Jelemiya 20:5 - Baibo Busansulushi Bwa Libuku Ili

⁵ Lyalo buboni boonse bwa mundabala iyi ndaakubwaaba kubalwani babo. Nkokwaamba ayi shoonse shiliimo kubikaawo ashintu sha makwebo shoonse abuboni boonse bwa bamaami ba bene Juda. Balaakushisaala akushitola kuBabiloni.

Jelemiya 20:5 Marejeleo ya Msalaba

2 Makani 36:10

Mpeeke kumatalikilo amwaaka umwi mwaami Nebukadinesa wakatola busha Jeoiyakini kuBabiloni. Wakabwesa ashintu shamakwebo kuswa muŊanda yakwe Lesa akushitola kuBabiloni ashalo. Nebukadinesa wakabwesa Sedekiya shimishaabo Jeoiyakini akumubika pabwaami bwa bene Juda abene Jelusalemu.

Isaya 39:6

‘Ciindi cilaakushikila buboni boonse bwa muŋanda yako ya bwaami, pantu pomwi asheesho bamashali bako bakulukulu nshebakasunga kushikila bushiku bwa sunu. Shoonse shilaakutolwa kucishi ca Babiloni. Ncakwiila taaku ceshi cikacaale.

Jelemiya 12:12

Mutulundu toonse tutacite bwiisu muluyanga beshikunyonyoola balaakuwuumuka. Balaakucita boobo ceebo mupeeni wa Mwaami Lesa ulaakucaya kuswa kweela cishi kuya mukushika ankoceela, cakwaamba ayi taakuuwo aweshi akanooli muluumuno.

Jelemiya 15:13

Ono Mwaami waŋambila ayi, “Ndaakulengesha buboni abubile bwanu kusaalwa kubalwani babo ceebo ca shibiibi shabo nshebakacita mucishi coonse.

Jelemiya 17:3

Buboni bwanu abubile bwanu boonse ndaakubuleka ayi bukasaalwe. Bulaakusaalwa pantu pomwi amisena yanu yakulambililaako ya patulundu ceebo ca shibiibi shanu shakacitwa mucishi canu coonse.

Jelemiya 3:24

Kuswa kubucikula bwangu bwesu balesa balensha nsoni bakamana shakayuwila bamashali besu bakulukulu. Ncakwiila bakamana mbelele, ŋombe alimwi abana babo basankwa abanakashi.

Jelemiya 32:24

“Bene Babiloni bapanga shitunta shakutantilaawo pakulwana kushingulusha ndabala inene ayi beekoome. Ono kwiinda munkondo, nsala amwaalu, ndabala inene iyi ilaakwaabwa mumaansaabo. Nkokwaamba ayi makani oonse ngomwakaamba nobaLesa ngalushinisho.

Jelemiya 39:2

Ono pabushiku bwasanu ashone, mumweenshi wane mumwaaka walikumi awomwi wa bwaami bwakwe Sedekiya, lubumbu lwa ndabala lwakapwaikwa.

Jelemiya 39:8

Mpomunyaawo bene Babiloni bakatenta ŋanda ya bwaami amaanda a bantu akupwayoola lubumbu lwa Jelusalemu.

Jelemiya 4:20

Mapensho ananootungenebo kalongo. Cishi coonse camana kunyonyoolwa. Matente angu anyonyoolwabo muciindi ciniini. Ayalo misumba yanyonyoolwabo cakufwambaana.

Malilo 1:10

Balwani ba njiyo bakabwesa buboni bwa njiyo boonse. Lyalo yakabona mishobo ya bakunsengwe keenjila amuŊanda yakwe Lesa. Ee, bantu abo Mwaami Lesa mbwaakalinga kukasha kwisa mumabungano akwe.

Malilo 1:7

Munshiku shakupenshekwa alimwi akwiingooka kwa njiyo, Ndabala ya Jelusalemu yayeeya abuboni boonse ubo mboyakalinga kucite kale kale. Bantu ba njiyo ndibakawita mumaansa a balwani ba njiyo, taaku muntu nabi womwi wakeecafwaako. Balwani ba njiyo bakeelangabo akwiiseka mboyakanyonyoolwa.

Malilo 4:12

Bamaami ba pacishi ca panshi tabakwe kushoma, kubikaawo abantubo bamwi kwaamba ayi balwani babo inga benjila paminjililo ya ndabala ya Jelusalemu.

Esekelo 22:25

Muli ndiwe muli bamatanjilili abo batoopinga kucaya babyaabo anga ninkalamu itoobuluma pakukwaamoona munyama ngoyacata. Balanyonyoola bantu, kubwesa buboni ashintu shibotu alimwi akulengesha banakashi baanji kucaala bumukalubinje.

Danyelo 1:2

Mwaami Lesa wakaaba Jeoiyakimu mwaami wa bene Juda mumaansaakwe Nebukadinesa pantu pomwi ashintu shimwi shamakwebo sha muŊanda yakwe Lesa. Shintu ishi wakashitola kuŋanda yakwe lesa wakwe kuBabiloni akushibika muŋanda yakusungilaamo buboni.

Osiya 13:15

Ono nabi bene Isilaeli bakanooswitilila pakati ka bamakwabo bamwi, ndaakutuma muuwo ulungula kuswa kuluyanga. Muuwo uyo ulaakuyumya tuntupu alimwi amikalo yabo. Muuwo uyo ulaakunyonyoola shintu shoonse shamakwebo mushipinda shabo shakusungilamo buboni.