwi aShalumu.


Mpomunyaawo Jelemiya mulaluki wakapanga lwiimbo lwakulila mwaami Josiya. Bulya cakashibila beshikwiimba mucishi ca Isilaeli, basankwa abanakashi, kwiimba lwiimbo ulo ciindi coonse ndibamulila. Lwiimbo ulo lulacanika mumabuku anyimbo sha malila.


Jeoiyakimu wakaba mwaami wa bene Juda kaacite myaaka makumi obilo amyaaka yosanwe. Wakalela muJelusalemu kwamyaaka likumi awomwi. Lyalo wakabishisha Mwaami Lesa, Lesa wakwe.


Balaakufwa kumalwashi ayoosha. Teshi bakalilweewo nabi kubikwa. Sombi mibili yabo ilaakubabo anga ngamatombe apantantaala peculu lya nshi. Balaakuloba kunkondo akunsala. Lyalo mituntu yabo ilaakuba cakulya ca bayuni abanyama bamuluundu.


Babile abakandu boonse balaakufwitabo pantu pomwi mucishi ici. Teshi bakabikwewo nabi kulilwa, alimwi taakuuwo nabi womwi weshi akalinengoole nabi kulikulula mumutwi ceebo ca malilo.


Mwaami Lesa wakandwiita kwaambila mukowa wa bwaami bwa bene Juda, ee, kulwiita bamulunyungu lwakwe Defedi ayi,


Mutanoolila mwaami Josiya wakafwa kale. Kuteelesha kulila ayi wakanyonyooka. Sombi amulilile Jeoyasi uyo wakatolwa mucishi ca busha ceebo lakwe teshi akaboolelewo kumishaabo nabi kubona tubili cishi cine mishaabo.


Ulaakufwita kooko nkobakamutola mubusha. Cishi cino teshi akacibone tubili, sobwe.”


Sombi webo ulaakufwabo muluumuno. Bweenka bantu mbobakalinga kunootenta tununkila kabotu pakufukila bamashali banu bakulukulu abo bakalinga bamaami webo kootana kulela, mbweeke ubo mbweshi bakakutentele awebo. Balaakulila pali ndiwe akwaamba ayi, ‘Maawe, mwaami wesu wafwa!’ Nebo neMwaami Lesa ndaamba.”


Paceebo ceeco, Mwaami Lesa utokwaamba kuli ndiwe Jeoiyakimu mwaami wa bene Juda ayi webo teshi ukabewo amuntu weshi akekale pacuuna ca bwaami bwakwe Defedi. Mutuntu wako ulaakusowekwa akunoobalilwa lumwi, acaandwa ciindi ca mashiku.


Tufuate:

Matangazo


Matangazo