Jelemiya 21:14 - Baibo Busansulushi Bwa Libuku Ili

¹⁴ Ndaakumupa mulandu kweelana abweelete micito yanu. Ndaakukumika mulilo muŋanda yanu ya bwaami uyo weshi ukateente shintu shoonse nshimushingulukite. Nebo neMwaami Lesa ndaamba.”

Jelemiya 21:14 Marejeleo ya Msalaba

2 Makani 36:19

Wakatenta Ŋanda yakwe Lesa akupwaya lubumbu lwa Jelusalemu. Wakatenta amaanda abwaami oonse akunyonyoola shintu shoonse shamakwebo.

Tushimpi 1:31

Paceebo ceeco mulaakulya shisepo sha milimo yanu akukuta shisepo sha micito yanu.

Tushimpi 12:14

Shiswa pamulomo wa muntu nsheshimuletela shintu shibotu bweenka mbuli milimo yakwe mboimulambula.

Isaya 10:12

Sombi Mwaami Lesa waamba ayi, “Ndamanisha kucita nsheentoocita paKalundu ka Siyoni amundabala ya Jelusalemu, ndaakupa mulandu muleli munene wa kuAsilya ceebo cakulisumpula, ee, ceebo cakulinaamuna kwakwe.”

Isaya 10:16

Paceebo ceeco Mwaami Lesa, ee, Mwaami Lesa Shinkusu shoonse ulaakutuma bulwashi bucaya pakati ka bashilumamba ba muleli uyo. Lyalo kulisumpula kwakwe kulaakupya amulilo utashimiki.

Isaya 24:21

Pabushiku ubo Mwaami Lesa ulaakupa mulandu beshinkusu mwiculu abamaami ba pacishi ca panshi.

Isaya 37:24

Kwiinda mubeshinkombe bako walundika matushi pali ndime neMwaami Lesa.’ Wakaamba ayi, ‘Ndatanta tulundu ashikoci shiinji, ee, ndatanta atulundu tulaamfu twa mucishi ca Lebanoni. Ndakatimboola shisamu sha sida shilaamfu alimwi ashisamu sha mapaini shiindaawo kubota. Ndakashika kweela misaansa ya ncico, ee, mukati mumisaansa iindaawo kubota.

Jelemiya 11:16

Nebo neMwaami Lesa ndakalinga kubeeta ayi cisamu cibotu abuumbi ca maolifi cicite shisepo shiboneka kabotu. Ono cisamu ico ndaakucitenta kukuyooma kuli anga nkululuma kwa mfula ayalo misampi ya ncico ndaakwiiponsoola.

Jelemiya 11:22

Aboobo Mwaami Lesa Shinkusu shoonse wakaamba ayi, “Ndaakubapa mulandu. Bacikula bwangu balaakucaikwa kunkondo. Bana babo basankwa abanakashi ndaakubacaya kunsala.

Jelemiya 17:10

Nebo neMwaami Lesa ndalanga mumoyo wa muntu akweelesha miyeeyo yakwe kwaamba ayi nambule muntu kweelana amicito yakwe, ee, abweelete milimo yakwe.”

Jelemiya 17:27

Sombi na mukabule kunyumfwila akusalasha bushiku bwakookesha bwa Cibelu mukutanoonyamuna mikuli ili yoonse pakwiinda paminjililo ya ndabala ya Jelusalemu pabushiku ubo, ndaakunyansha mulilo utashimiki paminjililo ya ndabala iyo, uyo weshi ukateente shiyubilo sha njiyo.’ ”

Jelemiya 22:1

Mpomunyaawo Mwaami Lesa wakaŋambila ayi, “Koya kuŋanda ya bwaami ya mwaami wa bene Juda ukaambilishe ayi,

Jelemiya 22:7

Ndaakutuma beshi bakeenyonyoole. Womwi awomwi ulaakunoocite ashilwanisho shakwe. Balaakutema macinko ako a sida akwaasowela mumulilo.

Jelemiya 32:19

Miyeeyo yanu njabusongo alimwi mulacita shintu shikankamika abuumbi. Mwebo mulabona shintu shoonse shicita bantu akubalambula kweelana amicito yabo.

Jelemiya 46:23

Balaakutema misaansa yakwe, nabi ishinke buyani. Mbaanji abuumbi kwiinda cisoshi, ndushinisho tabakonsheki kubelengwa.

Jelemiya 50:32

Mushobo wako ulisumpula ulaakulisuntula akuwa. Taaku weshi akoobuushe. Ndaakutenta mandabala ako shintu shoonse shishingulukite shilaakunyonyoolwa.”

Jelemiya 52:13

Mpeeke wakatenta Ŋanda yakwe Lesa, ŋanda ya bwaami alimwi amaanda oonse a bacinenenene muJelusalemu.

Jelemiya 6:19

Nyumfwa ocishi ca panshi, ntooletela bantu aba mapensho. Ici nceshi cikatumbukwe mumiyeeyo yabo ibiibi ceebo bakakaka kunyumfwa maswi angu alimwi amilawo yangu.’

Jelemiya 6:29

Mulilo muminyumbi ulanyaka cankusu kwaamba ayi usungulule ceela, sombi ceela ico tacitooboteshekwaawo ceebo bantu babiibi tabatookushikwaamo.

Jelemiya 9:25

Mwaami Lesa waamba ayi, “Ciindi cilaakushika ndyeshi nkape mulandu abo boonse bakapalulwa, sombi batanambili.

Malilo 2:3

Mubukali bwakwe buyoosha wakanyaya Isilaeli nkusu shoonse. Wakakaka kubacafwa balwani babo ndibakesa. Wakanyaka kubamulunyungu lwakwe Jakobo, bweenka bubilima mulilo utenta shintu shoonse shili pafwaafwi.

Esekelo 21:3

akucilwiita ayi nebo neMwaami Lesa ndaamba ayi, ‘Ntooyanda kumulwana. Ntookusha mupeeni wangu kuswa mucipokolo mookala ayi ncaisheko bantu bako boonse baluleme abamucita shibi.

Mika 7:13

Cishi ca panshi cilaakuba luyanga ceebo cakubisha kwa baabo bekalaamo.

Sekaliya 11:1

Calula minjililo yako webo Lebanoni, kwaamba ayi mulilo utente shisamu shako sha sida.