Jelemiya 20:9 - Baibo Busansulushi Bwa Libuku Ili

⁹ Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Jelemiya 20:9 Marejeleo ya Msalaba

Kulumbaisha 39:3

Moyo wangu wapenga abuumbi mucaamba cangu. Ndindakalinga kuyeeya, moyo wangu wakapenshekwa abuumbi. Lyalo ndakaamba kumulomo wangu ayi,

Jelemiya 23:29

Maswi angu ali anga ngumulilo nabi ninsando yakupwaishako mabwe. Nebo neMwaami Lesa ndaamba.”

Jelemiya 23:9

Pabalaluki, nebo neJelemiya ndaamba ayi, “Moyo wangu woongumana abuumbi, amumafuwa angu moonse mutootutuma. Ceebobo ca Mwaami Lesa alimwi amaswi akwe asalalite, ndababo anga ngumuntu ukoletwe, ncakwiila anga ngumuntu wanwa bunene waini.

Jelemiya 4:19

Buumba bwancaya, ee, buumba bwancaya! Ntokwaalabanganabo ceebo moyo wangu wacisa. Ncakwiila moyo wangu utookulunkunta cakuyanda kuncinkula. Nshikoonshi kuumunabo napaceyi ceebo ndanyuumfwa kulila kwa lupeenga ee, ndanyuumfwa ciyobeyobe ca nkondo.

Jelemiya 6:11

Sombi nebo ndiswitebo bukali bwanu noBaami baLesa cakwaamba ayi nshikoonshi akuliciba, sobwe.” Lyalo Mwaami Lesa wakaŋambila ayi, “Koya ubupoomwete pabanike bali mumikwakwa apabacikula bwangu babungene pomwi. Musankwa amukaakwe pantu pomwi abacembele bacite myaaka iinji boonse balaakutolwa kubukali ubo.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Esekelo 3:3

Kuswawaawo wakaŋambila ayi, “Webo omuntu, kolya cakulembelaawo ici ncindakupa. Lifumo lyako lisushebo ncico.” Aboobo ndakacilya. Cakulembelaawo ico cakalinga kucite mise anga mbuuci pakucilya.

Amosi 3:8

Na nkalamu yalila, ngani utakoonshi kuloonda? Na Mwaami Lesa Shinkusu shoonse waamba, ngani weenga wakaka kwaambilisha maswi akwe?

Jona 1:2

“Nyamuka uye kundabala inene iindaawo ya Ninife, akushimikila cakucenjesha bantu ba mumo, ceebo bubi bwabo ndabubona ayi bwafula.”

Jona 1:3

Sombi Jona wakanyamuka ayi alobokele kuTashishi kuswa pameenso a Mwaami Lesa. Lyalo wakakunkuluka kuya kuJopa, uko nkwaakacana bwaato bunene bwakalinga kuya nkuko. Aboobo wakalipila akutanta kuya kuTashishi pantu pomwi abeshikweensha bwaato ubo, kwaamba ayi aswe pameenso a Mwaami Lesa.

Luka 9:62

Jesu wakamukumbula ayi, “Muntu woonse utalika kulima aŋombe, mpeeke kaacilanga kwisule, Lesa taacitaakwe ncito muBweene bwakwe.”

Milimo ya Batumwi 17:16

Paulo ndyaakalinga kulindila Sailasi aTimoti muAtenisi, wakapenshekwa abuumbi mumoyo pakubona ndabala inene yoonse kaiswite shibumbwabumbwa nshebakalinga kulambila.

Milimo ya Batumwi 18:5

Ono Sailasi aTimoti ndibakashika kuswa kuMakedoniya, Paulo lakwe wakalibenga ayi unanooshimikilabo akulwiita baJuda ayi Jesu ngoUsalitwe wakwe Lesa.

Milimo ya Batumwi 4:20

Mukwiinga swebo inga tatucilekiiwo kwaamba shintu nshetwakalinga kubona akunyumfwa sobeene.”