Jelemiya 20:6 - Baibo Busansulushi Bwa Libuku Ili

⁶ Ono webo Pasha alimwi abamuŋanda yako mulaakutolwa busha kuBabiloni. Uko ulaakufwa akubikwa pantu pomwi ababyo abo mbowakalalukila bubeshi.’ ”

Jelemiya 20:6 Marejeleo ya Msalaba

Isaya 9:15

Basankwa bamanene alimwi balemekwa ngomutwi, mucila mbalaluki beeisha shakubeca.

Jelemiya 14:13

Lyalo nebo ndakaamba ayi, “Nobaami baLesa beShinkusu shoonse, balaluki balabaambila ayi, ‘Teshi mukabonewo nkondo nabi kufwa kunsala. Ncakwiila mulaakupekwabo luumuno mucishi canu.’ ”

Jelemiya 14:16

Lyalo abantu abo mbobatoolalukilaako balaakuwaalwa mumikwakwa ya muJelusalemu ceebo ca nsala ankoondo. Teshi kukabeewo shikubabika nabi shikubika bamakaabo, bana babo basankwa nabi banakashi. Ndaakubapoomweta mapensho ayo abeelete.”

Jelemiya 20:1

Mpeeke Pasha mupailishi mwanaakwe Ima uyo wakalinga munene wa muŊanda ya Mwaami Lesa ndyaakanyumfwa nebo kaandaluka makani aya,

Jelemiya 20:4

Ndacita boobo ceebo Mwaami Lesa waamba ayi, ‘Ndaakukulengesha kuba cintu cilensha boowa kuli ndiwe omwiine akubabyo boonse. Babyo balaakucaikwa munkondo kubalwani mumeenso ako. Ndaakwaaba bene Juda boonse mumaansa a mwaami wa kuBabiloni uyo weshi akabatole kuBabiloni nabi kubacaya munkondo.

Jelemiya 23:32

Ndushinisho ndibapatite balaluka shabubeshi. Balalwiita bantu bangu shiloto isho akubasowa kububeshi bwabo butacite ncito. Sombi nshikwe kubatuma, sobwe. Nebo neMwaami Lesa ndaamba.”

Jelemiya 29:32

ncakwiila ndaakumupa mulandu pantu pomwi abamulunyungu lwakwe. Taaku shikamukowa nabibo womwi weshi akacaale alimwi teshi akabonewo shintu shibotu nsheshi nkacitile bantu bangu ceebo wakaambila bantu kubukila ndime neMwaami Lesa. Nebo neMwaami Lesa ndaamba.’ ”

Jelemiya 5:31

Balaluki balalaluka shabubeshi. Bapailishi baleendelesha shintu kweelana ambobasuni beene. Abalo bantu bangu balikondetwe. Ono kumamanino mulaakucita buyani?”

Malilo 2:14

Shili anga nshiloto shakalinga kubona balaluki banu shakalinga shabubeshi shitacite ncito. Ee, bulaluki bwabo tebwakalinga kuyubulula shibiibi shako ayi ukabule kucatwa busha. Ncakwiila bakakulengesha kuyeeya ayi kusanduka kuswa kushibiibi shako taciyandiki.

Esekelo 22:28

Balaluki abalo balashisa shibiibi ishi anga ngumuntu utooshingula lubumbu abulongo butuba. Balabona shili anga nshiloto shabubeshi alimwi ashisondo shakubeca akwaambila bantu. Balaamba ayi batokwaamba maswi aMwaami Lesa Shinkusu shoonse, sombi nebo neMwaami Lesa kaantana kwaambaabo.

Bene Lefi 26:17

Ndaakumufutatila ayi mukakomwe alimwi abo bamupatite balaakumweendelesha. Mulaakuloonda cakwaamba ayi mulaakucica nabi taaku utoomutandaanya.

Mika 2:11

“Na mubeshi nabi shikucenjeeka wesa waamba ayi, ‘Ntoomulalukila kutambula waini abwalwa buunji,’ Uyu ulaakuba ngomulaluki bantu aba ngobasuni.

Sekaliya 13:3

Lyalo na umwi akanoocisuni kulaluka, baishi abanyina balaakumwaambila ayi, ‘Webo ulyeelete kufwa ceebo utoobeca kwiinda mukusebensesha liina lya Mwaami Lesa.’ Muntu wa mushobo uyo bamashali bakwe mwiine balaakumuyasa.

Dutolonomi 28:25

“Mwaami Lesa ulaakulengesha ayi balwani banu bakamukoome. Pakuya mukulwana ambabo mulaakupolela lubasu lomwi, sombi pakubacica mulaakumwaikabo. Lyalo bantu boonse mucishi ca panshi balaakuloonda abuumbi pakubona sheshi shikamucitikile.