Jelemiya 22:17 - Baibo Busansulushi Bwa Libuku Ili

¹⁷ Sombi mwebo meenso anu amyoyo yanu ilibo kumpindu yakucana kwiinda mubwiipi, kutila bulowa bwa bantu batacite mulandu, alimwi amukulyatilila akupensha bantu.”

Jelemiya 22:17 Marejeleo ya Msalaba

1 Baami 21:19

Uye umwaambile ayi Mwaami Lesa waamba ayi, ‘Ndiwamana kucaya muntu uyo, sa ulisuni kubwesa amuunda wakwe?’ Lyalo umulwiite ayi, ‘Pamusena apo peenka bakabwa mpobakamyangutila bulowa bwakwe Naboti, awebo bulowa bwako mpweshi bakabumyangutile.’ ”

2 Baami 23:37

Jeoiyakimu wakabishisha Mwaami Lesa mukukonkela shakacita bamashali bakwe bakulukulu.

2 Baami 24:4

Wakacaya bantu baanji abo batacite milandu muJelusalemu. Paceebo ceeco Mwaami Lesa taakwe kumulekelela.

2 Makani 36:8

Shintu shimwi shoonse shakacita Jeoiyakimu kubikaawo amicito ilensha bunya abubi mbwaakacita, shililembetwe mulibuku lya buumi bwa bamaami ba bene Isilaeli abene Juda. Lyalo Jeoiyakini mwanaakwe ngowakapyana bwaami bwakwe.

Jobo 31:7

Na ndakapambukawo kuswa munshila iluleme, na meenso angu akantola kushibiibi, nabi na maansaangu akacatawo shibiibi,

Kulumbaisha 10:3

Ncakwiila bamucita shibi balalisumpula mulunkumbwa lwa myoyo yabo ibiibi. Balalumbaisha bantu balyabi, sombi balasebaanya liina lya Mwaami Lesa.

Kulonga 18:21

Sombi kwiilikaawo, ulyeelete kusala basankwa bamwi beenga basebensa mulimo wa butanjilili. Bamwi balyeelete kuba batanjilili ba bantu bali cuulu, bamwi mwaanda, bamwi makumi osanwe alimwi abamwi likumi. Bantu abo mbweshi ukasaale balyeelete kuba bantu balemeka Lesa, bashomeka alimwi batakoonshi kutambula mashinka kanwa.

Tushimpi 24:2

ceebo myoyo yabo balo ilayeeyabo kucita shalunkutwe. Ayalo milomo yabo ilaambabo shakubusha nshimfulunganya.

Isaya 56:11

Balibo anga mbakabwa beshi milyomibi abo batakutiiwo nabi balya buyani. Mbeembeshi bateshi ankobatooya, boonse batola nshila shabo. Womwi awomwi pakati kabo ulisunibo kulicanina mpindu yakwe mwiine.

Jelemiya 17:11

Muntu uyo ubilila munshila italuleme ulibo anga ngukwale ufukamina mayi ngaatana kushala. Buboni bulaakumumanina pakati ka nshiku sha buumi bwakwe. Lyalo kumamanino ulaakubonekabo bukaluyaluya.

Jelemiya 19:4

Ndaakucita boobo mukwiinga bakansuula akulengesha musena uyu kuba wa balesa beensu. Bakatentelamo milambu kubalesa abo balo, bamashali babo bakulukulu nabi bamaami bene Juda mbobatakalinga kwishi. Musena uno bausushabo bulowa bwa bantu batacite milandu.

Jelemiya 22:3

Ono bulya ndakwaambila ayi unoocita shintu shakutanyengelela akucita shiluleme. Kofuna muntu uyo utookwiipilwa kuswa mumaansa a wooyo utoomupensha. Mutaciti shibiibi akuba alunkutwe kumuswamashi, mwanaanshiwa amukalubinje. Utatiili bulowa bwa bantu batacite mulandu mucishi cino.

Jelemiya 6:13

Kuswabo kubantu bataaku ambobabete kushika akubaabo balemekwa, boonse balicitebo miyeeyo yabumbilileewo. Balaluki abapailishi abalo ngumushobo womwibo, boonse balacenjeeka bantu.

Jelemiya 6:6

Mwaami Lesa Shinkusu shoonse utokwaamba ayi, “Amuteme shisamu muyake cakutantaawo pakulwana ayi ndabala ya Jelusalemu twiishinguluke. Ndabala iyi ilyeelete kupekwa mulandu ceebo iliswitebo kulyatililana.

Jelemiya 7:6

Amucileeke kulita masuku pamitwi ya baswamashi, banabanshiwa alimwi abamukalubinje. Amucileeke kucaya bantu batacite milandu mucishi cino. Amucileeke kulambila balesa bamwi mukwiinga ico inga camulengesha kunyonyooka.

