Jelemiya 20:7 - Baibo Busansulushi Bwa Libuku Ili

⁷ NoBaami baLesa, mwakancenjeeka anebo ndakacenjeekwa. Mwakanyinda nkusu akunkoma. Ndishikusekwa ciindi coonse alimwi akucelebulwa kubantu boonse.

Jelemiya 20:7 Marejeleo ya Msalaba

2 Baami 2:23

Mpomunyaawo Elisha wakaswa muJeliko akuya kuBetelo. Ono ndyaakalinga kuya munshila, bacikula bwangu basankwa bakaswa mundabala akumuseka mukoolobesha ayi, “Swaamo muno shilubala! Swaamo muno shilubala!”

Jobo 12:4

Anu ono ndababo shikusekwa akubeensuma boonse nakubi kwaamba ayi ndi muntu ululeme utacite kampenda. Nebo ndakalinga kusenga kuli Lesa alakwe wakalinga kunkumbula.

Jobo 30:9

“Ono sunu bana babo batalika kuncobola munyimbo shabo. Ncakwiila ndababo pakulendekela mumibandi yabo.

Kulumbaisha 119:51

Bantu balisumpula balancelebula lyoonsebo, sombi nebo nshifutatiliwo milawo yanu.

Isaya 8:11

Mwaami Lesa wakancenjesha munkusu shakwe shiinji ayi nsheelete kukonkela shitoocita bantu aba. Wakaamba ayi,

Jelemiya 15:10

Maawe mbondapengaako nebo! Anu bama bakanshalilanshi? Nebo ndishikwaambana akupikishikwabo abantu boonse bamucishi! Nshina kukweleteshawo kale nabi kukweletaawo kumuntu, nakubi boobo muntu womwi awomwi ulanshingana.

Jelemiya 15:18

Ceebonshi shitoocisa tashitoomana? Ceebonshi cilonda cangu tacitooshilikika? Ceebonshi tashitokooshaawo? Sa mulisuni kunengesha kutyongola anga nkalonga kayuma cilimo?”

Jelemiya 17:16

Nshikwe kukaka mulimo wa bweembeshi ngomwakampa alimwi nshindakalinga kusuni ayi bakenjile mumapensho. Nceentokwaamba amwebo mulicishi kale.

Jelemiya 20:9

Ono na ndaamba ayi, “Teshi nkaambewo tubili sha pali nguwe nabi kwaamba tubili muliina lyakwe,” maswi akwe alababo anga ngumulilo mumoyo wangu, ee, anga ngumulilo utoonyaka wacalilwa mumafuwa angu. Ndaalilwa kwaasunga mumoyo wangu ncakwiila inga nshicikonshiiwo, sobwe.

Jelemiya 29:26

“Mwaami Lesa ngowakakusala kuba mupailishi pamusena wakwe Jeoiyada ayi unokweendelesha Ŋanda ya Mwaami Lesa. Aboobo ulyeelete kwaanga ncetani akufwalika nteneshi ya nshimbi muntu uli woonse ucinkukite utoolibecesha kuba mulaluki.

Jelemiya 38:19

Mpeeke mwaami Sedekiya wakaŋambila ayi, “Nebo ntooloonda baJuda abo bakaya mukuba kulubasu lwa bene Babiloni ceebo bene Babiloni inga baakungaba kuli mbabo abalo inga bampensha abuumbi.”

Malilo 3:14

Ndakaba shikusekwa kubantu boonse. Balacelebula munyimbo lilaya mukupila.

Esekelo 3:14

Lyalo Mushimu wakwe Lesa wakanyamuna akuntola. Ndakaya kaandi mubishi alimwi amoyo koocisa. Lyaansa lya nkusu lya Mwaami Lesa lyakalinga pali ndime.

Osiya 9:7

Ciindi cakupekwa mulandu citoosa. Ncakwiila ciindi cakubooshelwa cishole cili pafwaafwi. Ciindi ico nobene Isilaeli mulaakucibona. Mwebo mulaamba mulaluki ayi, “Ngumuluya,” mulaamba muntu ucite Mushimu wakwe Lesa ayi, “Ngumushilu.” Mulaamba boobo ceebo ca shibiibi shanu kufula alimwi aceebo cakwaamba ayi lupato lwanu ndunene.

Jona 4:2

Mpeeke wakapaila ayi, “Sa te nceceeci ncendakaamba kaantana kuswa kumisheesu ayi cilaakucitika? Anu ncendakafwambaanina kulobokela kuTashishi. Ndakalinga kwishi ayi uli Lesa walusuno alimwi shinkumbu, utafwambaani kukalala, Lesa shiluse luteeli alimwi upilula miyeeyo akucileka kunyonyoola.

Mika 3:8

Ono nebo Mwaami Lesa wampa nkusu shiinji pantu pomwi aMushimu wakwe. Wampa amaano akoombolosha cakutanyengelela akunengesha kubula boowa kwaamba ayi nkalwiite bamulunyungu lwakwe Jakobo shilubo shabo, ee, kulwiita bene Isilaeli shibiibi shabo.

Luka 16:14

BaFalisi ndibakanyumfwa makani aya, bakatalika kushibuluka Jesu mukwiinga balo bakalinga kusunishi maali.

Luka 23:11

Elodi abashilumamba bakwe bakaweluluka Jesu akumunyansha. Lyalo bakamufwalika cisani cibotu akumuboosha kuli Pilato.

Milimo ya Batumwi 17:18

Bamwi bafundishi beetwa ayi bene Epikuliya abaSitoiki bakatalika kumupikisha. Bamwi bakaamba ayi, “Anu ono alakwe uyu uteeite ulisuni kwaambanshi?” Abalo bamwi bakaamba ayi, “Caboneka anga utokwaamba pabalesa ba baswamashi.” Bakaamba boobo ceebo Paulo wakalinga kushimikila Makani Abotu akwe Jesu akubuka kuswa kubafu.

Milimo ya Batumwi 17:32

Ndibakanyumfwa ayi Paulo utokwaamba shakubuka kuswa kubafu, bamwi bakatalika kumuseka. Sombi bamwi bakaamba ayi, “Tulisuni kwaamba ayi ukese ukatulwiteewo alimwi pacikani ncemunya ici.”

1 Bene Kolinto 9:6

Sa nebo aBanabasi ndiswebo sweenka sotweelete kusebensa kwaamba ayi tucane nshetutacite?

Bene Ebulu 11:36

Bamwi alimwi bakawelulukwa akukwipwa, abalo bamwi bakaangwa ncetani akuwaalwa muntolongo.