Jelemiya 8:10

Paceebo ceeco, bamakaabo ndaakubapa kubasankwa bamwi, ayalo myuunda yabo kubantu bamwi. Kutalikilabo kumuntubo kushika kubalemekwa, boonse beenka basuni kubilila mubwiipi. Balaluki abapailishi boonse abalo mbeshikubeca.

Esekelo 18:12

Ulalyatilila bakandu abaabo bataaku mbobabete. Ulacita bupambi alimwi taapilushi cintu ncaakacatila shinkongole. Ulalambila shibumbwabumbwa akucita shintu shilensha bunya.

Esekelo 19:6

Yakalinga kweendela pantu pomwi ankalamu mukwiinga ciindi ico yakaba nkalamu icite nkusu. Yakeeya kucata banyama akutalika kulya bantu.

Esekelo 19:7

Yakamwayoola shiyubilo akunyonyoola mandabala. Bantu ba mucishi bakaloonda abuumbi ciindi ndiyakatalika kubuluma.

Esekelo 19:9

Bakeekwelela kundobo pakwiibika mucinsangala akwiitola kumwaami wa bene Babiloni. Bakeebika muntolongo Aboobo kubuluma kwa njiyo takukwe kunyumfwikaawo tubili patulundu twa cishi ca Isilaeli.

Esekelo 22:6

“ ‘Mutanjilili womwi awomwi wa bene Isilaeli uli muli ndiwe ulasebensesha nkusu shakwe kutila bulowa.

Esekelo 33:31

Bantu bangu balesa kuli ndiwe bweenka mbobacita lyoonse akwikala kunembo lyako ayi bakutike maswi ako, sombi tabaciti nshoobaambila, sobwe. Balaamba ayi balashomeka kuli ndime, sombi myoyo yabo ilibo mukubilila munshila italuleme.

Mika 2:2

Ncakwiila na balisuni myuunda baleebwesa, na balisuni maanda balaabwesa. Balabwesa ŋanda ya muntu mukumwiinda kumaano akubwesa buboni bwakwe mbwaakapyana munshila njemunya.

Mika 3:10

Amukutike mwebo nomuyaka Siyoni kwiinda mukutila bulowa akuyaka ndabala ya Jelusalemu mukucita bubi.

Sefaniya 3:3

Bacinenenene ba njiyo bali anga ninkalamu shitoobuluma. Boomboloshi ba njiyo bali anga mbaumpe balyabi abo batashiyiiko cifuwa nabi comwi ayi bakalye ciilo.

Bene Loma 1:29

Myoyo yabo iliswitebo shibiibi sha mishobo yoonse mbuli bubi, balisunibo shoonse kashili shinebo, balacitilana shintu shibiibi, munyono, bucayi, inkondo, bubeshi amiyeeyo ibiibi kubabyaabo alimwi mbafuishi.

1 Bene Kolinto 6:10

beepi, balyabi, bacakolwa, beshimatushi nabi bapambi teshi bakenjile muBweene bwakwe Lesa.

Bene Kolose 3:5

Amucaye lunkumbwa loonse lwa mucishi ca panshi ulo luli muli ndimwe, mbuli bufuule, kucita shintu shitaluleme, lunkumbwa lubiibi, miyeeyo ibiibi alimwi abupambi. Mukwiinga kupamba akwalo kulikoshenye akulambila shibumbwabumbwa.

Joshuwa 7:21

pashintu isho nshetwakabwesa, ndakabonawo cakufwala ca peculu cibotu abuumbi ca kuBabiloni, makilogilamu obilo a silifa alimwi acipimpita ca golodi cakalinga kulema musa wa kilogilamu. Ndakakumbwa shintu isho akushibwesa. Anu ndakashifukila mutente yangu, silifa njeili panshi peene.”

2 Pita 2:14

Tabalangibo mwanakashi cakutamukumbwa, balisunibo kucita bufuule lyoonse. Balalengesha bateshi bayumu mulushomo kubisha. Bakeshibila kuyandishisha buboni. Lesa ulaakubapa mulandu!

2 Pita 2:3

Ceebo cakusuna bubile, balaakusebensesha makani akubeca. Mulandu wabo utoobalindilila kuswabo kale kale alimwi kunyonyoolwa kwabo kulibambitwe kale.

1 Samwelo 8:3

Ono tebakalinga kweensha mulimo uyo kweelana ambobakalinga kubona baishiwabo kabacita. Balo bakalinga kusunibo kucana maali. Aboobo bakalinga kutambula makulo akoombolosha cakunyengelela.